Banaskantha ના ખેડૂતો વૈજ્ઞાનિક રીતે કરશે હળદરની ખેતી, દાંતીવાડા કૃષિ યુનિની નવી સિદ્ધિ
ડીસા : બનાસકાંઠા જિલ્લો ( Banaskantha ) ખેતીના વ્યવસાય માટે જાણીતો છે. છેલ્લા ઘણા સમયથી આ જિલ્લાના ખેડૂતો આધુનિક પદ્ધતિઓ અપનાવીને ઓછા ખર્ચે અને ઓછા સમયમાં સારું ઉત્પાદન મેળવી રહ્યા છે. આની સાથે તેઓ સારી આવક પણ કમાઈ રહ્યા છે. હવે, ડીસા કૃષિ વિજ્ઞાન કેન્દ્ર (KVK)ના વૈજ્ઞાનિકોના પ્રયાસોથી ખેડૂતો હળદરની ખેતીમાં પણ નવી ટેકનોલોજીનો ઉપયોગ કરીને વધુ લાભ મેળવવા જઈ રહ્યા છે.
Banaskantha માં નવી ટેકનોલોજી સાથે ખેતી
ડીસા સ્થિત દાંતીવાડા કૃષિ યુનિવર્સિટીના માર્ગદર્શન હેઠળ ખેડૂતો આધુનિક ખેતીની પદ્ધતિઓ અપનાવી રહ્યા છે. આ પદ્ધતિઓ ઓછા પાણીના ઉપયોગ સાથે ઓછા સમયમાં વધુ ઉત્પાદન આપે છે. કૃષિ વિજ્ઞાન કેન્દ્રના વૈજ્ઞાનિક ડૉ. યોગેશ પવાર ખેડૂતોને સેમિનારો અને તાલીમ દ્વારા નવી ટેકનોલોજીઓ અપનાવવા પ્રોત્સાહન આપી રહ્યા છે. તેમના માર્ગદર્શનથી ખેડૂતો વિવિધ પાકોની ખેતી કરીને સારી આવક મેળવી રહ્યા છે.
આ પણ વાંચો- રાજકોટ ભાજપમાં ફરી એકવાર આંતરિક ડખો આવ્યો સામે
છ મહિનાની જગ્યાએ સાડા ચાર મહિનામાં પાક તૈયાર
બનાસકાંઠામાં શિયાળુ પાક તરીકે હળદરની ખેતી બિયારણ દ્વારા કરવામાં આવતી હતી, જેમાં લગભગ 6 મહિનાનો સમય લાગતો હતો. પરંતુ હવે ડૉ. યોગેશ પવારે હળદરના રોપા તૈયાર કર્યા છે, જેનાથી વાવેતરનો સમય દોઢ મહિના ઘટી જશે. આ રોપા ટેકનોલોજીથી ખેતી કરવાથી ખેડૂતોને અનેક ફાયદા થશે.
હળદરની ખેતીમાં કેટલા ફાયદા થશે
- સમયની બચત : હળદરની ખેતીનો સમયગાળો ઘટીને લગભગ સાડા ચાર મહિના થશે.
- ઓછો ખર્ચ : રોપા દ્વારા વાવેતરથી ખેતીનો ખર્ચ ઘટશે.
- રોગથી રક્ષણ : રોપા ટેકનોલોજીથી રોગ અને જીવાતની સમસ્યા ઘટશે.
- પાણીની બચત : ઓછા સમયમાં ખેતી થવાથી પાણીનો ઉપયોગ પણ ઘટશે.
- વધુ આવક : ઉચ્ચ ગુણવત્તાવાળા ઉત્પાદનને કારણે બજારમાં સારા ભાવ મળશે.
હળદરની ખેતીમાં ઓછા સમયમાં વધુ ઉત્પાદન
ડીસા કૃષિ વિજ્ઞાન કેન્દ્રના આ પ્રયાસથી બનાસકાંઠાના ખેડૂતો હળદરની ખેતીમાં ઓછા સમયમાં વધુ ઉત્પાદન અને આવક મેળવી શકશે. આ નવી ટેકનોલોજી ખેડૂતોને આધુનિક ખેતીની દિશામાં આગળ વધવા માટે પ્રોત્સાહન આપશે. ડૉ. યોગેશ પવાર અને તેમની ટીમના સતત પ્રયાસો બનાસકાંઠાના ખેડૂતો માટે ખેતીને વધુ નફાકારક અને ટકાઉ બનાવી રહ્યા છે. આ રીતે, હળદરની ખેતીમાં રોપા ટેકનોલોજી બનાસકાંઠાના ખેડૂતો માટે એક નવી ક્રાંતિ લાવશે, જેનાથી તેઓ ઓછા ખર્ચે, ઓછા સમયમાં અને ઓછા પાણીના ઉપયોગથી સારી આવક મેળવી શકશે.
આ પણ વાંચો- Ankleshwar : સ્ટેટ મોનિટરિંગ સેલનો સપાટો, 87 લાખના દારૂ સાથે એક કરોડનો મુદ્દામાલ જપ્ત
અહેવાલ, કમલેશ નાંભાણી, બનાસકાંઠા