શું તમે વધુ ઊંઘ લો છો? તો થઇ જાઓ સાવધાન, થઇ શકે છે આ બીમારીઓ
સારા સ્વાસ્થ્ય માટે પૂરતી ઊંઘ લેવી જરૂરી છે, પરંતુ શું તમે જાણો છો કે વધુ પડતી ઊંઘ પણ તમારું સ્વાસ્થ્ય બગાડી શકે છે. જીહા, વધુ પડતી ઊંઘ તમારા સ્વાસ્થ્ય માટે હાનિકારક હોઈ શકે છે. જેમ ઓછી ઊંઘ લેવી ખતરનાક છે, તેવી જ રીતે વધુ સમય સુવું એ રોગોને આમંત્રણ આપવા સમાન છે. વાસ્તવમાં, લાંબા સમય સુધી સુવાથી આપણી બોડી ક્લોકને ખલેલ પડે છે.તો આવો જાણીએ વધુ પડતી ઊંઘ લેવાથી શું થાય છે નુકસાન અને કઇ બીમા
Advertisement
સારા સ્વાસ્થ્ય માટે પૂરતી ઊંઘ લેવી જરૂરી છે, પરંતુ શું તમે જાણો છો કે વધુ પડતી ઊંઘ પણ તમારું સ્વાસ્થ્ય બગાડી શકે છે. જીહા, વધુ પડતી ઊંઘ તમારા સ્વાસ્થ્ય માટે હાનિકારક હોઈ શકે છે. જેમ ઓછી ઊંઘ લેવી ખતરનાક છે, તેવી જ રીતે વધુ સમય સુવું એ રોગોને આમંત્રણ આપવા સમાન છે. વાસ્તવમાં, લાંબા સમય સુધી સુવાથી આપણી બોડી ક્લોકને ખલેલ પડે છે.
તો આવો જાણીએ વધુ પડતી ઊંઘ લેવાથી શું થાય છે નુકસાન અને કઇ બીમારીને મળે છે આમંત્રણ...
ડિપ્રેશન
પૂરતી માત્રાથી વધુ ઊંઘ લેવાથી તમારું મન સ્વસ્થ રહેવાને બદલે તમે ડિપ્રેશનનો શિકાર બની શકો છો. સંશોધનમાં એ સાબિત થયું છે કે જે લોકો 7 કલાકથી વધુ ઊંઘે છે તેમને માનસિક તણાવ વધુ હોય છે. આ સિવાય 9 કલાકથી વધુ ઊંઘ લેવાથી ડિપ્રેશનની શક્યતા 49 ટકા વધી જાય છે.
હાર્ટ ડિસીઝ
અમેરિકન કોલેજ ઓફ કાર્ડિયોલોજીમાં હાથ ધરાયેલા એક સંશોધનમાં એ જાણવા મળ્યું છે કે જે લોકો આઠ કલાક કે તેથી વધુ ઊંઘ લે છે તેમને કોરોનરી હાર્ટ ડિસીઝ થવાની શક્યતા બમણી હોય છે.
હંમેશા વિચારતા રહેવું
દિવસના થાકને દૂર કરવા માટે 7 થી 8 કલાકની ઊંઘ પૂરતી છે, પરંતુ હાઈપરસોમિયામાં વ્યક્તિ યોગ્ય ઊંઘના અભાવે વિચારમાં રહે છે. તમને જાણીને નવાઈ લાગશે કે હાઈપરસોમિયામાં વ્યક્તિ આખો દિવસ ઊંઘમાં રહે છે પરંતુ તેનું મગજ કામ કરતું રહે છે. ઊંઘમાં હોવા છતાં વ્યક્તિ વિચારતો રહે છે. જેના કારણે તેને ક્યારેક બોલવામાં અને સમજાવવામાં મુશ્કેલી પડે છે. તે ઘણીવાર મૂંઝવણ અનુભવે છે.
પીઠનો દુખાવો
જો તમે લાંબા સમય સુધી સૂતા હોવ તો તમે કમરના દુખાવાના શિકાર બની શકો છો. નબળી ગુણવત્તાવાળા ગાદલા પર લાંબા સમય સુધી આરામ કરવાથી તમારા સ્નાયુઓ થાકી જાય છે, અને જ્યારે તેને ઊંઘની નબળી સ્થિતિ સાથે જોડવામાં આવે છે ત્યારે તે ખરેખર ખરાબ થઈ શકે છે.
ભૂખ ન લાગવી
વધુ પડતી ઊંઘથી આપણી ભૂખ પર પણ અસર પડે છે. વધુ પડતી ઊંઘને કારણે ખાવાની ઈચ્છા ઘટી જાય છે. હાઈપરસોમિયાથી પીડિત વ્યક્તિ ખાવાનું ટાળવા લાગે છે. સામાન્ય રીતે, લોકો માને છે કે ખોરાક ખાવાથી ઊંઘ આવે છે, તેથી તે પોતાની ભૂખ મારે છે અને ખાવાથી દૂર રહે છે. સતત આમ કરવાથી ધીમે-ધીમે તેની ભૂખ પોતે જ ઓછી થઈ જાય છે.