Chandola Demolition: લલ્લુ બિહારીના 20 વર્ષના આતંકનો આવ્યો અંત

• લલ્લુ બિહારીનું 2000 વારનું આલીશાન ફાર્મહાઉસ ગેરકાયદેસર
• AC, ફુવારા, હીંચકા, ગાર્ડન સાથે મોજમજાની બધી વ્યવસ્થા
• જોકે લલ્લુ બિહારી પોલીસના હાથમાં આવ્યો નહોતો

ચંડોળા તળાવ પર લલ્લુ બિહારીનું 2000 વારનું આલીશાન ફાર્મહાઉસ ગેરકાયદે જગ્યામાં AC, ફુવારા, હીંચકા, ગાર્ડન સાથે મોજમજાની બધી વ્યવસ્થા, પોલીસ કમિ. જોઈને ચોંક્યાછે. આ તપાસ દરમિયાન પોલીસ કમિશનર જી.એસ.મલિક એક જગ્યાએ આવીને થોભી ગયા અને આશ્ચર્યમાં પડી ગયા કે આવડું મોટું ફાર્મહાઉસ કોનું હશે? તપાસ કરતાં 2000 વારમાં ફેલાયેલું આ આલીશાન ફાર્મહાઉસ લલ્લુ બિહારી નામના શખસનું હોવાનું સામે આવ્યું હતું, જોકે લલ્લુ બિહારી પોલીસના હાથમાં આવ્યો નહોતો અને નાસી છૂટ્યો હોવાનું જાણવા મળ્યું હતું. ભવ્ય હવેલીને પણ ટક્કર મારે એવા આ ફાર્મહાઉસની તપાસ કરાતાં જાણવા મળ્યું કે અહીંના એક ટપોરી એવા લલ્લુ બિહારીએ આ ગેરકાયદે ફાર્મહાઉસ ઊભું કર્યું છે.