• સંસદના બજેટ સત્રમાં Waqf Amendment Act 2025 રજૂ થયો હતો
• આ વક્ફ એક્ટ (સુધારા) અધિનિયમ સામે સુપ્રીમ કોર્ટેમાં કરાઇ અરજી
• સુપ્રીમ કોર્ટે કેટલીક જોગવાઇ પર લગાવી રોક

ભારતમાં થોડા સમયમાં સંસદના બજેટ સત્રમાં વક્ફ એક્ટ (સુધારા) અધિનિયમ 2025 રજૂ થયો હતો, જેનો દેશના અનેક ભાગોમાં વિરોધ થયો. બંને ગૃહોમાં બહુમતીથી પસાર થયા બાદ રાષ્ટ્રપતિએ બિલને મંજૂરી આપતા કાયદો અમલી બન્યો હતો, જોકે, આ અધિનિયમની વિરુદ્ધ સુપ્રીમ કોર્ટમાં અરજીઓ દાખલ કરવામાં આવી. કોર્ટે કાયદાને રદ કરવાનો સ્પષ્ટ ઇનકાર કર્યો છે અને કેટલીક જોગવાઈઓ પર પ્રતિબંધ મૂક્યો છે.

બજેટ સત્રમાં Waqf Amendment Act 2025 અંગે આપ્યો સુપ્રીમે ચુકાદો

નોંધનીય છે કે સીજેઆઈ બીઆર ગવઈની આગેવાની હેઠળની બે જજોની બેન્ચે આ અંગે દાખલ 5 અરજીઓ પર સુનાવણી કરી. અરજદારોનું પ્રતિનિધિત્વ વકીલો કપિલ સિબ્બલ, અભિષેક મનુ સિંઘવી અને ધવન પૈરવીએ કર્યું, જ્યારે સરકાર વતી સોલિસિટર જનરલ તુષાર મહેતા હાજર રહ્યા. કોર્ટે હજુ વકફ અધિનિયમ અંગે કોઈ અંતિમ નિર્ણય આપ્યો નથી.

Supreme Court puts on hold the provision in the Waqf Amendment Act 2025 that a person should be a practitioner of Islam for 5 years to create a Waqf. Supreme Court says the provision will be stayed till rules are framed on determining whether a person is a practitioner of Islam.… pic.twitter.com/fxoKeiKjFk

— ANI (@ANI) September 15, 2025

Waqf Amendment Act પર સુપ્રીમ કોર્ટનો નિર્ણય

1. વકફ બોર્ડના સભ્ય કોણ બની શકે છે?

અગાઉ - વકફ (સુધારા) અધિનિયમ 2025 માં જોગવાઈ હતી કે ફક્ત પાંચ વર્ષથી વધુ સમયથી ઇસ્લામનું પાલન કરનારા લોકો જ વકફ બોર્ડના સભ્ય બની શકશે. સુપ્રીમ કોર્ટે આ જોગવાઈ પર સ્ટે આપ્યો હતો.

કોર્ટનો ચુકાદો - કોર્ટના મતે, જ્યાં સુધી રાજ્ય સરકારો આ સંદર્ભમાં કોઈ યોગ્ય નિયમો નહીં બનાવે, ત્યાં સુધી વકફ બોર્ડના સભ્ય બનવા માટે આ શરત લાગુ પડશે નહીં.

2. વકફ બોર્ડમાં બિન-મુસ્લિમોની સંખ્યા કેટલી છે?

અગાઉ - વકફ (સુધારા) અધિનિયમ 2025 માં જોગવાઈ હતી કે વકફ બોર્ડના 11 સભ્યોમાં બિન-મુસ્લિમ સભ્યોનો પણ સમાવેશ થશે.

કોર્ટનો ચુકાદો - આ અંગે ચુકાદો આપતી વખતે, સુપ્રીમ કોર્ટે કહ્યું કે વકફ બોર્ડમાં 3 થી વધુ બિન-મુસ્લિમ સભ્યો હોઈ શકે નહીં. સેન્ટ્રલ વકફ કાઉન્સિલમાં પણ 4 થી વધુ બિન-મુસ્લિમ સભ્યો રહેશે નહીં. આ સાથે, કોર્ટે કહ્યું છે કે જો શક્ય હોય તો, એક મુસ્લિમ સભ્યને બોર્ડના CEO બનાવવા જોઈએ.

3. જિલ્લા કલેક્ટરના અધિકાર પર શું કહેવામાં આવ્યું હતું?

અગાઉ - વકફ (સુધારા) અધિનિયમ 2025 અનુસાર, જિલ્લા કલેક્ટરને નક્કી કરવાનો અધિકાર હતો કે વકફ બોર્ડ જે મિલકત પર અતિક્રમણ કરે છે તે સરકારી મિલકત છે કે નહીં.

કોર્ટનો ચુકાદો - આ પર રોક લગાવતી વખતે, સુપ્રીમ કોર્ટે કહ્યું કે જિલ્લા કલેક્ટરને નાગરિકોના વ્યક્તિગત અધિકારો પર નિર્ણય લેવાની મંજૂરી આપી શકાતી નથી. આ સત્તાના વિભાજનનું ઉલ્લંઘન હશે.

આ પણ વાંચો:     Cold Forecast: ભારતમાં આ વખતે હાડ કંપાવતી ઠંડી પડશે, લા નીનાને લઈ હવામાન વૈજ્ઞાનિકોની ચેતવણી