રાસાયણિક ખાતરની સમયસર ઉપલબ્ધતા માટે જિલ્લા કંટ્રોલરૂમ શરૂ કરાયો

રવિ ઋતુમાં વાવેતર ખૂબજ મોટા પ્રમાણમાં થયેલ હોવાથી તેમજ હાલમાં ખાતરની જરૂરીયાત માટે પીક પીરીયડ ચાલતો હોવાથી ખેડૂતો ખાતર ખરીદી રહેલ છે. રાજ્યમાં રાસાયણિક ખાતરનો જથ્થો ઉપલ્બધ છે.હાલના સંજોગોમાં ડીલરો-ખેડૂતો કોઇ પ્રશ્ન હોય તો ફરીયાદ નિવારણ માટે ઉત્તર ગુજરાતના જિલ્લાઓ મહેસાણા,પાટણ,બનાસકાંઠા,સાબરકાંઠા અને અરવલ્લી જિલ્લા માટે 22 ડિસેમ્બરથી 10 જાન્યુઆરી સુધી વિભાગીય કક્ષાનો એક ફરીયાદ નિવારણ સેલ,કંટ્રોલ રૂમ સંયુક્ત ખેતી નિયામક મહેસાણા ખાતે કાર્યરત કરવામાં આવેલ છે. 

કંટ્રોલ રૂમનો ટેલીફોન નંબર 02762-220136 છે. કંટ્રોલ રૂમ દરરોજ સવારના 08 કલાકથી રાત્રીના 20 કલાક સુધી કાર્યરત રહેશે. વધુમાં રાસાયણિક ખાતર અંગેની રજૂઆત જિલ્લા કક્ષાએ સંબધિત જિલ્લાની નાયબ ખેતી નિયામકની કચેરી ખાતે પણ કરી શકાશે તેમ સંયુક્ત ખેતી નિયામક વિસ્તરણ દ્વારા  જણાવાયું છે.

આપણ  વાંચો-ગૃહમંત્રીશ્રી અમિત શાહ આવતીકાલે ગુજરાતનાં પ્રવાસે, મહેસાણાના પિલવાઈ ખાતે ઉપસ્થિત રહેશે