Ahmedabad : પલ્લવ ચાર રસ્તા નજીક ગટરનું ઢાંકણું તૂટી જવાના કારણે ટ્રક ફસાયો

Ahmedabad : અમદાવાદના પલ્લવ ચાર રસ્તા નજીક આજે સવારે એક ટ્રક ગટરનું ઢાંકણું તૂટી જવાને કારણે ફસાઈ ગયો હતો, જેના કારણે સ્થાનિક ટ્રાફિકમાં અવરોધ ઉભો થયો. આ ઘટના કેન્દ્રીય ગૃહમંત્રી અમિત શાહના કાર્યક્રમના સ્થળની બહાર બની, જ્યાં કાર્યક્રમના મંડપના ડેકોરેશન માટે આવેલી જ ટ્રક આ દુર્ઘટનાનો ભોગ બની. સ્થાનિકોના જણાવ્યા અનુસાર, ગટરના ઢાંકણા લાંબા સમયથી તૂટેલી હાલતમાં છે, જેના કારણે આવી ઘટનાઓ વારંવાર બની રહી છે. આ ઘટનાએ શહેરના ઈન્ફ્રાસ્ટ્રક્ચરની જાળવણી અંગે ફરી એકવાર ગંભીર સવાલો ઉભા કર્યા છે.