ભરૂચમાં એક તરફી પ્રેમમાં પાગલ યુવકની કરતૂત, મહિલા સહકર્મી સાથે અડપલાનો પ્રયાસ

ભરૂચ તાલુકાના કુકરવાડા ગામ ખાતે બુલેટ ટ્રેન પ્રોજેક્ટની કામગીરી ચાલી રહી છે અને ત્યાં ઓફિસમાં કામ કરતી મહિલા કર્મી સાથે કામ કરતા સહ કર્મચારીએ મહિલા કર્મી સાથે લગ્ન કરવા અને એક તરફી પ્રેમમાં પાગલ બની મહિલા કર્મીને ગળે લગાવવા સાથે તથા કિસ કરવાની કોશિશ સાથે અડપલા કરતા અને લગ્ન કરવા દબાણ કરતા આખરે મહિલાએ એક તરફી પ્રેમમાં પાગલ યુવક સામે તાલુકા પોલીસ મથકમાં ફરિયાદ નોંધાવી છે

ભરૂચ તાલુકાના કુકરવાડા ગામ નજીક બુલેટ ટ્રેન પ્રોજેક્ટની કામગીરી ચાલી રહી છે અને અહીંયા મોટી સંખ્યામાં લોકો કામ કરતા હોય છે અને કંપનીની ઓફિસ પણ આવેલી છે જેમાં આરોપી દર્શક ચંદ્રશેખર સિંધને ઓફિસમાં જ કામ કરતી મહિલા કર્મી સાથે એક તરફી પ્રેમ થઈ ગયો હતો અને આરોપીએ મહિલાને ઓફિસમાં જ ઘણી વખત એકલતાનો લાભ લઇ તેણીને જકડી લેવી ગળે લગાવી કિસ કરવાની કોશિશ કરવી સહિત અડપલા કર્યા હોવાના આક્ષેપ કર્યા છે સાથે જ હવે તો આરોપી મહિલાને લગ્ન કરવા માટે ધાક ધમકી આપતો હોય અને ફરિયાદી મહિલા સામે આરોપી પોતાના હાથ ઉપર બ્લેડ અને શરીર ઉપર કાચ મારી પોતાની ઇજા કરી મહિલાને તેની સાથે પ્રેમ કરવા માટે દબડાવી રહ્યો હોય અને મારી સાથે લગ્ન નહીં કરીશ તો હું ગમે તે કરી બેસીસ તેવી ધમકી આપી મહિલાને માનસિક ત્રાસ આપતા આખરે મહિલાએ એક તરફ પ્રેમમાં પાગલ યુવક દર્શક ચંદ્રશેખર સિંધે સામે ભરૂચ તાલુકા પોલીસ મથકમાં આઈપીસીની કલમ મુજબ ફરિયાદ નોંધાવી છે.

એક તરફ પ્રેમમાં પાગલ યુવકને નોકરીમાંથી છૂટો કર્યા બાદ પણ તેની ઓફિસમાં નોકરી કરતી મહિલા સાથે લગ્ન કરવાની જીદે whatsapp મેસેજ અને ફોન દ્વારા મારી સાથે લગ્ન કર નહિતર હું કંઈ પણ કરી નાખીશ જેવા મેસેજ અને ધમકીઓ આપતા આખરે મહિલાએ યુવકે કરેલા મેસેજ અને ધમકીના ઓડિયો સાથે પોલીસ મથકમાં ફરિયાદ નોંધાવી છે.

આ પણ વાંચોઃ  સુરતના વરાછામાં અંગત અદાવતમાં કરપીણ હત્યા, મૃતક અને આરોપી બન્નેનો ઇતિહાસ ગુનાઇત