ઈરા ખાને ટ્રોલ્સરની ઝાટકણી કાઢી, કહ્યું- 'જો તમે ટ્રોલ કરીને કંટાળી ગયા હોવ તો..

આમિર ખાનની પુત્રી ઈરા ખાને તાજેતરમાં જ તેનો 25મો જન્મદિવસ ઉજવ્યો હતો. ઈરા ખાન તેના જન્મદિવસ પર બિકીની તસવીરો શેર કરવાને કારણે સતત ટ્રોલ થઈ રહી છે.

આમિરની લાડલીના જન્મદિવસની ઉજવણી માટે એક પૂલ પાર્ટીનું આયોજન કરવામાં આવ્યું હતું, જેમાં તેના પિતા આમિર ખાન, તેની માતા રીના દત્તા, બોયફ્રેન્ડ નુપુર શિખર અને અન્ય મિત્રોએ પણ હાજરી આપી હતી. જ્યારથી નેટીઝન્સે તેણીને તેના પિતા આમિર ખાનની હાજરીમાં ટૂ પીસ બિકીની પહેરીને તેના જન્મદિવસની કેક કાપતી જોવા મળી હતી, ત્યારથી તે સોશિયલ મીડિયા પર નેટીઝન્સ આક્રમક બન્યાં હતાં. ઇરાએ જન્મદિવસની ઉજવણીની કેટલીક વધુ તસવીરો શેર કરીને, ઇરાએ હવે ટ્રોલર્સ પર કટાક્ષ કર્યો છે. તેની આ તસવીરો પણ સોશિયલ મીડિયા પર ખૂબ વાયરલ થઈ રહી છે.

ઈરા ખાને તેના જન્મદિવસની કેટલીક વધુ તસવીરો ઈન્સ્ટાગ્રામ પર શેર કરી છે. આ તસવીરો શેર કરવા પાછળ ઈરાનો હેતુ તેના કેપ્શન પરથી સ્પષ્ટપણે દેખાઈ આવે છે. ઇરાએ લખ્યું, "જો દરેક મારા જન્મદિવસની તસવીરોને ટ્રોલ કરીને કંટાળી ગયા હોય તો અહીં કેટલીક વધુ તસવીરો છે". આ સ્ટાર કિડે તેનો ખાસ દિવસ મિત્રો અને પરિવાર સાથે પૂલમાં મસ્તી કરવામાં વિતાવ્યો.

ઈરાના આ જોરદાર જવાબ પહેલા સિંગર સોના મહાપાત્રાએ ટ્રોલ્સ સામે કડક વલણ અપનાવ્યું હતું. તેના ઈન્સ્ટાગ્રામ હેન્ડલ પર એક લાંબી નોટ શેર કરતા સોનાએ લખ્યું, "દરેક વ્યક્તિ જે ઈરા ખાનના ડ્રેસને ટ્રોલ કરી રહ્યો છે અને પૂછે છે કે તેના પર આમિર ખાનનું શું રિએક્શન છે. જાણો કે તે હવે 25 વર્ષની થઈ ગઈ છે, પુખ્ત છે તેણે કોઈને પૂછવાની જરૂર નથી કે શું પહેરવું કે નહીં, પછી ભલે તે તેના માતાપિતા હોય.

આ પહેલા ઇરા ખાનને તેના બોયફ્રેન્ડ નુપુર શિખરે સોશિયલ મીડિયા પર સુંદર શુભેચ્છા પાઠવી હતી. તેણે ઈરા સાથેની રોમેન્ટિક તસવીરો ઈન્સ્ટાગ્રામ પર શેર કરી છે. એક તસવીરમાં ઈરા કેક કાપતી જોવા મળે છે, જ્યારે બીજી તસવીરમાં નુપુર ઈરાને પ્રેમથી ગળે લગાવતો જોવા મળે છે. પોસ્ટ શેર કરતા તેણે લખ્યું, "હેપ્પી બર્થડે માય લવ, હું તને ખૂબ પ્રેમ કરું છું."