Uttarakhand : ઉત્તરકાશીમાં મોટો અકસ્માત, ગંગોત્રી જઈ રહેલું હેલિકોપ્ટર ક્રેશ, 5 લોકોના મોત

• ઉત્તરકાશીના ગંગનાની પાસે ક્રેશ થયું હેલિકોપ્ટર
• ગંગોત્રી જઈ રહ્યું હતું હેલિકોપ્ટર, કાટમાળ મળ્યો
• NDRF, SDRF, પોલીસની ટીમ ઘટના સ્થળે

ઉત્તરાખંડના ઉત્તરકાશી જિલ્લામાં ગુરુવારે સવારે એક હેલિકોપ્ટર ક્રેશ થયું છે. આ અકસ્માત સવારે નવ વાગ્યાની આસપાસ ગંગાનાઈ નજીક થયો હતો. આ અકસ્માતમાં પાંચ લોકોના મોત થયા છે જ્યારે બે ગંભીર રીતે ઘાયલ થયા છે.

ગઢવાલ ડિવિઝનલ કમિશનર વિનય શંકર પાંડેએ અકસ્માતની પુષ્ટિ કરી અને કહ્યું કે વહીવટીતંત્ર અને બચાવ ટીમો ઘટનાસ્થળે પહોંચી ગઈ છે. આ હેલિકોપ્ટર ગંગોત્રી જઈ રહ્યું હતું.

આ હેલિકોપ્ટર એક ખાનગી કંપનીનું હોવાનું કહેવાય છે, જેમાં પાંચથી છ મુસાફરો સવાર હતા. સ્થાનિક પોલીસ ઘટનાસ્થળે પહોંચી ગઈ છે. ઘટનાસ્થળે લોકોની ભીડ પણ હાજર છે.

ચારધામ યાત્રા રૂટ પર ખરાબ હવામાન, તોફાન અને વરસાદની ચેતવણી

ઉત્તરાખંડમાં છેલ્લા કેટલાક દિવસોથી હવામાન ખરાબ છે. હવામાન વિભાગે ઘણા જિલ્લાઓમાં તોફાન અને વરસાદની ચેતવણી જાહેર કરી છે. ચારધામ યાત્રા રૂટ પર ઘણી જગ્યાએ હળવો વરસાદ પડી રહ્યો છે. કેટલીક જગ્યાએ ગાજવીજ સાથે કરા પણ પડ્યા છે.

આ પણ વાંચો: Civil war situation in Pakistan : પાકિસ્તાનમાં ગૃહયુદ્ધની સ્થિતિ, લાહૌરમાં એકબાદ એક ધડાકાઓ થતાં જનતા ફફડી ઉઠી