ટી.બીની સારવાર માટે હતી એક લાખની જરૂર, ઝડપથી પૈસા એકત્ર કરવા મહિલા બની ડ્રગ્સ સપ્લાયર

ડ્રગ્સ ના બંધાણી પેડલર બને કે સપ્લાયર બને તો નવાઈ નહી, પરંતુ ટીબીની સારવાર માટે એક મહિલા ડ્રગ્સ સપ્લાયર બની.. સારવાર માટે એક લાખની જરૂર હોવાથી મહીલા ડ્રગ્સ સપ્લાયર બની ગઈ. જોકે હકિકત સામે આવતા પોલીસે તેને જેલમાંથી છૂટ્યા બાદ સારવાર કરાવવા માટે મદદ કરવાનુ વચન પણ આપ્યુ છે.

 હાલ અમદાવાદ એસઓજીની કસ્ટડીમાં રહેલી આ મહિલા ડ્રગ સપ્લાયરનું નામ પરવીન બાનુ બલોચ છે. જે જુહાપુરાના સંકલિત નગરમાં રહે છે અને પોતાના ઘરેથી જ MD ડ્રગ્સ નુ વેચાણ કરે છે... પોલીસે તેના ઘરની તપાસ કરતા 34.900 ગ્રામ એમડી ડ્રગ્સ નો જથ્થો કબજે કર્યો છે સાથે જ કુલ 3.56 લાખનો મુદ્દામાલ જપ્ત કર્યો છે... પરવીન બાનુ ની પુછપરછ કરતા એમડી ડ્રગ્સ તે વટવા ના શહેજાદ પઠાણ પાસેથી લાવી હોવાનું સામે આવ્યું હતું... જેથી પોલીસે તેની શોધખોળ હાથ ધરી છે.

ડ્રગ સપ્લાયર પરવીન બલોચની પૂછપરછ કરતા સામે આવ્યું કે તે છેલ્લા ચાર મહિનાથી ડ્રગ્સનું વેચાણ કરે છે... તેણે જણાવ્યું કે તે  ટીબીની બીમારીથી પીડિત છે અને તેની સારવાર માટે એક લાખ રૂપિયા ની જરૂર હતી જેથી તેણે  આ કામ કરવું પડયું .. તેનો પતિ પથારો લગાવી છૂટક વેચાણ કરે છે.. અને પતિ પણ ડ્રગ્સના રવાડે ચડ્યો હોવાથી સારવાર માટે રૂપિયા આપી શકે તેમ ન હતો તેવું તેણે જણાવ્યું હતું..

સારવાર માટે ઝડપથી રૂપિયા એકઠા કરવા તે ડ્રગ ના ધંધામાં જોડાઈ હતી. ડ્રગ્સ સપ્લાયર પરવીન બલોચની હકીકત જાણ્યા બાદ પોલીસે તેની ખરાઈ કરાવી હતી.. જે બાદ પોલીસે તેની સારવાર માટે મદદ કરવા તૈયારી  બતાવી છે. જેલમાથી. છુટ્યા બાદ પરવીન ને સરકારી યોજના હેઠળ ટીબીની સારવાર કરાવવા પોલીસે તૈયારી બતાવી છે... સાથે જ આરોપી પાસેથી ડ્રગ્સ નેટવર્ક ની માહિતી આપવા બાહેંધરી લીધી છે..

આ પણ વાંચોઃ કડકડતી ઠંડીમાં સ્ટ્રીટ લાઈટ નીચે બેસીને અભ્યાસ કરે છે આ બાળકો, મદદ કરવી હોય તો પહોંચી જજો રાજકોટના રૈયા ટેલીફોન એક્સચેન્જ પાસે