ગૃહ રાજ્યમંત્રી હર્ષ સંઘવી અને અધિકારીઓએ રથયાત્રાના રૂટનું કર્યું નિરીક્ષણ

Ahmedabad : અમદાવાદમાં 27 જૂન, 2025ના રોજ યોજાનારી 148મી ભગવાન જગન્નાથ રથયાત્રાને સુરક્ષિત અને શાંતિપૂર્ણ બનાવવા માટે ગૃહ રાજ્યમંત્રી Harsh Sanghavi એ રથયાત્રાના 16 કિલોમીટરના રૂટનું નિરીક્ષણ કર્યું, જેમાં રાજ્યના ડીજીપી વિકાસ સહાય અને અમદાવાદ પોલીસ કમિશનર જી.એસ. મલિક પણ જોડાયા. આ નિરીક્ષણ દરમિયાન સંવેદનશીલ વિસ્તારોની સમીક્ષા કરવામાં આવી, જેમાં રેપિડ એક્શન ફોર્સ (RAF)ના જવાનોને ખાસ તૈનાત કરવાનો નિર્ણય લેવાયો, જેથી કોઈ અનિચ્છનીય ઘટના ન બને. રથયાત્રા દરમિયાન લાખો શ્રદ્ધાળુઓની હાજરીને ધ્યાનમાં રાખીને, સુરક્ષા વ્યવસ્થાને અભેદ્ય બનાવવા અમદાવાદ પોલીસ દ્વારા અંતિમ તૈયારીઓ પૂર્ણ કરવામાં આવી, જેમાં અદ્યતન ટેકનોલોજી અને 20,000થી વધુ પોલીસ જવાનોનો બંદોબસ્ત સામેલ છે.