ચીન પછી હવે અમેરિકામાં કોરોનાનો હાહાકાર, ઓમિક્રોનના નવા મ્યુટન્ટ BA.2.12.1 એ 13 રાજ્યોમાં કહેર વર્તાવ્યો

આ
કોરોના વાયરસ છે કે જે જવાનું નામ નથી લઈ રહ્યો. ચીનમાં હાહાકાર મચાવ્યા બાદ હવે
ફરી અમેરિકા કોરોનાના ભરડામાં આવ્યું છે. અમેરિકામાં કોરોનાના કેસોમાં અચાનક ઉછાળો
આવતા ફરી ચિંતા પ્રવર્તી છે. હજુ પણ ચીન, અમેરિકા સહિત વિશ્વના અનેક દેશોમાં
કોરોનાનો કહેર યથાવત છે. ચીનમાં તો કોરોનાના પગલે સખત લોકડાઉન લગાવવાની નોબત આવી
છે. તો હવે અમેરિકાની પણ ઓમિક્રોનના હાહાકારના પગલે મુશ્કેલી વધી છે. કોરોનાના સૌથી મોટા ચેપી ઓમિક્રોન
વેરિઅન્ટના નવા મ્યુટન્ટે વિશ્વભરના વૈજ્ઞાનિકોને ચિંતામાં મુક્યા છે. 

આ મ્યુટન્ટ
ન્યુયોર્ક વિસ્તારમાં 56% દર્દીઓમાં જોવા મળ્યું છે. અમેરિકન વૈજ્ઞાનિકોએ તેને સૌથી ઝડપથી
ફેલાતો ચેપ ગણાવ્યો છે. યુ.એસ ઓમિક્રોનનું નવું મ્યુટન્ટ BA.2.12.1 ગયા અઠવાડિયે રાષ્ટ્રીય સ્તરે નવા COVID-19 ચેપના 29% માટે જવાબદાર હતું.વૈજ્ઞાનિકોએ કહ્યું છે કે તેની
ઝડપને કારણે તે અત્યાર સુધીમાં 13 અન્ય દેશોમાં પહોંચી ગયું છે. તે અગાઉના સુપર-ચેપી 'સ્ટીલ્થ ઓમિક્રોન'ના વંશજ છે. તેણે બહુ ઓછા સમયમાં અમેરિકાના ઘણા
રાજ્યોમાં પોતાની પહોંચ બનાવી લીધી છે. આ વેરિઅન્ટના મોટાભાગના કેસ યુએસમાં જ જોવા
મળ્યા છે. તે અન્ય લોકો સાથે સ્પર્ધા કરવા માટે તેના વિશે કેટલાક સૂચનો આપી રહ્યો
છે. 

એવું લાગે છે કે સમાન પેટર્ન રાષ્ટ્રીય સ્તરે અનુસરશે, વૈજ્ઞાનિકો BA.2.12.1 ના અન્ય પાસાઓની શોધખોળ
કરવાનો પ્રયાસ કરી રહ્યા છે.તો સાથે સાથે ભારતમાં
કોરોના ફરી પગપેસારો કરી રહ્યો છે. દિલ્હી અને મહારાષ્ટ્ર સહિત અનેક રાજ્યોમાં
કોરોના કેસોમાં ધરખમ વધારો થતા સરકારની નિંદર ઉડી ગઈ છે. કોરોના કેસ વધતા ભારતના
વડાપ્રધાન નરેન્દ્ર મોદીએ બુધવારે દેશના તમામ મુખ્યમંત્રીઓ સાથે બેઠક યોજી ચર્ચા
કરી હતી.