જામકંડોરણાના ચારેલ ગામના કામરાજની જન્મજાત મુકબધિરતાની ક્ષતિ દૂર કરતા ડોક્ટરો

રાષ્ટ્રીય બાળ સ્વાસ્થ્ય કાર્યક્રમ ટીમના ડો.દાનસિંહ ડોડિયા અને ડો.શીતલ સરીખડાએ ખૂબ જ સહાનુભૂતિપૂર્વક આ પરિવારને સમજાવવાના પ્રયત્નો કર્યા. સમયસર સારવારથી અનેક બાળકો સાંભળતા - બોલતા પણ થઈ ગયા હોવાના કિસ્સા- દાખલાઓ સંભળાવી કામરાજના માતા-પિતાને હિંમત આપી કે ઈલાજ અને સારવારથી કામરાજ ખૂબ જ ઝડપથી તેમનો પુત્ર સાંભળતો અને બોલતો થઈ જશે. પરંતુ વર્ષે દહાડે ખેતીમાંથી મળતી 50 હજાર જેટલી આવક મેળવતો પિતા સારવારનો આઠ-નવ લાખ રૂપિયાનો ખર્ચ કઈ રીતે કરી શકશે, તેની ચિંતામાં ગરક થઈ ગયો. આર.બી.એસ.કે. ટીમે તેના ચિંતાતુર પિતાને સમજાવ્યું કે, શાળા આરોગ્ય રાષ્ટ્રીય બાળ સ્વાસ્થ્ય કાર્યક્રમએ નેશનલ હેલ્થ મિશન અંતર્ગત સ્વાસ્થ્ય અને પરિવાર કલ્યાણ મંત્રાલય, કેન્દ્ર સરકાર દ્વારા ચલાવવામાં આવતી અને રાજ્ય સરકાર દ્વારા અમલમાં મુકાતી મહત્વાકાંક્ષી યોજના છે. જે અંતર્ગત જન્મથી 18  વર્ષ સુધીની વયમર્યાદાના બાળકોમાં જન્મથી જ રહેલ ખોડખાપણ, રોગો, અપૂર્ણતાઓ અને શારીરિક વિકાસમાં વિલંબ આ ચાર આધારે બાળકોને અલગ તારવીને તેમનો રાજયસરકાર દ્વારા નિઃશુલ્ક ઈલાજ અને સર્જરી કરવામાં આવે છે. જેથી તમે બાળકના ઓપરેશનના ખર્ચની કોઈ પણ જાતની ચિંતા કરશો નહીં. 

કામરાજને રાજકોટ પી.ડી.યુ. હોસ્પિટલ ખાતે રીફર કરવામાં આવ્યો, જ્યાં તા.૧૩.૦૯.૨૦૨૨ ના રોજ ઈ.એન.ટી વિભાગના નિષ્ણાંત તબીબો અને સેવાભાવી સ્ટાફની મદદથી કામરાજના કાનનું (કોકલેયર ઈમ્પ્લાન્ટ) સફળ ઓપરેશન કરવામાં આવ્યું. હાલ સ્માઈલ કેર સ્પીચ અને હિયરિંગ ક્લિનિકમાં કામરાજને બોલતો - સાંભળતો કરવા માટેની સારવાર (સ્પીચ થેરાપી) કરવામાં આવી રહી છે. કામરાજની સારવારથી અત્યંત આનંદિત પરિજનો તથા માતા-પિતાએ ખૂબ જ ભાવવિભોર થઈને આરોગ્ય તંત્ર, શાળા આરોગ્ય-રાષ્ટ્રીય બાળ સ્વાસ્થ્ય કાર્યક્રમ અને તેની સાથે જોડાયેલા તમામ તબીબો અને આર.બી.એસ.કે ટીમના સદાય ઋણી રહેશે તેવો કૃતજ્ઞતાભાવ વ્યક્ત કર્યો હતો.  ઉલ્લેખનીય છે કે, રાષ્ટ્રીય બાળ સ્વાસ્થ્ય કાર્યક્રમ હેઠળ રાજયસરકાર દ્વારા આંગણવાડી વિસ્તારમાં ૫ વર્ષથી ઓછી ઉંમરના બાળકોનું દર છ મહીને એકવાર એમ વર્ષમાં બે વાર વિનામૂલ્યે આરોગ્ય પરીક્ષણ કરવામાં આવે છે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.