ભરૂચના મુક્તિનગરમાં 30 લાખની મતાની ચોરી

ભરૂચ (Bharuch) જીલ્લામાં દિવાળી વેકેશન તસ્કરો માટે કમાણીનું સાધન બની જતું હોય છે, તેવા સમાચાર (News) બહાર આવી રહ્યા છે. ભરુચના બંધ મકાનમાંથી તસ્કરોએ સોના ચાંદીના દાગીના,રોકડા તેમજ યુએસ ડોલર સહિત 30 લાખની મતાની ચોરી કરતાં પોલીસ (Police) તંત્રમાં દોડધામ મચી ગઇ હતી.  

ભરૂચના શક્તિનાથ વિસ્તારમાં આવેલી મુક્તિનગર સોસાયટીમાં રહેતા વિપુલકુમાર કોઠારી પોતાના પરિવાર સાથે બહાર ગામ ગયા હતા અને ઘરે પરત આવીને જોતાં મકાનના ગાર્ડનનો દરવાજો તૂટેલો અને રસોડું ખુલ્લું હતું, જેથી તેઓ મકાનમાં જતા સામાન વેરવિખેર જોવા મળ્યો હતો. તિજોરી પણ તૂટેલી હતી અને તિજોરીમાંથી  દાગીના ચાંદીની થાળી, ચાંદીના સિક્કા, ચાંદીની મૂર્તિ, ચાંદીના બે ગ્લાસ તેમજ મકાનના ઉપરના માળે પ્રથમ બેડરૂમમાં રહેલા કબાટમાંથી સોનાનો સેટ પાટલા, સોનાની બંગડી, સોનાનો સેટ ડાયમંડ વાળો સોનાનું બ્રેસલેટ ડાયમંડ વાળું ,સોનાની બુટ્ટી, સોનાની વીંટી પ્લેટિનિયમ, સોનાના સેટ ,સોનાનું ડાયમંડ વાળું પેન્ડલ ચેન, સોનાનો અછોડો,સોનાના દાગીના, ચાંદીના છડા, સિક્કા,મૂર્તિ તથા રોકડા રૂપિયા ૭ લાખ અને યુએસ એ ડોલર ૨ હજાર મળી ૩૦,૨૮,૦૦૦ ઉપરાંતના મુદ્દામાલની ચોરી થઇ હતી. 

ચોરીની ફરીયાદ નોંધાયા બાદ પોલીસે સોસાયટી વિસ્તારના તમામ સીસીટીવી ફૂટેજ ચેક કર્યા હતા પણ કોઇ પગેરું મળ્યું ન હતું. 

આ પણ વાંચો--ભરુચમાં રસ્તો બનાવામાં ગેરરિતી આચરાતી હોવાના આરોપ સાથે હોબાળો