Chandrayaan-3 : ચંદ્રની સપાટી લાલ અને વાદળી કેમ દેખાય છે ?  વાંચો આ અહેવાલ

ચંદ્રયાન-3 (Chandrayaan-3) ને ચંદ્ર ( moon)ના દક્ષિણ ધ્રુવ પર સફળતાપૂર્વક ઉતર્યાને 15 દિવસ થઈ ગયા છે. વિક્રમ લેન્ડર ( Vikram Lander)માંથી બહાર આવીને પ્રજ્ઞાન રોવરે (Pragyan Rover) 14 દિવસમાં ચંદ્રની સપાટીનો વિગતવાર અભ્યાસ કર્યો. હવે જ્યારે ચંદ્ર પર રાત છે, રોવર વિક્રમ લેન્ડરની અંદર માઇનસ 280 ડિગ્રી તાપમાન પર આરામ કરી રહ્યું છે. સૌર ઉર્જાથી ચાલતા રોવરની બેટરી સંપૂર્ણ ચાર્જ થઈ ગઈ છે અને 14 દિવસ પછી રોવરની ચંદ્ર પરની આગામી સફર ફરી શરૂ થશે. આ 14 દિવસની અંદર, રોવરે ચંદ્ર પર ઘણા મહત્વપૂર્ણ તત્વો શોધી કાઢ્યા છે. કેટલાક દુર્લભ ચિત્રો પણ મોકલ્યા. ISROએ હવે પ્રજ્ઞાન રોવર દ્વારા મોકલવામાં આવેલ લેટેસ્ટ તસવીરને નવી અને અનોખી શૈલીમાં રજૂ કરી છે. આ ચિત્રમાં ચંદ્રની સપાટી લાલ અને વાદળી દેખાય છે. ચંદ્ર પર આ નિશાનો કેવી રીતે બન્યા? આવો જાણીએ...

ઇસરોએ મંગળવારે સાંજે, 5 સપ્ટેમ્બરે X પર એક ફોટો પોસ્ટ કર્યો. આ તસવીરમાં ઈસરોએ પ્રજ્ઞાન રોવર દ્વારા મોકલેલ 30 ઓગસ્ટની તસવીરને ફરીથી પોસ્ટ કરી છે. ઈસરોએ પોસ્ટને માહિતી આપી હતી કે ઈમેજ એનાગ્લિફ સ્ટીરિયો અથવા મલ્ટી-વ્યુ ઈમેજીસમાંથી ત્રણ પરિમાણોમાં ઓબ્જેક્ટ અથવા ભૂપ્રદેશનું એક સરળ દૃશ્ય છે.

આ ઈમેજ પ્રજ્ઞાન રોવર દ્વારા લેવામાં આવેલ એનાગ્લિફ નવકેમ સ્ટીરીયો ઈમેજીસનો ઉપયોગ કરીને બનાવવામાં આવી હતી.

ISRO અનુસાર, ડાબી છબી લાલ ચેનલમાં મૂકવામાં આવી છે, જ્યારે જમણી છબી વાદળી અને લીલા ચેનલોમાં મૂકવામાં આવી છે. આ બે ઈમેજ વચ્ચેનો તફાવત સ્ટીરીયો ઈફેક્ટ છે, જે ત્રણ ડાયમેન્શનની વિઝ્યુઅલ ઈફેક્ટ આપે છે.

નોંધનીય છે કે પ્રજ્ઞાન રોવર પર સ્થાપિત આ અત્યાધુનિક કેમેરા NavCam LEOS/ISRO દ્વારા વિકસાવવામાં આવ્યો છે. તેની ડેટા પ્રોસેસિંગ ISRO દ્વારા કરવામાં આવી રહી છે.

આ પણ વાંચો----કેવી રીતે થઇ INDIA શબ્દની ઉત્પત્તિ ? જાણો ભારતથી INDIA સુધીની સફર