જોજો હવે હેલ્મેટ ભૂલતા નહીં! રાજ્યભરમાં ટ્રાફિક પોલીસે ચલાવી સ્પેશિયલ ડ્રાઇવ

• રાજ્યભરમાં હેલ્મેટને લઇને ફરી ટ્રાફિક પોલીસની ડ્રાઇવ
• હવે સરકારી કર્મચારીઓને ફરજિયાત હેલ્મેટ પહેરવું પડશે
• અમદાવાદ શહેરમાં આવેલી સરકારી ઓફિસમાં કરાયું ચેકિંગ
• વસ્ત્રાપુર બહુમાળી ભવન બહાર ટ્રાફિક પોલીસ ડ્રાઇવ યોજાઇ
• હેલ્મેટ ના પહેરનાર પર ચાલકો પાસેથી પોલીસે દંડ વસૂલ્યો
• ગુજરાત હાઈકોર્ટની ટકોર બાદ પોલીસની સ્પેશિયલ ડ્રાઇવ
• પોલીસ કર્મચારીઓ બોડી વોર્ન કેમેરા સાથે સજ્જ દેખાયા

Traffic police conduct special drive : હવે સરકારી કર્મચારીઓને ફરજિયાત હેલ્મેટ પહેરવું પડશે. રાજ્યમાં આજથી પોલીસ દ્વારા ફરી એકવાર ટ્રાફિક ડ્રાઈવ શરૂ કરવામાં આવી છે. DGP વિકાસ સહાયે આ અંગે પરિપત્ર બહાર પાડીને સરકારી કર્મચારીઓને હેલ્મેટના નિયમોનું કડકપણે પાલન કરાવવા સૂચના આપી છે. જણાવી દઇએ કે, ગાંધીનગર, અમદાવાદ, સુરત, રાજકોટ જેવા અલગ-અલગ શહેરોમાં આવેલી સરકારી ઓફિસમાં આ ચેકિંગ કરાયું છે. અમદાવાદના વસ્ત્રાપુર બહુમાળી ભવન બહાર ટ્રાફિક પોલીસ ડ્રાઇવ યોજાઇ હતી. હેલ્મેટ ન પહેરનાર પર ચાલકો પાસેથી પોલીસે દંડ વસૂલ્યો છે. પોલીસ કર્મચારીઓ બોડી વોર્ન કેમેરા સાથે સજ્જ દેખાયા હતા. ગુજરાતનાં 4 મહાનગરોમાં આજ સવારથી જ આ ડ્રાઇવ શરૂ કરવામાં આવી છે.