ઝેરી કફ સિરપ કેસ મામલે સુપ્રીમ કોર્ટે CBI તપાસની માંગ કરતી અરજી ફગાવી

• Cough syrup case: ઝેરી કફ સિરપ કેસ મામલે સુપ્રીમ કોર્ટે અરજી ફગાવી
• સુપ્રીમ કોર્ટે CBI તપાસની માંગ કરતી અરજી ફગાવી
• સોલિસિટર જનરલ તુષાર મહેતાએ અરજીનો  વિરોધ કર્યો હતો

મધ્યપ્રદેશ અને રાજસ્થાનમાં ઝેરી કફ સિરપ પીવાથી બાળકોના મોતના ગંભીર કેસમાં સુપ્રીમ કોર્ટે એક જાહેર હિતની અરજી (PIL) પર સુનાવણી કરવાનો ઇનકાર કરી દીધો છે. આ અરજીમાં સમગ્ર ઘટનાની સીબીઆઇ તપાસની માંગ કરવામાં આવી હતી.આ માંગ કરતી અરજીને સુપ્રીમ કોર્ટે ફગાવી દીધી છે.

Cough syrup case: ઝેરી કફ સિરપ કેસ મામલે સુપ્રીમ કોર્ટે અરજી ફગાવી

ગુરુવારે, ચીફ જસ્ટિસ બી.આર. ગવઈ અને જસ્ટિસ કે. વિનોદ ચંદ્રનની બનેલી બેન્ચે આ અરજી પર સુનાવણી કરવાનો ઇનકાર કર્યો હતો. આ અરજી વિશાલ તિવારી દ્વારા દાખલ કરવામાં આવી હતી, જેમણે દલીલ કરી હતી કે આ સદંતર બેદરકારીનો મામલો છે. અરજદારે કોર્ટને મામલાની ગંભીરતાને ધ્યાનમાં રાખીને તપાસ અને જવાબદારી સુનિશ્ચિત કરવા વિનંતી કરી હતી.કેન્દ્ર સરકાર તરફથી હાજર રહેલા સોલિસિટર જનરલ તુષાર મહેતાએ અરજીનો સખત વિરોધ કર્યો હતો. તેમણે કોર્ટને જણાવ્યું હતું કે આ અરજી ફક્ત અખબારોમાં વાંચેલા સમાચાર અહેવાલો પર આધારિત છે અને અરજદાર પાસે ઘટના સંબંધિત કોઈ દસ્તાવેજો કે પુરાવાનો અભાવ છે.

Cough syrup case: અરજી ફગાવી દેવાનું કારણ

નોંધનીય છે કે સુપ્રીમ કોર્ટે શરૂઆતમાં આ બાબત પર વિચાર કરવા તૈયારી દર્શાવી હતી. જોકે, જ્યારે કોર્ટને જાણ થઈ કે અરજદાર વિશાલ તિવારી(Vishal Tiwari)  દ્વારા પહેલેથી જ 10 અન્ય જાહેર હિતની અરજીઓ દાખલ કરવામાં આવી છે, ત્યારે કોર્ટે નવી અરજી પર સુનાવણી કરવાનો ઇનકાર કરી દીધો અને તેને ફગાવી દીધી.

ઉલ્લેખનીય છે કે મધ્યપ્રદેશમાં  અત્યાર સુધીમાં કોલ્ડરિફ કફ સિરપના કારણે 23 બાળકોના મોત થયા છે. છિંદવાડામાં 20, પંધુર્નામાં એક અને બેતુલમાં બે બાળકોના મોત થયા છે. આ બધામાં સમાન લક્ષણો હતા. જોકે, એક બાળકના પરિવારે પોસ્ટમોર્ટમ માટે સંમતિ આપી છે, ત્યારબાદ બાળકના મૃતદેહને બહાર કાઢીને તપાસવામાં આવી હતી. તેવી જ રીતે, રાજસ્થાનમાં પણ ત્રણ બાળકોના મૃત્યુ સમાન કારણોસર થયા હોવાનું કહેવાય છે. પહેલા બાળકોને શરદી અને ખાંસી થઈ હતી, તેથી તેમને કફની દવા આપવામાં આવી હતી. બે-ત્રણ દિવસ પછી, બાળકોએ પેશાબ કરવાનું બંધ કરી દીધું. તપાસમાં બહાર આવ્યું કે તેમની કિડની ફેલ થઈ ગઈ હતી. થોડા દિવસોની સારવાર પછી, બાળકો સતત મૃત્યુ પામી રહ્યા છે. આ બાબત દેશભરમાં ચર્ચાઈ રહી છે.

આ પણ વાંચો:  અફઘાનિસ્તાનના વિદેશ મંત્રી મુત્તાકીએ એસ.જયશંકર સાથે કરી ખાસ મુલાકાત, 'ભારત સાથે મિત્રતા હંમેશા રહેશે'