સચિને પુત્રી Saraને સોંપી આ મહત્વની જવાબદારી

• સચિન તેંડુલકરે દિકરી સારા તેંડુલકરને સોંપી મહત્વની જવાબદારી
• સારાને સચિન તેંડુલકર ફાઉન્ડેશનના ડાયરેક્ટર બનાવવામાં આવી
• સારાએ પોતાનો અભ્યાસ લંડનથી પૂર્ણ કર્યો
• સચિને પોતે સોશિયલ મીડિયા દ્વારા આ માહિતી આપી

SaraTendulkar : સચિન તેંડુલકરની પુત્રી સારા તેંડુલકર (SaraTendulkar)અવારનવાર સમાચારોમાં રહે છે. તેણે પોતાનો અભ્યાસ લંડનથી પૂર્ણ કર્યો છે. સચિને ઘણા સમય પહેલા આ અંગે સોશિયલ મીડિયા પર એક પોસ્ટ પણ શેર કરી હતી. હવે સચિને સારાને મહત્વની જવાબદારી સોંપી છે. તેને સચિન તેંડુલકર ફાઉન્ડેશનના ડાયરેક્ટર બનાવવામાં આવી છે. સચિને પોતે સોશિયલ મીડિયા દ્વારા આ માહિતી આપી હતી. સારાએ અભ્યાસ પૂરો કર્યા બાદ આ પોસ્ટ મેળવી છે.

સારા પાસે ક્લિનિકલ અને પબ્લિક હેલ્થ ન્યુટ્રિશનમાં ડિગ્રી

સારાએ લંડનથી માસ્ટર ડિગ્રી લીધી છે. તેની પાસે ક્લિનિકલ અને પબ્લિક હેલ્થ ન્યુટ્રિશનમાં ડિગ્રી છે. આ પોષણ અને આહારશાસ્ત્રને લગતો વિષય છે. જેમાં પોષણને લગતા અભ્યાસો આપવામાં આવે છે. સારાએ લંડનની યુનિવર્સિટી કોલેજમાંથી અભ્યાસ પૂરો કર્યો છે. હવે સારાને સચિન તેંડુલકર ફાઉન્ડેશનની ડાયરેક્ટર બનાવવામાં આવી છે. આ જાણકારી સચિને ખુદ ફેન્સને આપી હતી.

મારી પુત્રી સારા તેંડુલકર 'સચિન તેંડુલકર ફાઉન્ડેશન'માં ડિરેક્ટર તરીકે જોડાઈ

સચિને એક્સ ફોર સારા પર એક પોસ્ટ શેર કરી છે. તેમાં ઘણા ફોટોગ્રાફ્સ પણ સામેલ છે. સચિને X પર લખ્યું, "મને જણાવતા ખૂબ જ આનંદ થાય છે કે મારી પુત્રી સારા તેંડુલકર 'સચિન તેંડુલકર ફાઉન્ડેશન'માં ડિરેક્ટર તરીકે જોડાઈ છે. તેણીએ યુનિવર્સિટી કોલેજ લંડનમાંથી ક્લિનિકલ અને પબ્લિક હેલ્થ ન્યુટ્રિશનમાં માસ્ટર ડિગ્રી મેળવી છે.

આ પણ વાંચો---Sachinને જોઇ ભાવુક બની ગયો Vinod Kambli, જુઓ video

સચિન તેંડુલકર ફાઉન્ડેશન એ સુપ્રસિદ્ધ ભારતીય ક્રિકેટર દ્વારા સંચાલિત એનજીઓ

સચિન તેંડુલકરે તેની પુત્રી સારાના નવા કામ અને નવી ભૂમિકા વિશે ઇન્સ્ટાગ્રામ પર પોસ્ટ કર્યું. તેમણે લખ્યું કે તે કહેતા ખૂબ જ ખુશ છે કે સારા તેંડુલકર સચિન તેંડુલકર ફાઉન્ડેશનમાં ડિરેક્ટર તરીકે જોડાઈ છે. સચિન તેંડુલકર ફાઉન્ડેશન એ સુપ્રસિદ્ધ ભારતીય ક્રિકેટર દ્વારા સંચાલિત એનજીઓ છે, જે બાળકોના વિકાસ, આરોગ્ય અને શિક્ષણ માટે કામ કરવા પર ભાર મૂકે છે.

સારાએ ઘણા સમય પહેલા સચિન તેંડુલકર ફાઉન્ડેશન માટે કામ કરવાનું શરૂ કર્યું

તમને જણાવી દઈએ કે સારાએ ઘણા સમય પહેલા સચિન તેંડુલકર ફાઉન્ડેશન માટે કામ કરવાનું શરૂ કર્યું હતું. તે નવેમ્બરમાં રાજસ્થાનના ઉદયપુર ગઇ હતી. તેણે અહીંના ગ્રામ્ય વિસ્તારોની મુલાકાત લીધી હતી. સારા સરકારી શાળાઓમાં પણ ગઈ હતી. તેણે આ પ્રવાસની તસવીરો ઈન્સ્ટાગ્રામ પર શેર કરી છે. સારાની સાથે તેની માતા અંજલિ તેંડુલકર પણ હતી.

આ પણ વાંચો---ઉર્વીલ પટેલનું T20 ક્રિકેટમાં તોફાન! માત્ર 36 બોલમાં ફટકારી સદી