G20 Summit : બીજેપી મુખ્યાલયમાં આજે PM Modi નું ભવ્ય સ્વાગત કરાશે

G20 સમિટ (G20 Summit)નું સફળતાપૂર્વક આયોજન કરવા બદલ મોદી(narendra modi) સરકારની ખૂબ પ્રશંસા થઈ રહી છે. વિરોધ પક્ષોના નેતાઓએ પણ આ માટે વડાપ્રધાન મોદી અને તેમની ટીમના વખાણ કર્યા છે. G20 સમિટની સફળતા બાદ વડાપ્રધાન મોદીનું ભવ્ય સ્વાગત કરવા માટે આજે પાર્ટીના હજારો કાર્યકર્તાઓ નવી દિલ્હી બીજેપી હેડક્વાર્ટર ખાતે એકઠા થઈ રહ્યા છે.

ભારતની પ્રતિષ્ઠિત સમિટનું સફળ આયોજન અને નવી દિલ્હી ઘોષણા પર સર્વસંમતિ હાંસલ કરવામાં તેની સફળતાને એક મોટી રાજદ્વારી જીત તરીકે જોવામાં આવી રહી છે. G20 ના દેશના સફળ પ્રમુખપદ અને ગ્લોબલ સાઉથ મુદ્દાઓની હિમાયતએ પણ યુએન સિક્યુરિટી કાઉન્સિલમાં કાયમી બેઠક માટેના તેના દાવાને મજબૂત બનાવ્યો છે.

જોકે, સ્વાગત સમારોહ બાદ તરત જ વડાપ્રધાન ચૂંટણીના કામમાં લાગી જશે અને મહત્વની મધ્યપ્રદેશ અને છત્તીસગઢની ચૂંટણી માટે ઉમેદવારો નક્કી કરવા માટે ભાજપની કેન્દ્રીય ચૂંટણી સમિતિની બેઠકમાં હાજરી આપશે.ભારતીય જનતા પાર્ટીની કેન્દ્રીય ચૂંટણી સમિતિની મહત્વની બેઠક છે.  આ બેઠકમાં પીએમ મોદી, જેપી નડ્ડા અને અમિત શાહ પણ હાજરી આપશે. માનવામાં આવી રહ્યું છે કે આજની મહત્વની બેઠકમાં આગામી વિધાનસભાની ચૂંટણી માટે ઉમેદવારોની યાદીને આખરી મંજુરી આપવામાં આવી શકે છે. અહેવાલો અનુસાર, આજની બેઠકમાં મધ્યપ્રદેશની 50 અને છત્તીસગઢની 35 બેઠકો પર અંતિમ નિર્ણય લેવામાં આવશે. ટૂંક સમયમાં બેઠક શરૂ થઈ રહી છે. પીએમ સાંજે બેઠકના બીજા ભાગમાં હાજરી આપશે.

આ પણ વાંચો---ભારતીય જનતા પાર્ટીની કેન્દ્રિય ચૂંટણી સમિતિની આજે મહત્વની બેઠક