માત્ર 20 હજાર રૂપિયામાં ઘરે લાવો Royal Enfieldની સૌથી લોકપ્રિય બાઇક , દર મહિને ભરવો પડશે આટલો હપ્તો

• રોયલ એનફિલ્ડની બાઈક સમગ્ર વિશ્વમાં પસંદ કરવામાં આવે છે
• બાઈક ખરીદવા EMIનો વિકલ્પ ઉપલબ્ધ
• બાઈકની દિલ્હીમાં ઓન-રોડ કિંમત 2 લાખ 29 હજાર રૂપિયા
• બાઇકમાં 13 લિટરની ઇંધણ ક્ષમતા

Royal Enfield Classic 350 on EMI: રોયલ એનફિલ્ડ ક્લાસિક 350 ના બેઝ વેરિઅન્ટની દિલ્હીમાં ઓન-રોડ કિંમત 2 લાખ 29 હજાર રૂપિયા છે. તેમાં 350cc, સિંગલ-સિલિન્ડર, ફ્યુઅલ ઇન્જેક્ટેડ, એર-ઓઇલ કૂલ્ડ એન્જિન છે.

રોયલ એનફિલ્ડ ક્લાસિક 350

રોયલ એનફિલ્ડની બાઈક માત્ર ભારતમાં જ નહીં પરંતુ સમગ્ર વિશ્વમાં પસંદ કરવામાં આવે છે. કંપનીની આવી ઘણી બાઈક છે, જે તેના લુક અને પરફોર્મન્સના કારણે વધુ ખરીદાય છે. આવી જ એક બાઇક રોયલ એનફિલ્ડ ક્લાસિક 350 છે, જે તેની જૂની અને લોકપ્રિય ડિઝાઇનને કારણે લોકો દ્વારા ખુબ પસંદ કરવામાં આવી રહી છે. આ કંપનીની સૌથી વધુ વેચાતી બાઈક છે.

EMIનો વિકલ્પ ઉપલબ્ધ

જો તમે બાઇક ખરીદીવા માટે પુરી કિંમત ચૂકવી શકતા નથી તો તમને EMIનો વિકલ્પ પણ મળશે. આ માટે, તમારે ડાઉન પેમેન્ટ અને હપ્તાની રકમની ગણતરી જાણવી મહત્વપૂર્ણ છે. આવો જાણીએ કે, તમે EMI પર રોયલ એનફિલ્ડની આ સૌથી લોકપ્રિય બાઇક કેવી રીતે ખરીદી શકો છો.

દિલ્હીમાં ઓન-રોડ કિંમત શું છે?

રોયલ એનફિલ્ડ ક્લાસિક 350 ના બેઝ વેરિઅન્ટની દિલ્હીમાં ઓન-રોડ કિંમત 2 લાખ 29 હજાર રૂપિયા છે. જો તમે 20 હજાર રૂપિયાનું ડાઉન પેમેન્ટ ભરીને આ બાઇક ખરીદો છો, તો તેના માટે તમારે બેંકમાંથી 2.09 લાખ રૂપિયાની લોન લેવી પડશે, જે તમને વાર્ષિક 10 ટકા વ્યાજ દરે મળી જશે.

દર મહિને કેટલો હપ્તો ભરવો પડશે?

જો આપણે લોનના સમયગાળા વિશે વાત કરીએ, તો તે 3 વર્ષ માટે હશે, જેને ચૂકવવા માટે તમારે દર મહિને EMI ચૂકવવુ પડશે. તમારે દર મહિને 7 હજાર 859 રૂપિયા હપ્તા તરીકે ચૂકવવા પડશે. અહીં એક વાત નોંધનીય છે કે, તમારી EMI અને લોનની ગણતરી તમારા ક્રેડિટ સ્કોર પર આધારિત છે.

બાઇકમાં 13 લિટરની ઇંધણ ક્ષમતા

રોયલ એનફિલ્ડ ક્લાસિક 350માં 350cc, સિંગલ-સિલિન્ડર, ફ્યુઅલ ઇન્જેક્ટેડ, એર-ઓઇલ કૂલ્ડ એન્જિન છે. આ એન્જિન 6,100 rpm પર 20.2 bhp પાવર પ્રદાન કરે છે અને 4,000 rpm પર 27 Nm ટોર્ક જનરેટ કરે છે. આ બાઇકમાં 13 લિટરની ઇંધણ ક્ષમતા છે. આ બાઈકની પ્રારંભિક એક્સ-શોરૂમ કિંમત 1.99 લાખ રૂપિયા રાખવામાં આવી છે. જ્યારે તેના ટોપ-એન્ડ વેરિઅન્ટની કિંમત 2.30 લાખ રૂપિયા સુધી જાય છે.

આ પણ વાંચો:   હોન્ડાની ઑલ ન્યૂ Amaze 2024 ખરીદવી કે નહીં ? જાણો અહીં