Kokilaben Ambani Net Worth: મુકેશ અંબાણી કરતા પણ વધુ સંપત્તિ? જાણો કોકિલાબેન અંબાણીની સંપત્તિ

• Kokilaben Ambaniને હાલમાં જ કરવામાં આવ્યા છે દાખલ
• ગુરુવારે મોડી રાત્રે અચાનક બિમાર પડતા કરાયા દાખલ
• મુંબઈની HN રિલાયન્સ હોસ્પિટલમાં ચાલી રહી છે સારવાર
• મુકેશ અંબાણીના માતા કોકિલાબેનની કેટલી છે સંપત્તિ 

વિશ્વના સૌથી મોટા ઉદ્યોગપતિઓમાંના એક મુકેશ અંબાણીની માતા કોકિલાબેન અંબાણી ગુરુવારે મોડી રાત્રે અચાનક બીમાર પડી ગયા. અહેવાલો અનુસાર, 91 વર્ષીય કોકિલાબેનને મુંબઈની HN રિલાયન્સ હોસ્પિટલમાં દાખલ કરવામાં આવ્યા છે. તેમના સ્વાસ્થ્ય સંબંધિત આ સમાચાર બહાર આવ્યા પછી, ચાહકો અને નજીકના લોકો તેમના ઝડપી સ્વસ્થ થવાની કામના કરી રહ્યા છે.

ધીરુભાઈ અંબાણીના મૃત્યુ પછી કોકિલાબેન અંબાણી અંબાણી પરિવારના સૌથી મહત્વપૂર્ણ સભ્ય રહ્યા છે. તેમનું જીવન ભલે ચર્ચાથી દૂર રહ્યું હોય, તેમની સંપત્તિ સંબંધિત કેટલાક ખુલાસા ચોંકાવનારા છે.

 

View this post on Instagram

 

A post shared by yogen shah (@yogenshah_s)

મીડિયા અહેવાલો અનુસાર, કોકિલાબેન અંબાણીની કુલ અંદાજિત સંપત્તિ લગભગ ₹18,000 કરોડ છે. એક ચોંકાવનારી હકીકત એ છે કે તેઓ રિલાયન્સ ઇન્ડસ્ટ્રીઝમાં સૌથી મોટો વ્યક્તિગત હિસ્સો ધરાવે છે. તેઓ કંપનીના કુલ ઇક્વિટીના લગભગ 0.24% હિસ્સો ધરાવે છે, જ્યારે તેમના પુત્ર અને રિલાયન્સના ચેરમેન મુકેશ અંબાણી લગભગ 0.12% હિસ્સો ધરાવે છે.

Kokilaben Ambani કોણ છે?

કોકિલાબેનનો જન્મ ૧૯૩૪માં ગુજરાતના જામનગરમાં થયો હતો. તેમણે ધોરણ ૧૦ સુધી અભ્યાસ કર્યો હતો અને ધીરુભાઈ અંબાણીએ પોતે તેમના માટે એક અંગ્રેજી શિક્ષકની વ્યવસ્થા કરી હતી જેથી તેઓ ભાષા શીખી શકે. ધીરુભાઈ અને કોકિલાબેનને ચાર બાળકો છે - મુકેશ, અનિલ, નીના કોઠારી અને દીપ્તિ સાલગાંવકર.

Kokilaben Ambani ને છે લક્ઝરી કારનો શોખ

કોકિલાબેન તેમના મોટા પુત્ર મુકેશ અંબાણી સાથે તેમના મુંબઈના ઘર 'એન્ટિલિયા'માં રહે છે. તેમને લક્ઝરી કારનો શોખ છે અને મર્સિડીઝ-બેન્ઝ તેમની પ્રિય બ્રાન્ડ છે. આ ઉપરાંત, તેમને પરંપરાગત શાકાહારી ગુજરાતી ભોજન ખૂબ ગમે છે.

આ પણ વાંચો :  Gold Silver Price Today : આજે સોનું મોંઘુ થયું, ગુજરાતમાં શું છે સોના-ચાંદીનો લેટેસ્ટ ભાવ?