Chandrayaan-3 : લેન્ડિગ વખતે ચંદ્ર કેવો લાગતો હતો? જુઓ વીડિયો

ભારત (INDIA)નું ચંદ્રયાન-3 (Chandrayaan-3) ચંદ્રની દક્ષિણ બાજુએ સફળતાપૂર્વક લેન્ડ થયું છે. આ સફળતા બાદ ભારત ચંદ્રના દક્ષિણ ભાગમાં પહોંચનારો વિશ્વનો પહેલો દેશ બની ગયો છે. 23 ઓગસ્ટે સાંજે 6.4 કલાકે ચંદ્રયાન-3એ ચંદ્ર પર વિજય મેળવ્યો હતો. હવે ઈસરોએ તાજેતરમાં ચંદ્રયાન-3ના લેન્ડિંગ સમયનો એક સુંદર વીડિયો શેર કર્યો છે.

ઈસરોએ ચંદ્રયાન-3ના લેન્ડિંગ સમયનો વીડિયો શેર કર્યો છે. આ વીડિયોમાં ચંદ્રની સુંદર સપાટી દેખાઈ રહી છે. આ વીડિયો ચંદ્રયાનના લેન્ડરના કેમેરાએ કેદ કર્યો છે. લોકો આ વીડિયોને ખૂબ પસંદ કરી રહ્યા છે અને ઈસરોના વખાણ કરી રહ્યા છે.

ઈસરોએ ચંદ્રયાન-3ના લેન્ડિંગ બાદ તેના ઉપકરણોની સ્થિતિ વિશે પણ માહિતી શેર કરી છે. ઈસરોએ કહ્યું છે કે ચંદ્રયાન-3ની તમામ સિસ્ટમ યોગ્ય છે અને શેડ્યૂલ પ્રમાણે કામ કરી રહી છે. લેન્ડર મોડ્યુલના પેલોડ્સ ILSA, Rambha અને ChaSTE આજે સ્વિચ કરવામાં આવ્યા છે. આ સાથે રોવરની ગતિશીલતા પણ શરૂ કરવામાં આવી છે.

લેન્ડિંગ બાદ હવે ચંદ્રયાન-3 આગામી 14 દિવસ સુધી ચંદ્ર પર તેનું સંશોધન કરશે. ચંદ્રયાન-3 ચંદ્રની દક્ષિણ બાજુએ ઉતરી ગયું છે. સૂર્યમંડળની રચના, પાણી અને ઘણા ખનિજોના રહસ્યો શોધવાની સંભાવના છે. ચંદ્રયાન-3 અહીં પાણી-ખનિજની શોધ કરશે અને ભૂકંપ, ગરમી અને જમીન પર સંશોધન કરશે. જો ચંદ્રના દક્ષિણ ભાગમાં પાણી જોવા મળે છે, તો ભવિષ્યમાં અહીં માનવ વસાહતો પણ સ્થાયી થઈ શકે છે. આ સાથે અન્ય સ્પેસ મિશન પણ આનાથી મદદ મેળવી શકશે.

આ પણ વાંચો----CHANDRAYAAN-3 : વૈજ્ઞાનિકોની સિદ્ધિને સન્માન આપવા હેમ રેડિયો ઓપરેટર ખાસ કોલ સાઇનનો ઉપયોગ કરી શકશે