કોબરાને કિસ કરવી શખ્સને ભારે પડી, મળી રિટર્ન Kiss, જુઓ Video

વિડીયોમાં જોઈ શકાય છે કે યુવકે સાપને પકડી લીધો છે. પકડાઈ જવાથી ગુસ્સે થયેલો, સાપ પોતાનો ફન ફેલાવીને ડંખ મારવા તૈયાર થાય છે. તેણે મોઢું ખુલ્લું કર્યું અને જાણે કહેતો હોય કે મને છોડો, નહીં તો તમને ડંખ મારીશ, પરંતુ યુવક સાપને છોડવા તૈયાર નહોતો. તે આસપાસ એકઠા થયેલા લોકોને પોતાની બહાદુરી બતાવી રહ્યો હતો. ત્યારબાદ જે થયું તે આ શખ્સ ક્યારે પણ નહીં ભૂલી શકે. જીહા, ખોટી જગ્યાએ બહાદૂરી બતાવતા શખ્સને દિવસે તારા દેખાઇ ગયા હતા. કોબરાના ફનને કિસ કરતા જ કોબરાએ રિટર્નમાં આ શખ્સને કિસ કરી અને શખ્સની તબિયત લથડવા લાગી. કોબરા કરડતાની સાથે જ શખ્સના હોઠમાંથી લોહી નીકળવા લાગ્યું. તેની તબિયત બગડવા લાગી. સ્થળ પર લોકો આમ-તેમ ભાગવા લાગ્યા હતા. ત્યારબાદ શખ્સને તુરંત જ મેકગન હોસ્પિટલમાં લઈ જવામાં આવ્યો, જ્યાં ડોક્ટરોએ તેની સારવાર કરી. શખ્સને સારવાર બાદ હોસ્પિટલમાંથી રજા આપવામાં આવી હતી.