Studds Accessories નો IPO માર્કેટમાં આવશે, રોકાણ પહેલા આટલું ખાસ જાણો

• વધુ એક કંપની પોતાનો આઇપીઓ લાવવા જઇ રહી છે
• દેશ વિદેશમાં જેના હેલ્મેટની ધૂમ છે તેવી Studds Accessories નો આઇપીઓ ટૂંક સમયમાં આવશે
• કંપનીએ એન્કર રોકાણકારો પાસેથી સારૂએવું ફંડ એકત્ર કર્યું હોવાનું જાણવા મળી રહ્યું છે

Studds Accessories IPO : હેલ્મેટ ઉત્પાદક Studds Accessories IPO ગુરુવાર, 30 ઓક્ટોબરના રોજ બોલી લગાવવા માટે ખુલ્લું મુકવામાં આવ્યું છે. જો તમે IPO દ્વારા કમાણી કરવા માંગતા હો, તો તમે આ IPO માં સબ્સ્ક્રાઇબ કરી શકો છો. અહેવાલ અનુસાર, કંપનીનો રૂ. 455 કરોડનો IPO 30 ઓક્ટોબરના રોજ ખુલશે, અને 3 નવેમ્બરના રોજ બંધ થશે. Studds Accessories એ પ્રતિ શેર રૂ. 557 થી રૂ. 585 ની પ્રાઇસ બેન્ડ નક્કી કરી છે. ઉપરના પ્રાઇસ બેન્ડ પર, કંપનીનું મૂલ્યાંકન આશરે રૂ. 2,300 કરોડ છે.

🚀 All you need to know about Studds Accessories IPO opening tomorrow

📌 Price band: ₹557-585 per share.

📌 Issue size: ~₹455 crore (100% Offer-for-Sale)

📌 Grey market premium is in double digits (~₹55), signalling strong demand.

✅ If you’re interested: check company… pic.twitter.com/bsmaoL9wsQ

— Divitiae Investments (@DivitiaeIn) October 29, 2025

એન્કર રોકાણકારો પાસેથી એકત્ર કરાયેલ ફંડની વિગત

IPO (Studds Accessories IPO) ખુલવાના એક દિવસ પહેલા, બુધવારે, Studds Accessories એ એન્કર રોકાણકારો (મોટા રોકાણકારો) પાસેથી આશરે રૂ. 137 કરોડ એકત્ર કર્યા હતા. કંપનીએ જણાવ્યું હતું કે, HDFC મ્યુચ્યુઅલ ફંડ, નિપ્પોન ઇન્ડિયા મ્યુચ્યુઅલ ફંડ, ICICI પ્રુડેન્શિયલ મ્યુચ્યુઅલ ફંડ, એડલવાઇસ મ્યુચ્યુઅલ ફંડ, ITI મ્યુચ્યુઅલ ફંડ, કેદારા કેપિટલ પબ્લિક માર્કેટ્સ ફંડ I, કાર્નેલિયન ઇન્ડિયા અમૃતકલ ફંડ, પાઈનબ્રિજ ઇન્ડિયા ઇક્વિટી ફંડ અને એડલવાઇસ લાઇફ ઇન્શ્યોરન્સ કંપનીએ એન્કર ઇન્વેસ્ટર રાઉન્ડમાં ભાગ લીધો હતો. આ માહિતી BSE વેબસાઇટ પર અપલોડ કરાયેલા એક પરિપત્ર દ્વારા આપવામાં આવી હતી. કુલ એન્કર ફાળવણીમાંથી, 18,55,346 શેર (આશરે 79.43%) છ સ્થાનિક મ્યુચ્યુઅલ ફંડ્સની 10 યોજનાઓને ફાળવવામાં આવ્યા હતા, જેની કુલ કિંમત આશરે રૂ. 108.37 કરોડ છે.

શેરનું લિસ્ટિંગ 7 નવેમ્બરના રોજ અપેક્ષિત છે

આ ઇશ્યૂ સંપૂર્ણપણે ઓફર ફોર સેલ (OFS) ના સ્વરૂપમાં હશે, જેમાં પ્રમોટર જૂથ અને અન્ય શેરધારકો 77.86 લાખ શેર વેચશે. કારણ કે, આ ફક્ત OFS ઇશ્યૂ છે, કંપનીને તેમાંથી કોઈ આવક પ્રાપ્ત થશે નહીં - બધી આવક વેચાણકર્તા શેરધારકોને જશે. આ જાહેર ઇશ્યૂનું સંચાલન IIFL કેપિટલ સર્વિસીસ અને ICICI સિક્યોરિટીઝ દ્વારા કરવામાં આવી રહ્યું છે. કંપનીના શેર 7 નવેમ્બરના રોજ સ્ટોક એક્સચેન્જમાં લિસ્ટ થવાની ધારણા છે.

લિસ્ટિંગના દિવસે આ ભાવે શેર ખૂલી શકે છે

Studds Accessories IPO માટે ગ્રે માર્કેટ પ્રીમિયમ (GMP) 29 ઓક્ટોબરના રોજ રૂ. 55 નોંધાયું હતું. આનો અર્થ એ છે કે કંપનીના શેર રૂ. 585 ના ઉપલા ભાવ બેન્ડની તુલનામાં બિનસત્તાવાર બજારમાં રૂ. 55 પ્રીમિયમ પર ટ્રેડ થઈ રહ્યા છે. આનો અર્થ એ છે કે જો વર્તમાન વલણ ચાલુ રહેશે તો લિસ્ટિંગના દિવસે શેર આશરે રૂ. 640 પ્રતિ શેર પર ખુલવાની અપેક્ષા છે.

કંપનીને જાણો

1975 માં સ્થાપિત, સ્ટડ્સ એસેસરીઝ (Studds Accessories IPO) 'સ્ટડ્સ' અને 'SMK' બ્રાન્ડ્સ હેઠળ ટુ-વ્હીલર હેલ્મેટ ડિઝાઇન, ઉત્પાદન, માર્કેટિંગ અને વેચાણ કરે છે. કંપની લગેજ, ગ્લોવ્સ, રેઈનસુટ, રાઈડિંગ જેકેટ્સ, આઈવેર અને હેલ્મેટ લોક જેવી મોટરસાયકલ એસેસરીઝનું પણ ઉત્પાદન કરે છે. 'સ્ટડ્સ' બ્રાન્ડ મોટા પાયે અને મધ્યમ વર્ગના ગ્રાહકોને લક્ષ્ય બનાવે છે, જ્યારે 2016 માં લોન્ચ થયેલ 'SMK' બ્રાન્ડ પ્રીમિયમ રાઇડર્સ માટે છે.

આંતરારાષ્ટ્રીય માર્કેટમાં પણ દબદબો

કંપનીના (Studds Accessories IPO) ઉત્પાદનો ભારત સહિત 70 થી વધુ દેશોમાં વેચાય છે, જેમાં મુખ્ય બજારો યુએસ, એશિયા, યુરોપ અને અન્ય પ્રદેશો છે. કંપની જે સ્ક્વેર્ડ એલએલસી (ડેટોના બ્રાન્ડ) અને ઓ'નીલ જેવી આંતરરાષ્ટ્રીય બ્રાન્ડ્સ માટે હેલ્મેટ પણ બનાવે છે, જે યુરોપ, યુએસ અને ઓસ્ટ્રેલિયામાં વેચાય છે.

ખાસ નોંધ - ઉપરોક્ત માહિતી સંકલિત કરવામાં આવી છે. Gujarat First તેની કોઇ પણ પ્રકારે પુષ્ટિ કરતું નથી.

આ પણ વાંચો ------  Amazon ની વૈશ્વિક છટણીમાં ભારતના 1 હજાર કર્મીઓ પર લટકતી તલવાર