અમેરિકાથી ડિપોર્ટ થયેલા ગુજરાતીઓને લઈને પૂર્વ Dy. CM નીતિન પટેલે શું આપી પ્રતિક્રિયા?

• US માંથી 33 ગુજરાતીઓ સહિત 100થી વધુ ભારતીયો દેશમાં પરત ફર્યા
• મહેસાણા અને ગાંધીનગર જિલ્લાના સૌથી વધુ લોકો પરત ફર્યા
• ગુજરાતીઓએ અમેરિકામાં જઈ કોઈ ગંભીર પ્રકારના ગુના કર્યા નથી

Nitin Patel's statement regarding deported Gujaratis : અમેરિકામાં ગેરકાયદેસર રીતે રહેતા 33 ગુજરાતીઓ સહિત 100થી વધુ ભારતીયોને પરત મોકલવામાં આવ્યા છે, જેમાં મહેસાણા અને ગાંધીનગર જિલ્લાના લોકોની સંખ્યા સૌથી વધુ છે. ટ્રમ્પના આદેશ બાદ USA દ્વારા ગેરકાયદે વસેલા લોકોના ડિપોર્ટેશનની પ્રક્રિયા તેજ બની છે, જેમાં મહેસાણા અને ગાંધીનગરના 12, સુરતના 4, અમદાવાદના 2 અને વડોદરા, ખેડા, પાટણના 1-1 નાગરિકોનો સમાવેશ થાય છે. આ ઘટનાને લઈને પૂર્વ Dy CM નીતિન પટેલે તમામ પરત ફરેલા ભારતીયો પ્રત્યે સહાનુભૂતિ વ્યક્ત કરી છે અને જણાવ્યું છે કે તેઓ વિદેશમાં ધંધો-રોજગાર કરીને પરિવારનું ભરણપોષણ કરતા હતા. નીતિન પટેલે સ્પષ્ટતા કરી કે, ગુજરાતીઓએ અમેરિકામાં કોઈ ગંભીર ગુના કર્યા નથી. હાલ પંજાબ સરકાર ડિપોર્ટ થયેલા નાગરિકોની વ્યવસ્થા સંભાળી રહી છે અને તેમને તેમના મૂળ રાજ્ય સુધી પરત મોકલવાની પ્રક્રિયા ચાલી રહી છે.