ઈન્ડિગો ફ્લાઇટમાં સવાર એક મુસાફરે કહ્યું- મારી બેગમાં બોમ્બ છે અને પછી...

પટનાથી દિલ્હી જઈ રહેલી ઈન્ડિગોની ફ્લાઈટમાં 180 મુસાફરોના શ્વાસ અચાનક અટવાઈ ગયા જ્યારે તે ફ્લાઇટમાં બેસેલા એક મુસાફરે કહ્યું- મારી બેગમાં બોમ્બ છે. તેના આ કહ્યા બાદ મુસાફરોમાં ડરનો માહોલ જોવા મળ્યો. આ જાણ્યા બાદ ફ્લાઇટને ઉતાવળમાં રોકી દેવામાં આવી. વળી તમામ મુસાફરોને આ ફ્લાઇટમાંથી ઉતારી દેવામાં આવ્યા છે. 

દિલ્હી જતી ઈન્ડિગો ફ્લાઈટમાં બેસેલા મુસાફરોને સપને પણ ખ્યાલ નહીં હોય કે આજે તેમની સાથે શું થવા જઇ રહ્યું છે. આ ફ્લાઇટમાં બેસેલા એક મુસાફરે દાવો કર્યો હતો કે તેની બેગમાં બોમ્બ છે. જોકે, ત્યારબાદ પોલીસે તેની ધરપકડ કરી હતી. જોકે તેનો દાવો ખોટો સાબિત થયો છે. આ પહેલા સુરક્ષા કર્મચારીઓ અને બોમ્બ નિકાલ ટુકડી (Bomb Disposal Squad)એ સમગ્ર સામાન અને વિમાનની શોધખોળ ચાલુ રાખી પરંતુ ન તો બોમ્બ મળ્યો ન તો વિસ્ફોટક. જે બાદ તમામ મુસાફરોને સુરક્ષિત રીતે દિલ્હી મોકલી દેવામાં આવ્યા હતા. 

આ પણ વાંચો - શારજાહથી હૈદરાબાદ આવી રહેલી ઈન્ડિગોની ફ્લાઈટનું કરાચી એરપોર્ટ પર ઈમરજન્સી લેન્ડિંગ