World News : મેક્સિકોમાં એક જ દિવસે બે મોટા અકસ્માત, કુલ 15 થી વધુ લોકોના મોત, અનેક લોકો ઘાયલ
મેક્સિકોના તામૌલિપાસ રાજ્યમાં સોમવારે એક મોટો અકસ્માત થયો હતો. અહીંના એક ચર્ચમાં પ્રાર્થના સભા દરમિયાન અચાનક છત લોકો પર પડી. આ ઘટનામાં ઓછામાં ઓછા સાત લોકોના મોત થયા છે, જ્યારે ઘણા લોકો કાટમાળ નીચે દટાયા છે. એવું કહેવામાં આવી રહ્યું છે કે જ્યારે આ દુર્ઘટના થઈ ત્યારે ચર્ચની અંદર સેંકડો લોકો હાજર હતા. રાહત અને બચાવ કામગીરી ચાલી રહી છે. પોલીસ અને ફાયર ટીમે કાટમાળમાંથી 49 લોકોને બચાવ્યા છે. તેઓને નજીકની હોસ્પિટલમાં મોકલવામાં આવ્યા છે. તે જ સમયે, કાટમાળ નીચે ઘણા લોકો દટાયા હોવાની આશંકા છે. તેમની શોધ ચાલુ છે. જણાવવામાં આવી રહ્યું છે કે કાટમાળ નીચે ફસાયેલા લોકોમાં ઘણા બાળકો પણ છે.
અકસ્માત સમયે લોકો ભોજન કરી રહ્યા હતા
રોમન કેથોલિક ચર્ચના બિશપ જોસ આર્માન્ડો આલ્વારેઝે જણાવ્યું હતું કે ટેમ્પિકોના અખાતના શહેર સિઉદાદ માડેરોમાં આવેલા સાન્ટા ક્રુઝ ચર્ચમાં ઘણા પેરિશિયન લોકો રાત્રિભોજન કરી રહ્યા હતા, ત્યારે ચર્ચની છત અચાનક તૂટી પડી હતી. કાટમાળમાંથી લોકોને બહાર કાઢવા માટે સ્થળ પર પહોંચેલી રેસ્ક્યુ ટીમને જોઈને અલ્વારેઝે રાહતનો શ્વાસ લીધો. તે જ સમયે, કેથોલિક ડાયોસીસના બિશપ જોસ આર્માન્ડો અલ્વારેઝે તેમના સોશિયલ મીડિયા એકાઉન્ટ પર કાટમાળ નીચે ફસાયેલા લોકો માટે પ્રાર્થના કરી હતી. અલ્વારેઝે મીડિયાને જણાવ્યું કે આ સમયે કાટમાળ નીચે દટાયેલા લોકોને બચાવવા માટે જરૂરી કામ કરવામાં આવી રહ્યું છે. આજે આપણે ખૂબ જ મુશ્કેલ સમયમાંથી પસાર થઈ રહ્યા છીએ. ત્યારે મેક્સિકોમાં બીજી એક અક્સ્મારની ઘટના ઘટી છે જેમાં અંદાજે 10 લોકોના મોત થયા છે.
Mexico: 10 Cuban migrants killed, 25 injured after truck overturns near Guatemala
Read @ANI Story | https://t.co/PCvMzN782o#Mexico #accident #Truck pic.twitter.com/C0RvqyHhV3
— ANI Digital (@ani_digital) October 2, 2023
ચિપાસમાં ટ્રક પલટી જતાં 10 નાં મોત
આ પહેલા મેક્સિકોના ચિયાપાસ મેક્સિકન સ્ટેટમાં રવિવારે એક મોટો રોડ અકસ્માત થયો હતો . અહીં એક ટ્રકને અકસ્માત નડ્યો હતો, જેમાં દસ લોકોએ જીવ ગુમાવ્યા હતા, જ્યારે 25થી વધુ લોકો ઘાયલ થયા હોવાનું કહેવાય છે. પ્રાથમિક તપાસમાં બહાર આવ્યું છે કે ડ્રાઈવર વધુ ઝડપે ગાડી ચલાવી રહ્યો હતો. આ દરમિયાન તેણે વાહન પરનો કાબૂ ગુમાવ્યો હતો અને વાહન પલટી જતાં સ્થળ પરથી ભાગી ગયો હતો.અધિકારીઓએ જણાવ્યું કે અકસ્માત બાદ ડ્રાઈવર સ્થળ પરથી ફરાર થઈ ગયો હતો. મૃતકોની સંખ્યા 10 મહિલાઓ છે, જેમાં એક સગીરનો પણ સમાવેશ થાય છે અને તમામ ઘાયલોની હોસ્પિટલમાં સારવાર ચાલી રહી છે.
આ પણ વાંચો : બ્રિટનમાં વધ્યો ખાલિસ્તાની સમર્થકોનો આતંક