Donald Trump સરકારથી ભારતને શું ફાયદો-નુકસાન? જાણો ટ્રમ્પનું વલણ શું રહેશે

• ટ્રમ્પના ફરી રાષ્ટ્રપતિ બનવાથી ભારત પર શું અસર પડશે?

નવી દિલ્હી : અમેરિકામાં રાષ્ટ્રપતિની ચૂંટણી માટે મતગણતરી ચાલુ છે. હાલમાં રિપબ્લિકન ઉમેદવાર ડોનાલ્ડ ટ્રમ્પ આગળ ચાલી રહ્યા છે. અમેરિકાના સ્વિંગ સ્ટેટ્સમાં પણ ટ્રમ્પને લીડ મળી રહી છે. આવી સ્થિતિમાં, જાણો જો ટ્રમ્પ ફરીથી અમેરિકાના રાષ્ટ્રપતિ બને છે તો તેની ભારત પર તેની શું અસર થઈ શકે છે.

અમેરિકામાં રાષ્ટ્રપતિની ચૂંટણીનું કાઉન્ટડાઉન લગભગ સમાપ્ત થવાના આરે છે. રિપબ્લિકન ઉમેદવાર ડોનાલ્ડ ટ્રમ્પ અને ડેમોક્રેટ ઉમેદવાર કમલા હેરિસ વચ્ચે જોરદાર ટક્કર છે. જો ટ્રમ્પ અમેરિકન રાષ્ટ્રપતિ બનશે તો તેની અસર ભારત પર પણ પડશે તે નિશ્ચિત છે.

ડોનાલ્ડ ટ્રમ્પે ભારત અને અમેરિકા વચ્ચેના સંબંધોને વધુ મજબૂત બનાવવાની પ્રતિબદ્ધતા વ્યક્ત કરી છે. દિવાળીના ખાસ અવસરે ટ્રમ્પે સોશિયલ મીડિયા સાઇટ X પર પોસ્ટ કરીને ભારતના વડાપ્રધાન નરેન્દ્ર મોદીને પોતાના મિત્ર ગણાવ્યા હતા. જ્યારે તેની સરકાર સત્તામાં આવશે ત્યારે તેણે બંને દેશો વચ્ચેની ભાગીદારીને વધારે મજબુત બનાવવાનું વચન પણ આપ્યું છે.

ભૂતપૂર્વ રાષ્ટ્રપતિ ડોનાલ્ડ ટ્રમ્પે પણ બાંગ્લાદેશમાં તાજેતરના બળવા દરમિયાન હિંદુઓ અને અન્ય લઘુમતીઓ સામે થયેલી હિંસાની સખત નિંદા કરી છે. અત્યાર સુધીમાં અનેક અહેવાલો સામે આવ્યા છે, જે પુષ્ટિ કરે છે કે બાંગ્લાદેશમાં બળવા પછી સેંકડો હિન્દુઓને જીવલેણ હુમલાઓનો સામનો કરવો પડ્યો હતો.

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ અને વડાપ્રધાન નરેન્દ્ર મોદી વચ્ચેની કેમેસ્ટ્રી પણ ઘણી ચર્ચામાં રહે છે. બંને નેતાઓ વચ્ચેના ગાઢ સંબંધો ઘણા હાઈ-પ્રોફાઈલ કાર્યક્રમોમાં દેખાઈ રહ્યા છે. 2019 માં ટેક્સાસમાં "હાઉડી, મોદી!" આ રેલીમાં પણ બંન્ને દેખાયા હતા. જ્યાં ટ્રમ્પે લગભગ 50,000 લોકોની સામે વડાપ્રધાન નરેન્દ્ર મોદીને પોતાના મિત્ર ગણાવ્યા હતા. કોઇ વિદેશી નેતા માટે અમેરિકામાં આયોજિત આ સૌથી મોટો કાર્યક્રમ હતો.

આ પણ વાંચો : America ના નવા કિંગ...ડોનાલ્ડ ટ્રમ્પ....

બીજી તરફ જ્યારે ડોનાલ્ડ ટ્રમ્પ ભારત આવ્યા, ત્યારે વડાપ્રધાન નરેન્દ્ર મોદીએ પણ વિશ્વના સૌથી મોટા ક્રિકેટ સ્ટેડિયમમાં તેમની યજમાની કરી હતી. આ દરમિયાન અમેરિકન રાષ્ટ્રપતિના સ્વાગત માટે 1 લાખ 20 હજારથી વધુ લોકો હાજર રહ્યા હતા. બંને નેતાઓ વચ્ચેનો આ તાલમેલ બંન્ને દેશોના સંબંધો અંગે ઘણુ કહી જાય છે. બંનેના રાષ્ટ્રવાદી વિચારો લગભગ સમાન છે. વડાપ્રધાન નરેન્દ્ર મોદીનું 'ઈન્ડિયા ફર્સ્ટ' વિઝન અને ડોનાલ્ડ ટ્રમ્પની 'અમેરિકા ફર્સ્ટ' નીતિ એકબીજાની કોપી છે. બંને નેતાઓ સ્થાનિક વિકાસ, આર્થિક રાષ્ટ્રવાદ અને રાષ્ટ્રીય સરહદોની સુરક્ષા પર ભાર મુકતા આવ્યા છે. બંન્ને પોતાના વિઝનને સ્પષ્ટ રીતે લોકોમાં મુકે છે અને તેમના ઉગ્ર રાષ્ટ્રવાદને જ લોકો મહત્તમ પસંદ કરે છે.

આર્થિક અને વેપાર નીતિઓ

ડોનાલ્ડ ટ્રમ્પની આગેવાની હેઠળનું વહીવટીતંત્ર સ્પષ્ટ રીતે યુએસ-કેન્દ્રિત વેપાર નીતિઓ પર ધ્યાન કેન્દ્રિત કરશે. તે ભારત પર વેપાર અવરોધો ઘટાડવા અને ટેરિફનો સામનો કરવા માટે દબાણ પણ બનાવાય તેવી શક્યતાઓ છે. આવી સ્થિતિમાં ભારતની આઈટી, ફાર્માસ્યુટિકલ્સ અને ટેક્સટાઈલ સેક્ટરની નિકાસને અસર થઈ શકે છે.

આ પણ વાંચો : US Senate માં ડોનાલ્ડ ટ્રમ્પની પાર્ટીએ કર્યો ચમત્કાર, 4 વર્ષમાં પહેલીવાર આવું બન્યું...

આ વર્ષે સપ્ટેમ્બરમાં ટ્રમ્પે આયાત ડ્યૂટીના મામલે ભારતને દુરુપયોગ કરનાર ગણાવ્યું હતું. તેમ છતાં તેમણે વડાપ્રધાન નરેન્દ્ર મોદીના વખાણ કર્યા અને તેમને અદ્ભુત વ્યક્તિ પણ લેખ્યા હતા. મિશિગનના ફ્લિન્ટમાં એક ટાઉન હોલમાં વેપાર અને ટેરિફ પર ચર્ચા કરતી વખતે ટ્રમ્પે કહ્યું કે, ભારત આયાત ડ્યુટીનો મહત્તમ દુરુપયોગ કરનાર દેશ છે. આ લોકો સૌથી હોશિયાર લોકો છે. તેઓ હવે પછાત નથી. આયાતની બાબતમાં ભારત ટોચ પર છે, જેનો ઉપયોગ તે આપણી સામે પણ કરી શકે છે.

આ પણ વાંચો : ટ્રમ્પ જ્યાં રહેશે તે White House માં એવું તો શું છે કે સહુ દંગ થઇ જાય છે

અત્રે ઉલ્લેખનીય છે કે, ભારતીય ઉત્પાદનો માટે અમેરિકા એક વિશાળ બજાર છે. જો આપણે આંકડાઓ પર નજર કરીએ તો, ભારતે 2023-24માં અમેરિકાથી $42.2 બિલિયનના માલની આયાત કરી હતી. તે જ સમયે, ભારતે અમેરિકામાં અંદાજે 77.52 અબજ ડોલરની નિકાસ કરી હતી. આ અંગે ટ્રમ્પે કહ્યું હતું કે, જો તેમની સરકાર આવશે તો તેઓ આ સ્થિતિ બદલી નાખશે. ટેરિફ ડ્યુટી ઘટાડવા માટે ભારત પર દબાણ પણ ચોક્કસ કરશે. તેવી સ્થિતિમાં તે ભારતીય પ્રોડક્ટ પર પણ ટેરિફ વધારી શકે છે.

આ પણ વાંચો : US Election માં ભારતીય મૂળના બે નેતાઓની જીત, કમલા હેરિસનું શાનદાર કમબેક...

આ ઉપરાંત ટ્રમ્પે કહ્યું કે, આયાત ડ્યૂટીના મામલે ભારત ખૂબ જ કડક છે. બ્રાઝિલ ખૂબ જ કડક છે. ચીન સૌથી કડક છે, પરંતુ અમે ટેરિફ સાથે ચીનનું ધ્યાન રાખતા હતા. આવી સ્થિતિમાં, જો ટ્રમ્પ વહીવટીતંત્ર અમેરિકન કંપનીઓને તેમની સપ્લાય ચેન અન્યત્ર લઈ જવા અને ચીન પર તેમની નિર્ભરતા ઘટાડવા માટે પ્રોત્સાહિત કરે છે, તો તે ભારતના પક્ષમાં કામ કરી શકે છે. આવી સ્થિતિમાં ભારત સાનુકૂળ નીતિઓ સાથે વધુ અમેરિકન કંપનીઓને આકર્ષી શકે છે. જેના કારણે ભારતને તમામ પ્રકારે ફાયદો થશે. જોકે, ટ્રમ્પ વહીવટીતંત્ર ટેરિફ ડ્યુટી ઘટાડવા માટે ભારત પર દબાણ કરી શકે છે.

આ પણ વાંચો : Israel Katz કોણ!, જે યુદ્ધ વચ્ચે ઇઝરાયેલના નવા સંરક્ષણ મંત્રી બન્યા?

સંરક્ષણ-સુરક્ષા

ચીન અંગે ભારતને જે પણ ચિંતા છે, તે ડોનાલ્ડ ટ્રમ્પના વલણ સાથે મેળ ખાય છે. ટ્રમ્પ વહીવટીતંત્રના નેતૃત્વમાં ભારત અને અમેરિકા વચ્ચે સંરક્ષણ સહયોગ વધુ સારી અને મજબૂત બનવાની ક્ષમતા ધરાવે છે. ટ્રમ્પના કાર્યકાળ દરમિયાન, ભારત-પેસિફિક ક્ષેત્રમાં ચીનના પ્રભાવનો સામનો કરવા માટે અમેરિકા, ભારત, જાપાન અને ઑસ્ટ્રેલિયા વચ્ચે સુરક્ષા ભાગીદારી ક્વાડને મજબૂત બનાવાઇ હતી. ચીન અને પાકિસ્તાન જેવા પાડોશી દેશો સાથેના તણાવ વચ્ચે વધારાની સંયુક્ત લશ્કરી કવાયત, શસ્ત્રોનું વેચાણ અને ટેક્નોલોજી ટ્રાન્સફર ભારતની સંરક્ષણ ક્ષમતાઓને મજબૂત બનાવી શકે છે.

આ પણ વાંચો : US Election : ઉત્તર પ્રદેશમાં જે જીતશે તેની અમેરિકામાં બનશે સરકાર

ઇમિગ્રેશન અને H-1B વિઝા નીતિઓ

ઇમિગ્રેશન પર ડોનાલ્ડ ટ્રમ્પની પ્રતિબંધિત નીતિઓ, ખાસ કરીને H-1B વિઝા પ્રોગ્રામની યુએસમાં ભારતીય વ્યાવસાયિકો પર અસર પડી છે. આવી નીતિઓ પાછી ખેંચી લેવાથી ભારતીયો માટે યુએસ જોબ માર્કેટમાં નોકરી મેળવવી થોડી મુશ્કેલ બની જશે. ઉપરાંત, કોઈપણ ક્ષેત્ર જે ભારતીય કામદારો પર વધુ નિર્ભર છે તેને અસર થઈ શકે છે. વધુમાં, કડક ઇમિગ્રેશન કાયદાઓ ભારતીય ટેક કંપનીઓને અન્ય બજારોની શોધખોળ કરવા અથવા સ્થાનિક બજારમાં વધુ તકો ઊભી કરવા પ્રેરિત કરી શકે છે.

આ પણ વાંચો : જો Trump કાર્ડ ચાલ્યું તો ભારતને કેટલો ફાયદો..વાંચો....

ભૌગોલિક રાજકીય પ્રભાવ

દક્ષિણ એશિયામાં ડોનાલ્ડ ટ્રમ્પની નીતિઓ ભારતના ક્ષેત્રીય હિતોને પણ અસર કરી શકે છે. હાલમાં જ ટ્રમ્પે પાકિસ્તાન સાથે કામ કરવાની ઈચ્છા વ્યક્ત કરી હતી, પરંતુ સંતુલિત અભિગમ અપનાવીને તેમણે આતંકવાદ વિરોધી પ્રયાસોમાં જવાબદારી પર ભાર મૂક્યો છે. જો કે, ટ્રમ્પના 'શક્તિ દ્વારા શાંતિ' મંત્રને કારણે, અમેરિકા આતંકવાદ અને ઉગ્રવાદ પર કડક વલણ અપનાવી શકે છે. જે ભારતના પક્ષમાં કામ કરી શકે છે. ટ્રમ્પે તેમના પાછલા કાર્યકાળ દરમિયાન પાકિસ્તાનને મળતી સૈન્ય સહાયમાં પણ ઘટાડો કર્યો હતો.

આ પણ વાંચો : US Results 2024 : 40 વર્ષમાં જેની આગાહી ખોટી નથી પડી તે શું માને છે...?

ટ્રમ્પે ગણતરીમાં કમલા હેરિસને પાછળ છોડી દીધા છે

ડોનાલ્ડ ટ્રમ્પ શરૂઆતથી યુએસ પ્રમુખપદની ચૂંટણીમાં આગળ રહ્યા છે અને તેમણે 267 ઈલેક્ટોરલ કોલેજ વોટ મેળવ્યા છે. ટ્રમ્પ હવે મેજિક નંબર (બહુમતી)થી માત્ર 3 વોટ પાછળ છે. જ્યારે કમલા હેરિસ હાલમાં પાછળ છે અને તેને મોટા અપસેટની અપેક્ષા છે. કમલાને અત્યાર સુધીમાં 224 ઈલેક્ટોરલ કોલેજ વોટ મળ્યા છે. ન્યૂ મેક્સિકોમાં કમલાનો વિજય થયો છે. વાસ્તવમાં અમેરિકામાં સાત સ્વિંગ સ્ટેટ્સ છે અને અત્યાર સુધી ટ્રમ્પ પાંચ સ્વિંગ સ્ટેટ્સમાં મોટી લીડ મેળવી ચૂક્યા છે. માત્ર બે રાજ્યોના પરિણામો આવવાના છે. એવું માનવામાં આવે છે કે સ્વિંગ સ્ટેટમાં ટ્રમ્પને પ્રથમ પસંદગી તરીકે પસંદ કરવામાં આવ્યા છે.

આ પણ વાંચો : US Results 2024 : 40 વર્ષમાં જેની આગાહી ખોટી નથી પડી તે શું માને છે...?