• Tesla Model Y Performance 2026  કરાઇ લોન્ચ
• દમદાર રેન્જ અને અદભૂત ફિચર્સ સાથે લોન્ચ
•  આ મોડલ 580 કિમી ની શાનદાર રેન્જ છે

વિશ્વની સૌથી વધુ વેચાતી ઇલેક્ટ્રિક કાર ટેસ્લા મોડેલ વાયનું નવું અને વધુ પાવર વર્ઝન સાથે રજૂ કરાઇ છે. 2026 ટેસ્લા મોડેલ વાય પર્ફોર્મન્સ વૈશ્વિક બજારમાં લોન્ચ કરવામાં આવી છે. આ કારમાં આકર્ષક નવી ડિઝાઇન, અપગ્રેડેડ બોડી, બહેતર સસ્પેન્શન અને 580 કિમી (WLTP) ની શાનદાર રેન્જ છે. પ્રદર્શન અને સુવિધાઓની દૃષ્ટિએ આ કાર સ્ટાન્ડર્ડ વર્ઝન કરતાં ઘણી અલગ છે.

Tesla Model Y Performance પાવર અને ડ્રાઇવિંગ રેન્જ

ટેસ્લા મોડેલ Y પર્ફોર્મન્સની પાવર અને ઝડપ ખરેખર પ્રભાવશાળી છે. ટેસ્લાએ બેટરી અને પાવરની સ્પષ્ટ વિગતો જાહેર કરી નથી, પરંતુ આ ઇલેક્ટ્રિક SUV માત્ર 3.5 સેકન્ડમાં 0 થી 100 કિમી પ્રતિ કલાકની ઝડપે પહોંચી જાય છે. આ સ્ટાન્ડર્ડ RWD વર્ઝન કરતાં 1.3 સેકન્ડ અને જૂના મોડેલ Y પર્ફોર્મન્સ કરતાં 0.2 સેકન્ડ ઝડપી છે. આ કારની ટોપ સ્પીડ ઇલેક્ટ્રોનિક રીતે 250 કિમી પ્રતિ કલાક સુધી મર્યાદિત છે. યુરોપમાં આ કાર લગભગ 460 bhp પાવર આપે છે, જ્યારે ઉત્તર અમેરિકામાં તે 510 bhp સુધી પહોંચી શકે છે.ડ્રાઇવિંગ રેન્જ વિશે વાત કરીએ તો, મોડેલ Y પર્ફોર્મન્સ એક ચાર્જ પર 580 કિમીની WLTP રેન્જ આપે છે, જે લોંગ રેન્જ AWD વેરિઅન્ટ કરતા થોડી ઓછી છે. તેનાથી વિપરીત, ભારતીય બજારમાં ઉપલબ્ધ લોંગ રેન્જ RWD વેરિઅન્ટ એક ચાર્જ પર 622 કિમીની રેન્જ આપે છે.ટેસ્લાનો દાવો છે કે મોડેલ વાય પર્ફોર્મન્સ ફાસ્ટ ચાર્જિંગ માત્ર 15 મિનિટમાં 243 કિલોમીટરની રેન્જ આપી શકે છે.

Tesla Model Y Performance મેકેનિકલ ફેરફાર

સ્ટાન્ડર્ડ મોડેલ Yમાં ફ્રીક્વન્સી સિલેક્ટિવ ડેમ્પર્સ હોય છે, જ્યારે નવા પર્ફોર્મન્સ વર્ઝનમાં અડાપ્ટિવ ડેમ્પર્સ આપવામાં આવ્યા છે. આ ડેમ્પર્સ ઇલેક્ટ્રોનિક રીતે નિયંત્રિત થાય છે અને રસ્તાની સ્થિતિ પ્રમાણે આપોઆપ ગોઠવાય છે. આ ઉપરાંત, નવા ડ્રાઇવ મોડ્સ પણ ઉમેરવામાં આવ્યા છે, જેમાં પાછળના ટોર્ક બાયસનો વિકલ્પ છે. આ સુવિધાઓ કારની રોડ ગ્રિપ અને પ્રદર્શનને વધુ સારું બનાવે છે.

Tesla Model Y Performance દેખાવ અને ડિઝાઇન

2026 ટેસ્લા મોડેલ Y પર્ફોર્મન્સની ડિઝાઇન વધુ આકર્ષક અને સ્પોર્ટી છે. આ કારમાં આગળ અને પાછળનો ભાગ વધુ આક્રમક દેખાય છે. તેમાં નવી શૈલીનો ફ્રન્ટ ઇન્ટેક, કાર્બન ફાઇબર ડકટેલ સ્પોઇલર, સ્પોર્ટી રીઅર ડિફ્યુઝર અને ખાસ બેજિંગ આપવામાં આવ્યું છે. આ કાર 21-ઇંચના એરાક્નિડ એલોય વ્હીલ્સ પર ચાલે છે, જેની પાછળ લાલ બ્રેક કેલિપર્સ દેખાય છે.

Tesla Model Y Performance ઇન્ટિરિયર અને હાઇ-ટેક ફીચર્સ

2026 ટેસ્લા મોડેલ Y પર્ફોર્મન્સનું ઇન્ટિરિયર આરામદાયક અને આધુનિક છે. આ કારમાં નવી સ્પોર્ટ્સ સીટ્સ આપવામાં આવી છે, જેમાં ઇન્ટિગ્રેટેડ હેડરેસ્ટ, ઇલેક્ટ્રિક એડજસ્ટમેન્ટ, હીટિંગ અને વેન્ટિલેશનની સુવિધા છે. ડેશબોર્ડ પર આકર્ષક કાર્બન ફાઇબર ટ્રીમ લગાવવામાં આવી છે. કારમાં 16-ઇંચનો મોટો ઇન્ફોટેનમેન્ટ ડિસ્પ્લે છે (ભારતીય મોડેલમાં 15.4-ઇંચ). લાંબા રેન્જના RWD વેરિઅન્ટની તમામ સુવિધાઓ ઉપરાંત, આ કારમાં 15-સ્પીકર ઓડિયો સિસ્ટમ સાથે સબવૂફર છે, જે સંગીતનો અનુભવ શાનદાર બનાવે છે.

Tesla Model Y Performance કિંમત

2026 ટેસ્લા મોડેલ Y પર્ફોર્મન્સ માટે યુરોપ, યુકે, મધ્ય પૂર્વ અને આફ્રિકામાં બુકિંગ શરૂ થઈ ગયું છે. આ કારની ડિલિવરી સપ્ટેમ્બર 2025થી શરૂ થશે. જર્મનીમાં તેની કિંમત €61,990 (આશરે ₹63.86 લાખ) છે

આ પણ વાંચો:    Google એ 2.5 અરબ Gmail પાસવર્ડ ચોરી થયાની આપી ચેતવણી!