• પ્રેમાનંદજી મહારાજના વિચારો સોશિયલ મીડિયામાં વાયરલ થાય છે
• તેઓ પ્રભુ ભક્તિમાં મન પરોવવાની સાથે નાના-મોટા પ્રશ્નોના ઉકેલ પણ આપે છે
• અનેક સેલીબ્રિટી તેમના દરબારમાં હાજરી લગાવી ચૂક્યા છે

Premanand Maharaj - Raj Kundra : શિલ્પા શેટ્ટીના પતિ રાજ કુન્દ્રા (Shilpa Shetty Husband Raj Kundra) નાણાકીય છેતરપિંડીના આરોપોને કારણે પહેલાથી જ હેડલાઇન્સમાં હતા, તેઓ તાજેતરમાં વૃંદાવનની મુલાકાત દરમિયાન એક વીડિયો વાયરલ થયા બાદ ફરીથી ચર્ચામાં આવ્યા હતા. સોશિયલ મીડિયા મારફતે સામે આવેલી ક્લિપમાં આધ્યાત્મિક ગુરુ પ્રેમાનંદ મહારાજે (Premanand Maharaj) જણાવ્યું હતું કે, તેમની બંને કિડની ફેલ થઈ ગઈ છે અને તેઓ 10 વર્ષથી આ પરિસ્થિતી સામે સામે લડી રહ્યા છે. આનાથી પ્રભાવિત થઈને રાજ કુન્દ્રા (Raj Kundra) એ તેમની કિડની દાન કરવાની ઓફર કરી હતી, જે સાંભળીને ખુદ શિલ્પા આશ્ચર્યચકિત થઈ ગઈ હતી. મહારાજે (Premanand Maharaj) આ ઓફરની પ્રશંસા કરી, પરંતુ તેણીએ તેને નકારી કાઢી હતી. જ્યારે તેનો વીડિયો વાયરલ થયો, ત્યારે કેટલાક ટ્રોલ્સે રાજ કુન્દ્રાને ટ્રોલ કરવાનું શરૂ કર્યું હતું. લોકોએ સોશિયલ મીડિયા પર તેમની ટીકા કરી હતી. હવે રાજ કુન્દ્રાએ પણ આનો જવાબ આપ્યો છે.

Strange world we live in when someone chooses to offer a part of themselves to save another’s life, it’s mocked as a PR stunt. If compassion is a stunt, may the world see more of it. If humanity is a strategy, may more people adopt it. I’m not defined by labels the media or…

— Raj Kundra (@onlyrajkundra) August 15, 2025

પીઆર સ્ટંટ તરીકે મજાક ઉડાવવામાં આવી

રાજ કુન્દ્રા (Raj Kundra) નો જવાબ ટીકાનો જવાબ આપતા, રાજ કુન્દ્રાએ ઇન્સ્ટાગ્રામ અને ટ્વિટર પર લખ્યું, 'આપણે કેટલી વિચિત્ર દુનિયામાં રહીએ છીએ, જ્યારે કોઈ બીજાના જીવનને બચાવવા માટે પોતાનો એક ભાગ આપવાનું નક્કી કરે છે, ત્યારે તેની પીઆર સ્ટંટ તરીકે મજાક ઉડાવવામાં આવે છે. જો કરુણા એક સ્ટંટ છે, તો દુનિયાએ તેને વધુ જોવું જોઈએ. જો માનવતા એક વ્યૂહરચના છે, તો વધુ લોકોએ તેને અપનાવવું જોઈએ. મારો ભૂતકાળ મારી વર્તમાન પસંદગીઓને રદ કરતો નથી અને મારા વર્તમાન ઇરાદા તમારા શંકા દ્વારા માપવાના નથી. ઓછી ટીકા કરો, વધુ પ્રેમ કરો, કદાચ તમે પણ કોઈનો જીવ બચાવી શકો.'

રાજ કુન્દ્રા એક ઉદ્યોગપતિમાંથી અભિનેતા બન્યા છે

તમને જણાવી દઈએ કે, રાજ કુન્દ્રા (Raj Kundra) લાંબા સમયથી એક ઉદ્યોગપતિ તરીકે હેડલાઇન્સમાં રહ્યા છે. શિલ્પા શેટ્ટી સાથે લગ્ન કરતા પહેલા પણ રાજ કુન્દ્રા લંડનમાં સ્થાયી ઉદ્યોગપતિ હતા. પરંતુ શિલ્પા સાથે લગ્ન કર્યા પછી, રાજ કુન્દ્રાની ફિલ્મ જગતમાં દખલગીરી પણ ઘણી વધી ગઈ. શિલ્પા અને રાજ કુન્દ્રાને 2 બાળકો પણ છે. તાજેતરમાં, રાજ કુન્દ્રાને પણ કોઈ કેસ માટે જેલમાં રહેવું પડ્યું. જે પછી રાજ કુન્દ્રા પોતે એક અભિનેતા બન્યા અને પડદા પર પોતાનો જેલનો અનુભવ બતાવ્યો. જોકે, આ ફિલ્મ ઘણા લોકોને પસંદ ન આવી.

આ પણ વાંચો ----- Javed Akhtar એ સ્વાતંત્ર્ય દિવસની શુભેચ્છા મુદ્દે ટ્રોલરને શા માટે તતડાવ્યો ? જાણો સમગ્ર મામલો