• નવરાત્રીમાં થયેલી લૂંટની ઘટના દિવાળી પહેલા ઉકેલાઇ
• વડોદરા ક્રાઇમ બ્રાન્ચે તપાસ હાથમાં લેતા જ આરોપીઓ ઝબ્બે
• આરોપી જુનો ગુનાહિતી ઇતિહાસ ધરાવે છે

Vadodara : તાજેતરમાં વડોદરા (Vadodara) શહેરના ગાજરાવાડીમાં આવેલા સીયારામ નગરમાં રહેતા ફરિયાદીને ત્યાં રાત્રીના સમયે એક ઇસમ ઘર બહાર તલવાર સાથે ઉભો હતો. તેને જોઇને ફરિયાદીએ પુછ્યું કે, તમે કોણ છો, અને મારા ઘરા આગળ શું કરો છો. ત્યાર બાદ તેણે ફરિયાદીને તલવાર બતાવીને ધમકાવ્યા કે, જો બુમ પાડી તો તલવાર ફેરવી દઇશ (Loot Edge Of Sward - Gujarat). બાદમાં મકાનમાં પ્રવેશીને લોખંડની તિજોરીમાં મુકેલા સોના-ચાંદીના દાગીના અને રોકડ મળીને કુલ રૂ. 7.47 લાખની મત્તાનો હાથફેરો કર્યો હતો. જે અંગે પાણીગેટ પોલીસ મથકમાં (Panigate Police Station) ફરિયાદ નોંધાવી હતી. મામલાની ગંભીરતાને ધ્યાને રાખીને વડોદરા ક્રાઇમ બ્રાન્ચ (Vadodara Crime Branch) દ્વારા તપાસ શરૂ કરવામાં આવી હતી.

કબ્રસ્તાન પાસેથી શંકાસ્પદ હાલતમાં ઝડપી પાડ્યા

વડોદરા ક્રાઇમ બ્રાન્ચની ટીમોએ ઘરફોડ ચોરી (Loot Edge Of Sward - Gujarat) અંગે સીસીટીવી, ટેક્નિકલ અને હ્યુમન રિસોર્સના આધારે તપાસ કરતા અગાઉ ચોરીમાં પકડાયેલા શિકલીગર આરોપી પ્રેમસિંગ ઉર્ફે ભીમો, અમરસિંગ ઉર્ફે પાપે અને કુલદીપસિંગ ઉર્ફે સન્નીસિંગ શંકાસ્પદ જણાઇ આવ્યા હતા. બાદમાં વધુ તપાસ કરતા ટીમોએ અમરસિંગ ઉર્ફે પાપે લોહરસિંગ બાવરી (શિકલીગર) (રહે. મહાનગર ઝૂંપડપટ્ટી, જલારામનગર, ડભોઇ રોડ), કુલદીપસિંહ ઉર્ફે સન્નીસિંહ બાવરી (શિકલીગર) (રહે. નિઝામપુરા, પેન્શનપુરા, આંબેડકર ચોક, વડોદરા) અને પ્રેમસિંગ ઉર્ફે ભીમો સતનામસિંગ બાવરી (શિકલીગર) (રહે. શંકરનગર, સયાજીગંજ) ને વાડી, શાસ્ત્રીબાગ પાસે આવેલા વુડાના મકાનોમાં કબ્રસ્તાન પાસેથી શંકાસ્પદ હાલતમાં ઝડપી પાડ્યા હતા. ત્રણેય પાસેથી રોડડા, સોના-ચાંદીના દાગીના અને મોબાઇલ ફોન મળી આવ્યા હતા. જે અંગે કોઇ આધારભૂત પુરાવા તેઓ રજુ કરી શક્યા ન્હતા.

બે ચોરીના ગુના ઉકેલાઇ જવા પામ્યા

બાદમાં ક્રાઇમ બ્રાન્ચે કડકાઇ દાખવતા ત્રણેય ભાંગી પડ્યા હતા. અને બાઇક પર તલવાર અને વાંદરીપાનું લઇને 30 સપ્ટેમ્બરના રોજ ગાજરાવાડી તથા અન્ય વિસ્તારમાં ચોરી કરી હોવાની કબુલાત આપી દીધી હતી. આરોપી અમરસિંગ ઉર્ફે પાપે અને પ્રેમસિંગ ઉર્ફે ભીમો વાંદરીપાનાથી ઘર તોડતો હતો. અને કુલદીપસિંગ ઉર્ફે સન્નીસિંગ કોઇ આવી ના જાય તેનું ધ્યાન રાખવા માટે તલવાર સાથે (Loot Edge Of Sward - Gujarat) હાજર રહેતો હતો. પોલીસે આરોપીઓ પાસેથી કુલ મળીને સોના-ચાંદીના દાગીના, રોકડા રૂપિયા, બાઇક, મોબાઇલ મળીને કુલ રૂ. 2.77 લાખનો મુદ્દામાલ કબ્જે કર્યો છે. આ કાર્યવાહીમાં પાણીગેટ પોલીસ મથકમાં નોંધાયેલા બે ચોરીના ગુના ઉકેલાઇ જવા પામ્યા છે.

આરોપીઓનો ગુનાહિત ઇતિહાસ

અમરસિંગ ઉર્ફે પાપે લોહરસિંગ બાવરી (શિકલીગર) (રહે. મહાનગર ઝૂંપડપટ્ટી, જલારામનગર, ડભોઇ રોડ) અગાઉ ઘરફોડ સહિતના 7 ગુનાઓમાં પકડાયેલો છે. આરોપી કુલદીપસિંહ ઉર્ફે સન્નીસિંહ બાવરી (શિકલીગર) (રહે. નિઝામપુરા, પેન્શનપુરા, આંબેડકર ચોક, વડોદરા) ઘરફોડ, મારા મારી સહિતના 6 ગુનાઓમાં પકડાયેલો છે. અને પ્રેમસિંગ ઉર્ફે ભીમો સતનામસિંગ બાવરી (શિકલીગર) (રહે. શંકરનગર, સયાજીગંજ) અગાઉ ચોરી, મારામારી સહિતના 15 ગુનાઓમાં પકડાયેલો છે.

આ પણ વાંચો -----  Vadodara : તહેવારો ટાણે SMC સક્રિય, છાણીમાંથી દારૂની મોટી હેરાફેરી પકડી