Vadodara : વિદ્યાધામ MSU માં વિદ્યાર્થી-વિદ્યાર્થીનીનો કિસ કરતો વીડિયો વાયરલ
- યુનિ.ની ગરીમા પર લાંછન લાગે તેવો કિસ્સો સામે આવ્યો
- યુનિ.ના ક્લાસરૂમ અને કેમ્પસમાં વિદ્યાર્થી-વિદ્યાર્થીનીનો કિસ કરતો વીડિયો સામે આવ્યો
- ફેકલ્ટીના ડીન દ્વારા આ મામલે કડક હાથે કાર્યવાહી કરવાની બાંહેધારી આપવામાં આવી છે
Vadodara : વડોદરાની વિશ્વવિખ્યાત મહારાજા સયાજીરાવ યુનિવર્સિટીમાં (MSU - Vadodara) ચકચારી કિસ કાંડ (Kissing Video Viral) સામે આવ્યો છે. વિદ્યાર્થી-વિદ્યાર્થીની વચ્ચેના બે વીડિયો સોશિયલ મીડિયા (Social Media) પર ભારે વાયરલ થવા પામ્યા છે. જેમાં એક વીડિયો ક્લાસરૂમનો અને અન્ય વીડિયો કેમ્પસનો હોવાનું અનુમાન છે. આ વીડિયો સામે આવતાની સાથે જ વિદ્યાર્થી જુથ દ્વારા કોમર્સ અને આર્ટસ ફેકલ્ટીના ડીનને રજુઆત કરવામાં આવી છે. ડીનનું કહેવું છે કે, આ પ્રકારની હરકત ચલાવી નહીં લેવાય, યુવક-યુવતિ વિરૂદ્ધ કાર્યવાહી કરવામાં આવશે.
Vadodara । ચાલુ ક્લાસમાં વિદ્યાર્થીએ વિદ્યાર્થિનીને કિસ કરી! । Gujarat First
વડોદરામાં વિદ્યાનાં ધામને કલંકિત કરતી ઘટના
MS University માં ચાલુ ક્લાસમાં બિભત્સ ચેનચાળા
ચાલુ ક્લાસમાં વિદ્યાર્થીએ વિદ્યાર્થિનીને કર્યું ચુંબન
વિદ્યાર્થીઓની બિભત્સ હરકતનો વીડિયો વાયરલ
વાયરલ વીડિયો… pic.twitter.com/h42VfbN8cS— Gujarat First (@GujaratFirst) October 13, 2025
વિદ્યાર્થી જુથ દ્વારા રજુઆત કરાઇ
વડોદરાના વિશ્વવિખ્યાત યુનિવર્સિટી મહારાજા સયાજીરાવ યુનિવર્સિટી તેના ગુણવત્તાસભર ભણતર માટે જાણીતી છે. પરંતુ હાલ યુનિ. ભણતર સિવાયના કારણોસર વિવાદમાં આવી છે. યુનિ.ના ક્લાસરૂમ અને કેમ્પસમાં વિદ્યાર્થી-વિદ્યાર્થીનીના કિસ કરતા વીડિયો વાયરલ થયા છે. બંનેની હરકતના કારણે યુનિ. વગોવાઇ છે. વાયરલ થયેલા વીડિયો પૈકી એક વીડિયો આર્ટસ ફેકલ્ટી અને બીજો વીડિયો કોમર્સ ફેકલ્ટીનો હોવાનું જાણવા મળી રહ્યું છે. આ ઘટનાને લઇને વિદ્યાર્થી જુથ દ્વારા ડીનને રજુઆત કરવામાં આવી છે, અને કડક કાર્યવાહીની માંગ કરવામાં આવી છે.
કાર્યવાહી પર સૌ કોઇની નજર
આર્ટસ ફેકલ્ટીના ડીન કલ્પના ગવલીનું કહેવું છે કે, આ હરકત ચલાવી નહીં લેવાય. આ હરકત કરનાર વિદ્યાર્થી-વિદ્યાર્થીની સામે કડક કાર્યવાહી કરવામાં આવશે, સાથે જ આ વીડિયો બનાવનાર વિરૂદ્ધ પણ કાર્યવાહી કરવાની વાત ડીન દ્વારા કહેવામાં આવી છે. આ ઘટનાને પગલે યુનિ. કેમ્પસમાં સોપો પડી ગયો છે. બીજી તરફ આવા તત્વોનો ડામવા માટે યુનિ. પાસે કોઇ ચોક્કસ આયોજનનો અભાવ હોવાની પણ લોકચર્ચાઓએ જોર પકડ્યું છે. હવે આ મામલે ક્યારે અને કયા પ્રકારની કાર્યવાહી કરવામાં આવે છે, તેના પર સૌ કોઇની નજર રહેશે.
આ પણ વાંચો ---- Mansukh Vasava : અધિકારી, વેપારીઓને મનસુખ વસાવાએ રોકડું પરખાવ્યું, કહ્યું- તમે ગામનાં રાજા નથી..!