રોહિત શેટ્ટીની 'ઇન્ડિયન પોલીસ ફોર્સ'નું શૂટિંગ પૂર્ણ, શિલ્પા શેટ્ટી સાથે જોવા મળ્યો ખાસ અંદાજ

દિગ્દર્શક રોહિત શેટ્ટી (Rohit Shetty)ની આગામી વેબ સિરીઝ 'ઈન્ડિયન પોલીસ ફોર્સ'નું શૂટિંગ પૂર્ણ થઈ ગયું છે. શિલ્પા શેટ્ટી (Shilpa Shetty)એ વેબ સિરીઝનું શૂટિંગ પૂર્ણ કરવાની માહિતી આપી છે. બોલિવૂડ એક્ટ્રેસ શિલ્પા શેટ્ટીએ પણ તેના ઈન્સ્ટાગ્રામ એકાઉન્ટ પર રોહિત શેટ્ટી સાથેનો એક રસપ્રદ વીડિયો શેર કર્યો છે. આ વીડિયોમાં શિલ્પા શેટ્ટી અને રોહિત શેટ્ટીનો અલગ અંદાજ જોવા મળી રહ્યો છે. વીડિયોમાં રોહિત અને શિલ્પા સિવાય અન્ય ઘણા લોકો પણ જોવા મળી રહ્યા છે.

અભિનેત્રી શિલ્પા શેટ્ટીએ આ વીડિયોને શેર કરતી વખતે એક ક્યૂટ કેપ્શન પણ લખ્યું છે. તેણે વીડિયોમાં દેખાતા લોકોને ડ્રીમ ટીમ ગણાવ્યા છે. વીડિયોમાં શિલ્પા શેટ્ટી ટીમના સભ્યો અને રોહિત શેટ્ટી સાથે ચાલતી જોવા મળે છે. તેણે સમગ્ર ટીમનો આભાર વ્યક્ત કર્યો છે. રોહિત શેટ્ટીનો પણ આભાર માન્યો હતો. કેપ્શનમાં તેણે આ પ્રવાસને ખૂબ જ સુંદર અને યાદગાર પ્રવાસ ગણાવ્યો છે.

વીડિયોમાં, શિલ્પા અને રોહિત કાસ્ટમાં વોક કરી રહ્યાં હતાં અને સાથે સ્વેગ કરી રહ્યાં હતાં. શિલ્પાએ કેઝ્યુઅલ શૂઝ સાથે બ્લેક આઉટફિટ પસંદ કર્યું હતું. તેણીએ ડાર્ક સનગ્લાસની જોડી સાથે તેનો દેખાવ પૂર્ણ કર્યો અને તેના વાળ ખુલ્લા રાખ્યા. આ લુકમાં તે ખૂબ જ સુંદર લાગી રહી હતી. જ્યારે, રોહિતે વાદળી શર્ટ સાથે ઘેરા વાદળી પેન્ટ પહેર્યું હતું. તેણે સફેદ સ્નીકર્સ અને ડાર્ક સનગ્લાસ પહેર્યા હતા. શિલ્પા અને રોહિત ટીમના સભ્યો સાથે ધીમે ધીમે સીડીઓથી નીચે આવ્યા.

બોલિવૂડ અભિનેતા સિદ્ધાર્થ મલ્હોત્રા અને વિવેક ઓબેરોયની પણ વેબ સિરીઝ 'ઇન્ડિયન પોલીસ ફોર્સ'માં મહત્વની ભૂમિકાઓ છે. આ સીરિઝ પ્રાઇમ વીડિયો પર રિલીઝ થવા જઈ રહી છે. તેની રિલીઝ ડેટ હજુ જાહેર કરવામાં આવી નથી. શિલ્પા શેટ્ટીના આ વીડિયો પર ચાહકો ઘણો પ્રેમ વરસાવી રહ્યા છે. આ શોના શૂટિંગ દરમિયાન શિલ્પા શેટ્ટીનો અકસ્માત થયો હતો. સ્વસ્થ થયા બાદ તેણે ફરીથી શો માટે શૂટિંગ કર્યું છે.

આ પણ વાંચો--આ સ્ટાર કિડ્સ પર ક્યારેય 'નેપોટિઝમ'ની મહોર લાગી નથી, કારણ જાણીને તમારી આંખો ખુલી જશે