UP Crime: બીજા લગ્ન કરી ભેજાબાજ મોહિની નણંદનાં બાળકને લઈ પહેલા પતિ સાથે ફરાર થઈ! પણ કેમ જાણો!
- UP: ભાભીએ સંતાન માટે નણંદના નવજાત પુત્રની ચોરી કરી
- તે બાળક ચોરીને તેના પહેલા પતિ અમિત સાથે લખનૌ ભાગી ગઈ
- સંતાન ન થવાથી તેણે બે વખત લગ્ન કર્યા હતા
- પોલીસે લખનૌમાંથી મોહિની અને પહેલા પતિની ધરપકડ કરી
- બાળકને સુરક્ષિત રીતે તેના પરિવારને સોંપવામાં આવ્યું
UP Crime:ઉત્તર પ્રદેશના હરદોઈ (Hardoi) જિલ્લામાંથી એક હચમચાવી નાખતી ઘટના બહાર આવી છે. સંતાન પ્રાપ્તિ માટે અંધ થયેલી મોહિની નામની એક મહિલાએ તેની નણંદનું નવજાત બાળક ચોરી લીધું હતુ. ફરિયાદ મળતાં પોલીસે મોહિનીની શોધખોળ કરી અને જાણવા મળ્યું કે તે તેના પહેલા પતિ અમિત સાથે લખનૌ(Lucknow) માં છે. મોહિનીના પહેલા લગ્ન લખનૌના અમિત કુમાર (Amit Kumar) સાથે થયા હતા. જોકે, લગ્નના ઘણા વર્ષો પછી પણ સંતાનનું સુખ મેળવી શક્યું ન હતુ. આના કારણે તેમની વચ્ચે વારંવાર ઝઘડા થતા હતા. ત્યારબાદ મોહિનીએ હરદોઈના રહેવાસી વિજય સાથે લગ્ન કર્યા હતા. જોકે ત્યાં પણ કોઈ સંતાન નહોતું, ત્યારે તેણે તેની નણંદનું બાળક ચોરી લીધું અને તેને લઈ પહેલા પતિ અમિત સાથે લખનૌ ભાગી ગઈ હતી.
મોહિનીએ સંતાન માટે બીજા લગ્ન કર્યા
સંડીલા પોલીસના જણાવ્યા અનુસાર મોહિનીના પહેલા લગ્ન લખનૌના ઠાકુરગંજ વિસ્તારમાં ભમરૌલી બિહાર કોલોનીના રહેવાસી અમિત કુમાર સાથે થયા હતા . લાંબા સમયથી બાળકોના અભાવને કારણે આ દંપતી વચ્ચે સતત ઝઘડા થતાં હતા. જેથી કંટાળેલી પત્ની મોહિની સંડીલા રહેવા જતી રહી હતી, જ્યાં તેની મુલાકાત બેગમગંજના રહેવાસી વિજય સાથે થઈ હતી. તેઓ નજીક આવ્યા અને તેમણે લગભગ 8 મહિના પહેલા બીજા લગ્ન કર્યા હતા. જોકે તેમ છતાં મોહિનીને સંતાન પ્રાપ્તિનુ સુખ ના મળ્યું.
UP Crime: મોહિની નણંદનું બાળક ચોરી ભાગી
ઉલ્લેખનીય છે કે મોહિનીના બીજા પતિ વિજયની બહેને એક પુત્રને જન્મ આપ્યો હતો. બાળકના સમાચાર સાંભળીને મોહિની લોભી થઈ ગઈ. 3 ડિસેમ્બરની રાત્રે તકનો લાભ લઈને તેણે બાળક ચોરી લીધુ અને ઘરમાંથી ભાગી ગઈ. એવો આરોપ છે કે મોહિની ઘરના ઘરેણાં અને રોકડ પણ પોતાની સાથે લઈ ગઈ. તેનાથી પણ વધુ ચોંકાવનારી વાત એ છે કે મોહિની બાળકને સીધુ તેના પહેલા પતિ અમિત પાસે લઈ ગઈ. જેથી વિજયની બહેને સંડીલા પોલીસ સ્ટેશનમાં બાળક ગુમ થયાની ફરિયાદ નોંધાવી હતી. જેના કારણે પોલીસ તપાસ શરૂ થઈ હતી.
પોલીસે કરી ધરપકડ
પોલીસને બાતમીદારોની મદદથી જાણવા મળ્યું હતુ કે મોહિની તેના પહેલા પતિ સાથે લખનૌમાં હતી. તાત્કાલિક એક ટીમ બનાવવામાં આવી હતી અને લખનૌમાં દરોડો પાડવામાં આવ્યો હતો. પોલીસે મોહિની અને અમિતની ધરપકડ કરી હતી અને બાળકને સુરક્ષિત પરિવારને સોંપવામાં આવ્યું હતું. બાળક ઉપરાંત પોલીસે મોહિની પાસેથી બે મોબાઇલ ફોન, આઠ ચાંદીના પાવડા અને રુ. 1,057 રોકડા પણ જપ્ત કર્યા હતા. હાલ પોલીસે આ સમગ્ર મામલે વધુ કાર્યવાહી હાથ ધરી છે.
આ પણ વાંચોઃSeema Haider Pregnant: ફરીથી માતા બનશે, યૂટ્યૂબ પર આપી ગુડ ન્યૂઝ