એક મહિનામાં 40 જેટલા ભૂકંપના આંચકા!, સાવરકુંડલાના મીતીયાળામાં ભયનું વાતાવરણ, જાણો શું કહે છે ગ્રામજનો

અમરેલી જિલ્લાના સાવરકુંડલાનું મિતિયાળા ગામની 1800ની વસ્તી ધરાવતા મિતિયાળા ગામ મિતિયાળા અભ્યારણ જંગલને અડીને આવેલું ગામ છે સિંહ દીપડા જેવા હિંસક પશુ ઓ કરતા પણ આ મિતિયાળા ગામમાં છેલ્લા એક દોઢ માસથી ધરતીકંપના આંચકાઓએ આખા મિતિયાળા ગામમાં ભયનું લખલખું ફેલાવી દીધું છે ને જેને કારણે આ કડકડતી ઠંડીમાં પણ મિતિયાળા વાસીઓને ઘરની બહાર સુવાની મજબૂરી ઉભી થઇ છે.

ગઈકાલે મિતિયાળા ગામમાં સવારે 7.42 વાગ્યે પ્રથમ ભૂકંપનો આંચકો અનુભવ્યો બાદ બપોરે 5.55એ ફરી ધરાધ્રુજી અને સાંજના 7.05 મિનિટે ત્રીજીવાર ભૂકંપનો આંચકો આવ્યો ત્યારે રાત્રીના 8.34એ ચોથીવાર મિતિયાળાની ધરા ધ્રુજતા આખા મિતિયાળા ગામમાં ભયનું વાતાવરણ ઊભું થયું ને રાત્રીના ક્યાંક ભૂકંપનો આંચકો આવે ને મકાન ધરાશાહી થવાની ગંભીર દહેશત વચ્ચે ગામના નાના નાના ભૂલકા ઓથી લઈને મિતિયાળા ના વયોવ્રુધો પોતાના મકાનની બહાર ફળિયામાં સુવાની ના છૂટકે મજબૂરી ઉભી થઇ છે.

ફળિયામાં ખાટલા ઓ ઢાળીને વચ્ચે તાપણું કરીને સિંહ દીપડા જેવા હિંસક પશુઓના ડર કરતા ભૂકંપનો ભય એટલી હદે મિતિયાળા વાસીઓના હૃદયમાં પેસી ગયો છે કે પોતાના મકાનના રૂમો બંધ કરીને બહાર કડકડતી ઠંડીમાં સુઈ રહ્યા છે અને જાયે તો જાયે કહાઁની સ્થિતિ મિતિયાળામાં જોવા મળી રહી છે અને સ્થાનિક મહિલાઓ ભયભીત બની ગઈ છે.

મિતિયાળામાં ખાતે રહેતા લોકોને જંગલ નજીક હોય ને સિંહ દીપડાઓની કાયમી લટાર ગામમાં હોવા છતાં ભૂકંપના વારંવાર ઝટકા ઓથી એટલી ફડક પેસી ગઈ છે કે સિંહ દીપડા હુમલો કરશે ને તો બચવાની શક્યતાઓ રહેશે પણ જો ભૂકંપના આંચકાઓથી મકાન જ ધરાશાહી  થઈ જાશે તો જીવ જવાનો ભય વધી ગયો હોય ત્યારે મિતિયાળા વાસીઓના રાત ઉજાગરા શરૂ થયા છે ને સ્થાનિકો ભયના ઓથાર તળે જીવવાની મજબૂરી કડકડતી ઠંડીમાં બહાર સુવાની થઈ છે મિતિયાળા ગામમાં છેલા એક દોઢ માસમાં 40 જેટલા ભુકમ્પના આંચકાઓ સહન કરી ચૂક્યું છે અને ભુકમ્પના આંચકાઓથી ઘરમાં રાખેલા વાસણો પડી જાય છે ઘણી મકાનોની દીવાલોમાં તિરાડો પડી ગઈ છે.

તંત્રને અનેકવાર લેખિત મૌખિક રજૂઆતો કરી ચૂકેલા સરપંચ પણ ધૂતરાષ્ટ્રની ભૂમિકા ભજવતા તંત્ર સામે લાચાર બની ગયું છે અને શિયાળાની કડકડતી ઠંડી હોય ને ઉપરથી હિંસક પશુઓના રહેઠાણ વચ્ચે પણ ભૂકંપનો ભય મિતિયાળાવાસીઓની ઊંઘ હરામ કરી દીધી છે સિંહ દીપડા જેવા હિંસક પશુઓથી ડર ન અનુભવતા મિતિયાળા વાસીઓને ભૂકંપનો ભય ઘર કરી ગયો છે.

એક મહિનામાં 40 - 50 જેટલા હળવા આંચકા સહન કરી ચૂકેલા મિતિયાળા મા હાલ તો ધરા ઘૃજવાની ઘટનાઓથી રાત્રી ઉજાગરા એ ઊંઘ હરામ કરી હોવાની કડવી વાસ્તવિકતાઓ વચ્ચે ભૂકંપનું કારણ જાણવા તંત્ર ક્યારે આગળ આવે તેની મિતિયાળાવાસીઓ કાગડોળે રાહ જોઈ રહ્યા છે ત્યારે સાવરકુંડલા મામલતદાર પ્રદીપસિંહ ગોહિલે જણાવ્યું હતું કે, મીતીયાળા માં ભૂકંપના આંચકાઓ બાબતે ગાંધીનગરથી ત્રણ ચાર દિવસમાં જ ટીમ આવવાની છે અને મીતીયાળા સરપંચ સહિતની રજૂઆતો આવી છે મામલો શું છે તે સમગ્ર બાબત શોર્ટ આઉટ થઈ જશે.

ગરવી ગુજરાતના એક ગામને એવું તે ગ્રહણ લાગ્યું છે કે ગ્રામીણ ગામડાઓના સ્થાનિકોને દિવસ રાત ઉજાગરા કરવાની મજબૂરી ઉભી થઇ છે  દિવસ ને રાત ઉજાગરા કરવાની મજબૂરીનું મુખ્ય કારણ ભૂકંપના આંચકાઓ છે. સ્થાનિકોમાં ફફડાટ છે.

આ પણ વાંચો - ડિસેમ્બરના અંતમાં વધશે ઠંડીનું જોર, માવઠાની શક્યતાથી ખેડૂતોની ચિંતા વધી