G20 માં રાષ્ટ્રપતિ બિડેન અને PM મોદીની મુલાકાત, બ્રાઝિલમાં વિશ્વભરના નેતાઓ એકઠા થયા

1. PM નરેન્દ્ર મોદી બ્રાઝિલના પ્રવાસે
2. PM મોદીએ અમેરિકી રાષ્ટ્રપતિ જો બિડેન સાથે મુલાકાત કરી
3. બિડેન સાથેની તસવીર ટ્વિટ પર શેર કરી

PM નરેન્દ્ર મોદી બ્રાઝિલના પ્રવાસે છે. સોમવારે તેમણે રિયો ડી જાનેરોમાં જી-20 સમિટમાં હાજરી આપી હતી. અહીં PM મોદીએ અમેરિકી રાષ્ટ્રપતિ જો બિડેન સાથે મુલાકાત કરી. બિડેન સાથેની તસવીર ટ્વિટ કરતી વખતે PM એ લખ્યું કે તમને મળીને હંમેશા આનંદ થાય છે. આ દરમિયાન PM મોદીએ સંયુક્ત રાષ્ટ્રના મહાસચિવ એન્ટોનિયો ગુટેરેસ સહિત ઘણા દેશોના વડાઓ સાથે મુલાકાત કરી.

PM મોદી નાઈજીરિયાથી બ્રાઝિલ પહોંચ્યા...

PM તેમના ત્રણ દેશોના વિદેશ પ્રવાસના બીજા તબક્કામાં સમિટ માટે બ્રાઝિલ પહોંચ્યા છે. PM મોદી 16-21 નવેમ્બર સુધી નાઈજીરિયા, બ્રાઝિલ અને ગયાનાની પાંચ દિવસીય મુલાકાતે છે. PM નરેન્દ્ર મોદી નાઈજીરિયાના પ્રવાસ બાદ સોમવારે બ્રાઝિલ પહોંચ્યા હતા. રિયો ડી જાનેરો પહોંચતા ભારતીય સમુદાય દ્વારા તેમનું સંસ્કૃત મંત્રોચ્ચાર સાથે ઉષ્માભર્યું સ્વાગત કરવામાં આવ્યું હતું. 2014 અને 2019 માં બ્રિક્સ સમિટ બાદ PM મોદીની બ્રાઝિલની આ ત્રીજી મુલાકાત છે. ગયા વર્ષે, ભારતે નવી દિલ્હીમાં G20 સમિટનું આયોજન કર્યું હતું.

આ પણ વાંચો : Canada US Border પર માઇનસ 35 ડિગ્રીમાં થીજી ગયેલો ગુજરાતી પરિવાર

G20 શું છે?

G20 એક આંતરરાષ્ટ્રીય મંચ છે જેમાં 19 દેશો અને યુરોપિયન યુનિયન (EU) સભ્યોનો સમાવેશ થાય છે. તેનો હેતુ વૈશ્વિક અર્થતંત્ર, નાણાકીય સ્થિરતા, આબોહવા પરિવર્તન અને અન્ય મહત્વપૂર્ણ વૈશ્વિક મુદ્દાઓ પર ચર્ચા અને સહયોગ કરવાનો છે. G20 એ વિશ્વની મુખ્ય અર્થવ્યવસ્થાઓનો સમૂહ છે અને તે વૈશ્વિક નીતિ બનાવવામાં મહત્વની ભૂમિકા ભજવે છે.

આ પણ વાંચો : થાઈલેન્ડમાં ચોંકાવનારો બનાવ : એક મહિલાને કોર્ટે ફટકારી 235 વર્ષની જેલ!

વૈશ્વિક મુદ્દાઓ પર ચર્ચા કરવામાં આવશે...

G20 ની રચના 1999 માં કરવામાં આવી હતી અને તેનો મુખ્ય ઉદ્દેશ્ય વૈશ્વિક નાણાકીય કટોકટીને નિયંત્રિત કરવાનો અને આર્થિક વૃદ્ધિને પ્રોત્સાહન આપવાનો હતો. આ કોન્ફરન્સ દર વર્ષે યોજવામાં આવે છે અને તેમાં સભ્ય દેશોના વડાઓ (PM, રાષ્ટ્રપતિઓ અથવા તેમના પ્રતિનિધિઓ) વૈશ્વિક મુદ્દાઓ પર ચર્ચા કરવા માટે ભેગા થાય છે. G20 નો પ્રભાવ અને મહત્વ એટલા માટે પણ છે કારણ કે તેના સભ્ય દેશો વિશ્વના કુલ GDP માં લગભગ 85% અને વૈશ્વિક વેપારમાં લગભગ 75% હિસ્સો ધરાવે છે.

આ પણ વાંચો : Israel: બેન્જામિન નેતન્યાહુના ઘર પર ફરી હુમલો થતાં ઇઝરાયેલ રઘવાયુ બન્યું