અમેરિકામાં ભારતીયો માટે નફરત, 'આઈ હેટ ઈન્ડિયન્સ' કહીને 4 મહિલાઓ પર હુમલો

અમેરિકામાં જાતિવાદનો એક કિસ્સો સામે આવ્યો છે. મેક્સિકન-અમેરિકન મહિલા દ્વારા ભારતીય મૂળની ચાર મહિલાઓ સાથે મારામારી કરવામાં આવી છે. તેણે ભારતીય મૂળની મહિલાઓને પણ વંશીય  ટીપ્પણી પણ કરી છે. આ ઘટનાનો વિડીયો સોશિયલ મીડિયા પર પોસ્ટ કરતા એક વ્યક્તિએ લખ્યું છે કે આ ઘટના તેમની માતા અને તેની માતાના 3 મિત્રો સાથે બની હતી. 

અમેરિકામાં ભારતીય મૂળની મહિલાઓ પર વંશીય ભેદભાવનો એક શરમજનક કિસ્સો સામે આવ્યો છે. અમેરિકન-મેક્સિન મહિલાએ ટેક્સાસના રસ્તાઓ પર ફરતી 4 ભારતીય મહિલાઓ સાથે માત્ર ગેરવર્તણૂક જ નહીં પરંતુ તેમને માર માર્યા બાદ બંદૂકથી ગોળી મારી દેવાની ધમકી પણ આપી હતી. આ ઘટનાનો વીડિયો સોશિયલ મીડિયા પર વાયરલ થયા બાદ મેક્સિકન પોલીસે આરોપી મહિલાની ધરપકડ કરી છે. આ ઘટના બુધવારે રાત્રે બની હતી. ટેક્સાસના ડલ્લાસમાં એક હોટલમાં જમ્યા બાદ ભારતીય મૂળની ચાર મહિલાઓ પાર્કિંગ તરફ જઇ રહી હતી. ત્યારે અચાનક મેક્સિકન-અમેરિકન મૂળની એક મહિલા ત્યાં આવીઅને તે મહિલાએ ભારતીય મહિલાઓ સાથે દુર્વ્યવહાર કરવાનો શરૂ કર્યો.

મહિલાએ કહ્યું, 'હું ભારતીયોને નફરત કરું છું. બધા ભારતીયો સારા જીવનની શોધમાં અમેરિકા આવે છે. તેમણે ભારતીય મૂળની મહિલાઓ સાથે દુર્વ્યવહાર કરવાનું ચાલુ રાખ્યું. આરોપી મહિલાએ કહ્યું કે તેનો જન્મ અમેરિકામાં થયો છે, પરંતુ તે જ્યાં પણ જાય છે ત્યાં તેને ભારતીયો જ દેખાય છે. ભારતમાં જીવન સારું છે તો તમે લોકો અહીં શા માટે આવો છો? 

આ ઘટનાનો વિડીયો સોશિયલ મીડિયા પર પોસ્ટ કરતા એક વ્યક્તિએ લખ્યું, 'મારી માતા અને તેના 3 મિત્રો ડલાસમાં ડિનર માટે ગયા હતા. તેઓ પાર્કિંગમાં પાછા ફરી રહ્યા હતા ત્યારે એક મેક્સિકન-અમેરિકન મહિલા ત્યાં આવી. ચારેય સામે વંશીય કમેન્ટ કરીને તેમની સાથે મારપીટ પણ કરી સામે મારી માતા તેમને આવી વાત ન કરવાની અપીલ કરતી રહી. જો કે આ અમેરિકન મહિલાનો રોષ વધતો જોઈને મારી માતાએ તેનો વિડીયો રેકોર્ડ કરવાનું શરૂ કર્યું. આ જોઈને મહિલા વધારે ગુસ્સે થઈ ગઈ અને તેણે તેની માતા અને તેના મિત્રો સાથે મારપીટ કવાનું શરૂ કરી દીધું.

આરોપી મેક્સિકન-અમેરિકન મહિલાની ઓળખ એસ્મેરાલ્ડા અપટન તરીકે થઈ છે, જે ટેક્સાસના પ્લાનોની રહેવાસી છે. વિડીયો વાયરલ થયા બાદ, ટેક્સાસના પ્લાનો શહેરમાં પોલીસે ગુરુવારે બપોર સુધીમાં એસ્મેરાલ્ડા ઓપ્ટન નામની મહિલાની ધરપકડ કરી હતી. તેમની સામે વંશીય હુમલા અને આતંકવાદી હુમલાની ધમકીની કલમો લગાવવામાં આવી હતી. એસ્મેરાલ્ડાને 10 હજાર યુએસ ડોલરનો દંડ પણ ફટકારવામાં આવ્યો હતો. ખરેખર, પ્લાનો અને ડલ્લાસ વચ્ચેનું અંતર માત્ર 31 કિલોમીટર છે. આ વિડીયો સોશિયલ મીડિયા પર વાયરલ થયા બાદ અમેરિકામાં રહેતા ભારતીય-અમેરિકન સમુદાયે આ ઘટના પર તીખી પ્રતિક્રિયા આપી છે. 

આ મુદ્દે એશિયન-અમેરિકન નેતા રીમા રસૂલે પણ ટ્વિટ કર્યું છે. તેમણે પોતાના ટ્વિટમાં કહ્યું, 'આ એક ડરામણો અનુભવ હતો. મહિલા પાસે બંદૂક પણ હતી અને તે ભારતીય મૂળની મહિલાઓને તેની સાથે ગોળી મારવા માંગતી હતી. તે સ્ત્રીને તેના અંગ્રેજી બોલતા ઉચ્ચારોમાં સામે સમસ્યા હતી. આ જઘન્ય અપરાધ માટે આરોપી મહિલા સામે કાર્યવાહી થવી જોઈએ. જો કે સ્થાનિક પોલીસે આ મામલે  નિવેદન બહાર પાડ્યું છે.