Vice President Election India : કોણ છે બી. સુદર્શન રેડ્ડી? જેમને વિપક્ષે બનાવ્યા ઉમેદવાર
- ઉપરાષ્ટ્રપતિ પદ માટે વિપક્ષના ઉમેદવાર જાહેર (Vice President Election India)
- SCના પૂર્વ જજ સુદર્શન રેડ્ડીને બનાવ્યા ઉમેદવાર
- NDAના સીપી રાધાકૃષ્ણન સામે થશે મુકાબલો
- કોંગ્રેસ અધ્યક્ષ મલ્લિકાર્જૂન ખડગેએ કરી જાહેરાત
- આ ચૂંટણી વિચારધારાની લડાઈ છેઃ મલ્લિકાર્જૂન
- ઉપરાષ્ટ્રપતિ માટે બંને ઉમેદવાર દક્ષિણ ભારતના
- સુદર્શન રેડ્ડીના નામ પર વિપક્ષી પાર્ટીઓ એકજૂટ
Vice President Election India : વિપક્ષી ઇન્ડિયા એલાયન્સે ઉપરાષ્ટ્રપતિ પદની ચૂંટણી માટે પોતાના ઉમેદવારની ( Vice President Election India) જાહેરાત કરી છે. સુપ્રીમ કોર્ટના ભૂતપૂર્વ ન્યાયાધીશ અને ગોવાના પ્રથમ લોકાયુક્ત જસ્ટિસ (નિવૃત્ત) બી. સુદર્શન રેડ્ડીને ઇન્ડિયા બ્લોક દ્વારા મેદાનમાં ઉતારવામાં આવ્યા છે. આ જાહેરાત સાથે, આ ચૂંટણી હવે ખૂબ જ રસપ્રદ અને પ્રતિષ્ઠાનો મુકાબલો બની ગઈ છે, જ્યાં રેડ્ડીનો સામનો શાસક પક્ષના ઉમેદવાર અને ભાજપના નેતા સીપી રાધાકૃષ્ણન સાથે થશે.
ઉપરાષ્ટ્રપતિ પદ માટે મતદાન આવતા મહિને 9 સપ્ટેમ્બરે થશે, જ્યારે નામાંકન દાખલ કરવાની છેલ્લી તારીખ આવતીકાલે એટલે કે બુધવાર, 21 ઓગસ્ટ છે. એનડીએએ બે દિવસ પહેલા પોતાના ઉમેદવારનું નામ જાહેર કર્યું હતું, જ્યારે આજે યોજાયેલી વિપક્ષી પાર્ટીઓની બેઠકમાં કોંગ્રેસ પ્રમુખ મલ્લિકાર્જુન ખડગેએ સુદર્શન રેડ્ડીનું નામ જાહેર કર્યું હતું.
Vice President Election। કોણ બનશે ઉપરાષ્ટ્રપતિ? । Gujarat First
NDAના C. P. Radhakrishnan સામે વિપક્ષે જાહેર કર્યા ઉમેદવાર
B. Sudarshan Reddy INDIA ગઠબંધનના Vice President ના ઉમેદવાર
Supreme Court ના પૂર્વ જજ B. Sudarshan Reddy ની પસંદગી
ઉપરાષ્ટ્રપતિ પદ માટે 9 સપ્ટેમ્બરના રોજ… pic.twitter.com/f3dO0jubem— Gujarat First (@GujaratFirst) August 19, 2025
ન્યાયાધીશ બી. સુદર્શન રેડ્ડી કોણ છે?
ન્યાયાધીશ રેડ્ડી આંધ્રપ્રદેશના રંગા રેડ્ડી જિલ્લાના ખેડૂત પરિવારમાંથી આવે છે. તેમણે 1971માં ઓસ્માનિયા યુનિવર્સિટીમાંથી કાયદાનો અભ્યાસ પૂર્ણ કર્યા પછી હૈદરાબાદમાં કાયદાની પ્રેક્ટિસ શરૂ કરી હતી. 1988માં, તેમને આંધ્રપ્રદેશ હાઇકોર્ટમાં સરકારી વકીલ તરીકે નિયુક્ત કરવામાં આવ્યા હતા. તેમના ન્યાયિક કારકિર્દીમાં, તેમણે 1991માં આંધ્રપ્રદેશ હાઇકોર્ટમાં ન્યાયાધીશ તરીકે કાર્યભાર સંભાળ્યો, અને બાદમાં સુપ્રીમ કોર્ટના ન્યાયાધીશ બન્યા.
SC માંથી નિવૃતિ લીધા પછી ગોવાના લોકાયુક્ત બન્યા
સુપ્રીમ કોર્ટમાંથી નિવૃત્તિ લીધા પછી, તેમને ગોવાના પ્રથમ લોકાયુક્ત બનાવવામાં આવ્યા, જ્યાં તેમની છબી એક પ્રામાણિક અને કડક અધિકારીની હતી. લોકાયુક્ત તરીકે, તેમણે કોઈપણ દબાણ વિના ભ્રષ્ટાચારના કેસોની તપાસ કરી અને પારદર્શિતાને પ્રોત્સાહન આપ્યું.
રેડ્ડી ઇન્ડિયા એલાયન્સની પસંદગી કેમ બન્યા?
જસ્ટિસ રેડ્ડીને ઉમેદવાર બનાવીને, ઇન્ડિયા એલાયન્સે સંદેશ આપ્યો છે કે તે એક એવો ચહેરો આગળ લાવવા માંગે છે જે બંધારણ, ન્યાયતંત્રની સ્વતંત્રતા અને પારદર્શિતાના પક્ષમાં હોય. વિરોધ પક્ષો માને છે કે રેડ્ડીનો દોષરહિત રેકોર્ડ અને ન્યાયિક અનુભવ તેમને ઉપરાષ્ટ્રપતિ જેવા મહત્વપૂર્ણ બંધારણીય પદ માટે સૌથી યોગ્ય ઉમેદવાર બનાવે છે.
NDAના ઉમેદવાર વરિષ્ઠ રાજકારણી સીપી રાધાકૃષ્ણન
રેડ્ડીનો સામનો ભાજપના નેતા અને તમિલનાડુના વરિષ્ઠ રાજકારણી સીપી રાધાકૃષ્ણન સાથે થશે. રાધાકૃષ્ણન બે વાર લોકસભા સાંસદ રહી ચૂક્યા છે અને હાલમાં મહારાષ્ટ્રના રાજ્યપાલ છે. રાષ્ટ્રીય રાજકારણ અને સંગઠનમાં તેમના લાંબા અનુભવને ધ્યાનમાં રાખીને ભાજપે તેમને ઉમેદવાર બનાવ્યા છે.
આ પણ વાંચો : Kullu Cloudburst: હિમાચલ પ્રદેશના કુલ્લુમાં વાદળ ફાટતા તબાહી