કાશ્મીરી પંડિતોની ઘર વાપસી અંગે મોહન ભાગવતે આપી પ્રતિક્રિયા કહ્યું કે.....

રાષ્ટ્રીય સ્વયંસેવક સંઘ (RSS)ના અધ્યક્ષ મોહન ભાગવતે કાશ્મીરી પંડિતો ટૂંક સમયમાં પાછા ફરવાની વાત કરી છે. ભાગવતે આશા વ્યક્ત કરી કે કાશ્મીરી પંડિતો, જેઓ 1990ના દાયકામાં આતંકવાદની શરૂઆત પછી તેમના ઘરોમાંથી વિસ્થાપિત થયા હતા, તેઓ ટૂંક સમયમાં ખીણમાં પાછા ફરશે. ભાગવતે જમ્મુમાં નવરેહની ઉજવણીના છેલ્લા દિવસે  કોન્ફરન્સ દ્વારા કાશ્મીરી હિન્દુ સમુદાયને સંબોધિત કર્યા હતા. આ દરમિયાન તેમણે કહ્યું, "મને લાગે છે કે તે દિવસ ખૂબ નજીક છે જ્યારે કાશ્મીરી પંડિતો તેમના ઘરે પાછા આવશે અને હું ઈચ્છું છું કે તે દિવસ જલ્દી આવે."

ભાગવતે કહ્યું કે વિવેક અગ્નિહોત્રીની ફિલ્મ 'ધ કાશ્મીર ફાઇલ્સ'એ કાશ્મીરી પંડિતોની સાચી તસવીર અને 1990ના દાયકામાં કાશ્મીર ઘાટીમાંથી તેમની હિજરતને ઉજાગર કરી છે. અનુપમ ખેર, મિથુન ચક્રવર્તી, પલ્લવી જોશી, દર્શન કુમાર અને અન્ય અભિનિત વિવેક અગ્નિહોત્રી દ્વારા નિર્દેશિત 'ધ કાશ્મીર ફાઇલ્સ' 11 માર્ચે સિનેમાઘરોમાં રિલીઝ થઈ હતી. આ ફિલ્મે દેશમાં રાજકીય હલચલ મચાવી છે.

RSSના  અધ્યક્ષ મોહન ભાગવતે કહ્યું, "આજે દરેક ભારતીય કાશ્મીરી પંડિતોના હિજરતના સત્ય વિશે જાણે છે. આ તે સમય છે જ્યારે કાશ્મીરી પંડિતોએ એવી રીતે તેમના ઘરે પાછા જવું પડશે કે તેઓ ભવિષ્યમાં ફરી ક્યારેય ઉથલાવી ન શકે." તેમણે એમ પણ કહ્યું કે કાશ્મીરી પંડિતોએ તેમના વતન પાછા ફરવાની પ્રતિજ્ઞા લેવી જોઈએ, જેથી પરિસ્થિતિ જલ્દી બદલાઈ શકે.