ટ્રમ્પના ખાસ મિત્ર Charlie Kirk નો હત્યારો ઝડપાયો, મૃત્યુદંડની સજા ફટકારવામાં આવશે!
- ડોનાલ્ડ ટ્રમ્પના ખાસ મિત્ર Charlie Kirk નો હત્યારો ઝડપાયો
- Charlie Kirk ની હત્યા કરનાર સંદિગ્ધને પોલીસ કસ્ટડીમાં લેવામાં આવ્યો છે
- કોલેજ કાર્યક્રમમાં બોલતી વખતે કિર્કને ગોળી મારીને હત્યા કરી હતી
અમેરિકાના રાષ્ટ્રપતિ ડોનાલ્ડ ટ્રમ્પના નજીકના મિત્ર ગણાતા ચાર્લી કિર્કની હત્યા કરનાર સંદિગ્ધને પોલીસ કસ્ટડીમાં લેવામાં આવ્યો છે. અહેવાલો અનુસાર, હુમલાખોરે સ્વેચ્છાએ આત્મસમર્પણ કર્યા હોવાના સમાચાર સામે આવી રહ્યા છે. ઉટાહમાં એક કોલેજ કાર્યક્રમમાં બોલતી વખતે કિર્કને ગોળી મારીને હત્યા કરી હતી. આ મામલે ડોનાલ્ડ ટ્રમ્પે કહ્યું કિર્કના હત્યારો પોલીસ કસ્ટડીમાં છે.
ડોનાલ્ડ ટ્રમ્પના ખાસ મિત્ર Charlie Kirk નો હત્યારો ઝડપાયો
રાષ્ટ્રપતિ ડોનાલ્ડ ટ્રમ્પના નજીકના સાથી ચાર્લી કિર્કને બુધવારે દિવસે ઉટાહ વેલી યુનિવર્સિટી કેમ્પસના માં સામાજિક મુદ્દાઓ પર બોલતી વખતે હત્યારાએ ગોળી મારીને હત્યા કરી હતી. સોશિયલ મીડિયા પર વાયરલ થયેલા વીડિયોમાં આ હુમલો સ્પષ્ટપણે દેખાય છે. કિર્ક માઇક્રોફોન પકડીને બોલી રહ્યા હતા, ત્યારે તેમને ગોળી વાગી હતી અને તે લોહીથી લથપથ જોવા મળી રહ્યા હતા. એ સમય દરમિયાન લોકો ચીસો પાડતા અને ગભરાટમાં ભાગતા જોવા મળ્યા હતા. આ હત્યાએ અમેરિકામાં વધતી રાજકીય હિંસા અંગે ફરી ચિંતા વ્યક્ત કરી છે. રિપબ્લિકન અને ડેમોક્રેટ બંને પક્ષોએ આ કૃત્યની નિંદા કરી છે, પરંતુ રાજકીય મતભેદોથી થતી હિંસાને રોકવા માટે કોઈ નક્કર ઉકેલ હજુ પણ દૂર લાગે છે.
Charlie Kirk ના હત્યારાને પકડવા માટે FBI એ મદદ માંગી હતી
FBI એ ગુરુવારે મોડી સાંજે થયેલા ગોળીબાર સાથે સંકળાયેલા એક શંકાસ્પદ વ્યક્તિના બે ફોટા પ્રકાશિત કર્યા અને લોકોને માહિતી માટે અપીલ કરી. ફોટામાં એક વ્યક્તિ ટોપી, ઘેરા ચશ્મા અને કાળા રંગના ફુલ-સ્લીવ શર્ટ પહેરેલો જોવા મળે છે. કાયદા અમલીકરણ એજન્સીઓએ જણાવ્યું હતું કે યુનિવર્સિટી કેમ્પસ નજીકના જંગલમાં ટુવાલમાં લપેટાયેલી માઉઝર .30 કેલિબર બોલ્ટ-એક્શન રાઇફલ મળી આવી હતી. તેમાં વપરાયેલ કારતૂસ અને મેગેઝિનમાં ત્રણ વધુ ગોળીઓ હતી. હથિયાર અને ગોળીઓની ફેડરલ લેબોરેટરીમાં તપાસ કરવામાં આવી રહી છે.
ટ્રમ્પ Charlie Kirk ને અમેરિકાના સર્વોચ્ચ નાગરિક સન્માનથી સન્માનિત કરશે
રાષ્ટ્રપતિ ટ્રમ્પે જાહેરાત કરી છે કે તેઓ કિર્કને અમેરિકાના સર્વોચ્ચ નાગરિક સન્માન, પ્રેસિડેન્શિયલ મેડલ ઓફ ફ્રીડમથી સન્માનિત કરશે. તે જ સમયે, ઉપરાષ્ટ્રપતિ જેડી વાન્સ અને તેમની પત્ની ઉષા વાન્સ કિર્કના પરિવારને મળવા માટે સોલ્ટ લેક સિટી પહોંચશે. વાન્સે X પર લખ્યું કે તેમની અને કિર્કની મિત્રતા 2017 માં શરૂ થઈ હતી અને કિર્કે માત્ર 2024 માં રિપબ્લિકન વિજયમાં જ નહીં પરંતુ સમગ્ર સરકારી ટીમના નિર્માણમાં પણ મુખ્ય ભૂમિકા ભજવી હતી.
આ પણ વાંચો: બ્રાઝિલના પૂર્વ રાષ્ટ્રપતિને તખ્તાપલટના ષડયંત્ર બદલ 27 વર્ષની જેલ