Surat: કડોદરાની સાડી મીલમાં ગંભીર દુર્ઘટના, મજૂરનો આખો હાથ છૂટો પડી ગયો પછી...!

Surat:સુરત જિલ્લાના કડોદરા વિસ્તારમાં આવેલી એક સાડી બનાવતી મીલમાં આજે (ગુરુવારે) એક અત્યંત ગંભીર અને હૃદયદ્રાવક દુર્ઘટના સર્જાઈ છે. સાડીના ઉત્પાદનનું કામ કરી રહેલા એક યુવાન શ્રમિક(Worker)નો હાથ અચાનક મશીનમાં ફસાઈ જતાં ભયાનક દુર્ઘટના બની હતી. આ ઘટના એટલી ભયંકર હતી કે મજૂરનો આખો હાથ તેના શરીરથી છૂટો પડી ગયો હતો. આ બનાવને પગલે મીલમાં કામ કરતા અન્ય શ્રમિકોમાં ગભરાટ અને આક્રોશનું વાતાવરણ ફેલાઈ ગયું છે.

Surat ના  કામદારોમાં રોષ

પ્રાપ્ત માહિતી અનુસાર, કડોદરા સ્થિત  ‘સેન્ટર મિલન મશીન’ મીલમાં અન્ય દિવસોની જેમ જ ઉત્પાદનનું કામ ચાલી રહ્યું હતું. દરમિયાન સાડી બનાવતા એક મશીન પાસે કામ કરી રહેલા રણજિત અજય મહતો (ઉં.વ. 25) નામના  શ્રમિકનો હાથ કોઈક કારણોસર મશીનની ગતિશીલ પ્લેટો વચ્ચે ફસાઈ ગયો. શ્રમિક કંઈ સમજે કે ચીસ પાડે તે પહેલાં જ, મશીનની ઝડપે તેનો આખો હાથ ખેંચી લીધો, જેના કારણે શરીરથી તેનો સંપૂર્ણપણે અલગ થઈ ગયો. ઘટનાસ્થળે લોહીના ખાબોચિયા ભરાઈ ગયા હતા અને ગંભીર ઈજાને કારણે શ્રમિક પીડાથી ચીસો પાડી રહ્યો હતો. ઘટનાની જાણ થતાં જ આસપાસના કામદારો ઘટનાસ્થળે દોડી આવ્યા હતા અને તાત્કાલિક મશીન બંધ કરાવ્યું હતું.

Surat ના Kadodara ખાતે સાડીની મીલમાં સર્જાયો અકસ્માત | Gujarat First

સાડી બનાવવાનું કામ કરતા વર્કરનો હાથ મશીનમાં ફસાયો
મશીનમાં હાથ ફસાતા મજૂરનો આખો હાથ છૂટો થઈ ગયો
શ્રમિકો દ્વારા મીલ મેનેજમેન્ટ પર બેદરકારીનો ગંભીર આરોપ
ઈજાગ્રસ્તને ખાનગી હોસ્પિટલ ખાતે સારવાર અર્થે ખસેડાયો… pic.twitter.com/k5lnsD9NEW

— Gujarat First (@GujaratFirst) December 4, 2025

ઈજાગ્રસ્તને ખાનગી હોસ્પિટલ રીફર કરાયો

ગંભીર રીતે ઈજાગ્રસ્ત થયેલા શ્રમિકને તાત્કાલિક સારવાર માટે નજીકની ખાનગી હોસ્પિટલ ખાતે ખસેડવામાં આવ્યો હતો. જોકે, ઈજાની ગંભીરતા જોતાં અને વધુ સારી સારવાર માટે તેને તુરંત જ સુરતની એપલ હોસ્પિટલ ખાતે રીફર કરવામાં આવ્યો હતો, જ્યાં હાલ તેની સઘન સારવાર ચાલી રહી છે. ઈજાગ્રસ્ત શ્રમિકની હાલત અત્યંત નાજુક હોવાનું જાણવા મળ્યું છે.

શ્રમિકોનો મેનેજમેન્ટ પર બેદરકારીનો આરોપ

આ ભયાનક દુર્ઘટના બાદ મીલમાં કામ કરતા અન્ય શ્રમિકોએ મીલ મેનેજમેન્ટ સામે ગંભીર આક્ષેપો કર્યા છે. શ્રમિકોનું કહેવું છે કે, મીલ મેનેજમેન્ટ દ્વારા મશીનરીની જાળવણી અને કામદારોની સુરક્ષાને લઈને સતત બેદરકારી દાખવવામાં આવે છે. મશીનો પર પૂરતા સેફ્ટી ગાર્ડ્સ નથી, અને સુરક્ષાના નિયમોનું યોગ્ય રીતે પાલન કરાવવામાં આવતું નથી.

પોલીસે તપાસનો ધમધમાટ

ઘટનાની જાણ થતાં જ કડોદરા પોલીસનો કાફલો તાત્કાલિક મીલ ખાતે દોડી આવ્યો હતો. પોલીસે ઘટનાસ્થળનું નિરીક્ષણ કર્યું હતું અને કામદારો તેમજ મીલના અધિકારીઓના નિવેદનો લેવાની કાર્યવાહી શરૂ કરી છે.પોલીસે સમગ્ર મામલે અકસ્માતનો ગુનો નોંધીને દુર્ઘટના કયા કારણોસર બની, તેમાં મીલ મેનેજમેન્ટની કોઈ બેદરકારી હતી કે કેમ, અને સેફ્ટીના નિયમોનું પાલન થયું હતું કે નહીં તે દિશામાં ઝીણવટભરી તપાસ હાથ ધરી છે. આ દુર્ઘટનાએ સુરતના ઔદ્યોગિક વિસ્તારોમાં કામદારોની સુરક્ષાના મુદ્દાને ફરી એકવાર ચર્ચાના કેન્દ્રમાં લાવી દીધો છે.

આ પણ વાંચોઃSurat: વિવાદિત સોશિયલ મીડિયા સ્ટાર કીર્તિ પટેલ સામે વધુ એક ફરિયાદ, ગુજરાતમાં 10મો કેસ નોંધાયો

આ પણ વાંચોઃ Chhota Udepur: જિલ્લાને 2727 મેટ્રિક ટન યુરિયા ખાતરનો જથ્થો ફળવાયો, ખેડૂતોને ક્યારે મળશે રાહત?