દેશભરમાં ગણેશ ચતુર્થીની ઉજવણી, રાષ્ટ્રપતિ મુર્મૂ અને PM મોદીએ દેશવાસીઓને પાઠવી શુભકામનાઓ

ગણેશ ચતુર્થીના તહેવારની આજે દેશભરમાં ધામધૂમથી ઉજવણી કરવામાં આવી રહી છે. તો સાથે જ દેશના રાષ્ટ્રપતિ (President) દ્રૌપદી મુર્મૂ અને વડાપ્રધાનશ્રી નરેન્દ્ર મોદી (PM Modi)એ દેશવાસીઓને ગણેશ ચતુર્થીની હાર્દિક શુભકામનાઓ આપી છે. બંને નેતાઓએ દેશના નાગરિકોના જીવનમાં સુખ, શાંતિ અને સમૃદ્ધિની કામના કરી છે.

ગણેશ ચતુર્થીના તહેવારને દર વર્ષે ભગવાન ગણેશની જન્મજયંતિ તરીકે ઉજવવામાં આવે છે. આ વર્ષે ગણેશ ચતુર્થીનો તહેવાર આજે એટલે કે 31 ઓગસ્ટ 2022ના રોજ ઉજવવામાં આવી રહ્યો છે. તેને ગણેશ ચોથ તરીકે પણ ઓળખવામાં આવે છે. આ દિવસે ગણપતિજીની મૂર્તિની સ્થાપના કરવામાં આવે છે અને 10 દિવસ સુધી સવાર-સાંજ વિધિવત પૂજા કરવામાં આવે છે અને બાપ્પાને પ્રિય વસ્તુઓ અર્પણ કરવામાં આવે છે. આ પછી, 11માં દિવસે, ભગવાન ગણેશની પૂજા કર્યા પછી, તેમની મૂર્તિનું વિસર્જન કરવામાં આવે છે. 

આજે દેશભરમાં ગણેશ ચતુર્થીની ઉજવણી કરવામાં આવી રહી છે. રાષ્ટ્રપતિ દ્રૌપદી મુર્મૂ અને વડાપ્રધાનશ્રી નરેન્દ્ર મોદીએ દેશવાસીઓને ગણેશ ચતુર્થીની શુભેચ્છા પાઠવી છે. બંને નેતાઓએ નાગરિકોના જીવનમાં શાંતિ અને સમૃદ્ધિ માટે પ્રાર્થના કરી હતી.

ગણેશ ચતુર્થીના અવસર પર રાષ્ટ્રપતિ દ્રૌપદી મુર્મૂએ તેમના સત્તાવાર ટ્વિટર હેન્ડલ પરથી ટ્વીટ કર્યું અને લખ્યું, 'ગણેશ ચતુર્થી પર તમામ દેશવાસીઓને શુભેચ્છા. વિઘ્નહર્તા અને મંગલમૂર્તિ ભગવાન ગણેશ જ્ઞાન, સિદ્ધિ અને સૌભાગ્યના પ્રતિક છે. હું ઈચ્છું છું કે શ્રી ગણેશના આશીર્વાદથી દરેકના જીવનમાં સુખ, શાંતિ અને સમૃદ્ધિનો સંચાર થાય.

બીજી તરફ, વડાપ્રધાનશ્રી નરેન્દ્ર મોદીએ ગણેશ ચતુર્થીના અવસર પર શુભેચ્છાઓ આપી. અભિનંદન પાઠવતા તેમણે તેમના સત્તાવાર ટ્વિટર હેન્ડલ પરથી સંસ્કૃતમાં એક શ્લોક ટ્વીટ કર્યો. પીએમ મોદીએ લખ્યું, 

ગણેશ ચતુર્થીની શુભકામનાઓ. ભગવાન શ્રી ગણેશના આશીર્વાદ હંમેશા આપણી સાથે રહે.

જ્યોતિષીઓનું કહેવું છે કે, જ્યારે ગણેશ ચતુર્થીના દિવસે ભગવાન ગણેશની મૂર્તિની સ્થાપના કરવામાં આવે છે ત્યારે તેમાં કેટલીક ખાસ બાબતોનું ધ્યાન રાખવું ખૂબ જ જરૂરી છે. આમાં મૂર્તિને ઘરની યોગ્ય દિશામાં સ્થાપિત કરવા માટે પસંદ કરવા જેવી બાબતોનો સમાવેશ થાય છે. કહેવાય છે કે ગણેશની ખોટી મૂર્તિ ઘરમાં લાવવાથી ભક્તોને તેમની પૂજાનું ફળ મળતું નથી.

આ પણ વાંચો - ભક્તોનું 10 દિવસનું આતિથ્ય માણવા દૂંદાળા દેવનું આગમન