Rain in Gujarat: આગામી 7 દિવસ રાજ્યમાં વરસાદની હવામાન વિભાગની આગાહી
- સૌરાષ્ટ્રમાં ભારે વરસાદની હવામાન વિભાગે કરી આગાહી
- કચ્છ અને દક્ષિણ ગુજરાતમાં આજે અતિભારે વરસાદની આગાહી
- બનાસકાંઠા અને સાબરકાંઠામાં ભારે વરસાદ રહેવાની શક્યતા
Rain in Gujarat: આગામી 7 દિવસ રાજ્યમાં વરસાદની હવામાન વિભાગની આગાહી કરવામાં આવી છે. જેમાં સૌરાષ્ટ્રમાં ભારે વરસાદની હવામાન વિભાગે આગાહી કરી છે. તથા કચ્છ અને દક્ષિણ ગુજરાતમાં આજે અતિભારે વરસાદની આગાહી કરવામાં આવી છે. બનાસકાંઠા અને સાબરકાંઠામાં ભારે વરસાદ રહેવાની શક્યતા છે. તથા અમદાવાદમાં કેટલાક વિસ્તારોમાં ભારેથી અતિભારે વરસાદની આગાહી છે. તેમજ દ્વારકા, પોરબંદર, રાજકોટ, જામનગર, નવસારી, વલસાડમાં વરસાદનું રેડ અલર્ટ છે. તથા માછીમારોને આગામી 3 દિવસ દરિયો ન ખેડવા સૂચના આપવામાં આવી છે.
Gujarat Heavy Rain: જ્યાં જોવો ત્યાં બસ પાણી જ પાણી ! । Gujarat First
- ભાવનગર અને ઉપરવાસમાં ભારે વરસાદથી ભાલમાં પાણી-પાણી
- વરસાદ બંધ થયાને 5 દિવસ બાદ પણ સ્થિતિ ત્યાંની ત્યાંજ
- સનેસ, માઢિયા, પાળીયાદ, સવાઇનગર ગામમાં પાણી ભરાયેલા
- ખેતા ખાટલી, કાળાતલાવ સહિતના ગામોમાં હજુ પાણી… pic.twitter.com/84vJKe54FM— Gujarat First (@GujaratFirst) June 22, 2025
ઉત્તર ગુજરાતમાં સાબરકાંઠા, બનાસકાંઠા અને અરવલ્લીમાં પણ ભારે વરસાદ
ઉત્તર ગુજરાતમાં સાબરકાંઠા, બનાસકાંઠા અને અરવલ્લીમાં પણ ભારે વરસાદની શક્યતાઓ છે. મધ્ચ ગુજરાતમાં પણ ભારે પવન સાથે અતિભારે વરસાદની આગાહી કરવામાં આવી છે. પોરબંદર, જામનગર, જૂનાગઢ, દ્વારકા,સાબરકાંઠા, સુરેન્દ્રનગર અને બનાસકાંઠા જિલ્લામાં ભારેથી અતિભારે વરસાદની આગાહી કરાઈ છે. જ્યારે કચ્છમાં વરસાદનું ઓરેન્જ એલર્ટ અપાયું છે. વડોદરા શહેરમાં આજે સાર્વત્રિક વરસાદ વરસ્યો છે. શહેરના રોડ રસ્તાઓ પર પાણી ફરી વળ્યાં છે. વહેલી સવારથી જ વરસાદ શરૂ થતાં નોકરી ધંધે જનારા લોકોને હાલાકીનો સામનો કરવો પડ્યો છે.
અંબાલાલની આગાહી પ્રમાણે રાજ્યમાં ધોધમાર વરસાદ પડી શકે છે
હવામાન નિષ્ણાંત અંબાલાલની આગાહી પ્રમાણે રાજ્યમાં ધોધમાર વરસાદ પડી શકે છે. અંબાલાલ પટેલની આગાહી પ્રમાણે આજે રાજ્યના અનેક ભાગોમાં વરસાદી ઝાપટાં પડશે. અમદાવાદ અને ગાંધીનગર સહિત ઉત્તર ગુજરાતના વિસ્તારોમાં પણ ભારેથી અતિભારે વરસાદની શક્યતા વ્યક્ત કરવામાં આવી છે. તેમજ 22 થી 24 જૂન દરમિયાન દક્ષિણ ગુજરાત, વડોદરા, મહીસાગર અને મહેસાણા જિલ્લામાં પણ ભારે વરસાદ પડી શકે છે એવી આગાહી કરવામાં આવી છે.
આ પણ વાંચો: અમદાવાદમાં એર ઈન્ડિયાના પ્લેન ક્રેશનો કાટમાળ લઈ જતા ટ્રકનો અકસ્માત