મુંબઇ પોલીસે ડોનાલ્ડ ટ્રમ્પના નકલી આધારકાર્ડ મામલે MLA રોહિત પવાર સામે પોલીસ ફરિયાદ
- મુંબઇ પોલીસે ડોનાલ્ડ ટ્રમ્પના Fake Aadhar Card મામલે કરી કાર્યવાહી
- મુંબઇ પોલીસે નકલી આધારકાર્ડ મામલે શરદ પવારના ભત્રીજા પર ફરિયાદ
- ધારાસભ્ય રોહિત પવાર સામે મુંબઇ પોલીસે નોંધી ફરિયાદ
મુંબઈમાં અમેરિકાના રાષ્ટ્રપતિ ડોનાલ્ડ ટ્રમ્પના નામે એક નકલી આધાર કાર્ડ (DonaldTrumpAadhar) બહાર પાડવામાં આવતા રાજકારણ ગરમાયું છે. શરદ પવારના NCP નેતા અને ધારાસભ્ય રોહિત પવાર (RohitPawar) પર આ બનાવટી કાર્ડ બનાવવાનો આરોપ છે. પવારે દાવો કર્યો હતો કે તેમણે બનાવટી આધાર કાર્ડ બનાવવાની પ્રક્રિયામાં રહેલી ખામીઓનો પર્દાફાશ કરવા માટે આ 'પ્રયોગ' કર્યો હતો. નકલી વેબસાઇટ અને દસ્તાવેજોનો ઉપયોગ કરીને ટ્રમ્પનું આધાર કાર્ડ મેળવ્યા બાદ, તેમણે 16 ઓક્ટોબરે એક પ્રેસ કોન્ફરન્સમાં તેનો ખુલાસો કર્યો હતો. જોકે, ભારતીય જનતા પાર્ટીની ફરિયાદ બાદ હવે તેમની સામે FIR દાખલ કરવામાં આવી છે.
VIDEO | Mumbai: Maharashtra BJP leader Navnath Ban said, “Rohit Pawar, an MLA from Sharad Pawar’s group leader Rohit Pawar, recently held a press conference claiming to create a Donald Trump ID card, which insulted the country’s Aadhaar system... BJP filed a complaint against… pic.twitter.com/DKFc8tGUVb
— Press Trust of India (@PTI_News) October 30, 2025
Fake Aadhar Card: ટ્રમ્પના નકલી આધારકાર્ડ મામલે મોટી કાર્યવાહી
ભારતીય જનતા પાર્ટીએ આ મામલે મુંબઈના દક્ષિણ સાયબર પોલીસ સ્ટેશનમાં (MumbaiCyberPolice) વેબસાઇટ ડેવલપર રોહિત પવાર અને અન્ય લોકો સામે કેસ દાખલ કર્યો છે. FIR અનુસાર, આ નકલી વેબસાઇટ દ્વારા આધાર કાર્ડ બનાવવાથી નાગરિકો ગેરમાર્ગે દોરાય છે, સત્તાવાર સંસ્થાઓમાં વિશ્વાસ ઓછો થઈ શકે છે અને "સમાજમાં જૂથો વચ્ચે મતભેદ અને દુશ્મનાવટ ઊભી થઈ શકે છે." ભાજપના એક અધિકારીના જણાવ્યા અનુસાર, આ પગલું રાષ્ટ્રીય સુરક્ષા માટે ખતરો ઉભો કરી શકે છે.
Fake Aadhar Card: MLA રોહિત પવાર સામમે પોલીસ ફરિયાદ
ધારાસભ્ય રોહિત પવારે ખુલાસો કર્યો હતો કે તેમણે આ પ્રયોગ છેલ્લી લોકસભા અને વિધાનસભા ચૂંટણીઓ વચ્ચે મત ચોરી અને વ્યાપક મતદાતા હેરાફેરી કરવાના તેમના આરોપોને સાબિત કરવા માટે કર્યો હતો. વિધાનસભા ચૂંટણીઓથી, તેમનું ગઠબંધન સતત ભાજપ પર મત ચોરી અને મતદારો સાથે છેડછાડનો આરોપ લગાવી રહ્યું છે. NCP નેતાએ સત્તાવાર ડેટા ટાંકીને દાવો કર્યો હતો કે 2019 થી 2024 દરમિયાન 3.2 મિલિયન નવા મતદારો ઉમેરાયા હતા, જ્યારે 2024ની લોકસભા અને આગામી મહારાષ્ટ્ર વિધાનસભા ચૂંટણીઓ વચ્ચે માત્ર છ મહિનામાં આ સંખ્યા વધીને 4.8 મિલિયન નવા મતદારો થઈ ગઈ છે, જે શંકાસ્પદ છે.
Fake Aadhar Card: રોહિત પવારે આપ્યું આ નિવેદન
ભાજપ દ્વારા દાખલ કરાયેલી FIR વિશે મીડિયા સાથે વાત કરતા, રોહિત પવારે કહ્યું કે તેમણે ફક્ત આધાર કાર્ડ જારી કરવામાં છેતરપિંડીનો પર્દાફાશ કર્યો હતો. તેમણે સ્પષ્ટતા કરી કે, "મેં ફક્ત ખામીઓ જ ઉજાગર કરી છે. આ રીતે નકલી મતદાર કાર્ડ પણ બનાવવામાં આવી રહ્યા છે. મેં કોઈને નુકસાન પહોંચાડ્યું નથી. મારી સામે કોઈ કારણ વગર કેસ દાખલ કરવામાં આવ્યો છે." મુંબઈ પોલીસે આગળની કાર્યવાહી માટે આ મામલાની તપાસ શરૂ કરી દીધી છે. પોલીસ હાલમાં એ નક્કી કરવાનો પ્રયાસ કરી રહી છે કે નકલી આધાર કાર્ડ બનાવવામાં કોણ સામેલ હતું અને કઈ તકનીકોનો ઉપયોગ કરવામાં આવ્યો હતો.
આ પણ વાંચો: મુંબઈમાં ઓડિશન માટે બોલાવાયેલા 20 બાળકોને બંધક બનાવાયા, પોલીસે આરોપીને ઝડપ્યો