પાકિસ્તાન એકવાર ફરી બોમ્બ વિસ્ફોટના અવાજથી હચમચી ઉઠ્યું

પાકિસ્તાનના ઉત્તરી શહેર સિયાલકોટમાં રવિવારે મોટો વિસ્ફોટ થયો છે. સમાચાર એજન્સી ANIએ સ્થાનિક મીડિયાને ટાંકીને જણાવ્યું હતું કે, પંજાબ પ્રાંતના છાવણી વિસ્તારની નજીક વિસ્ફોટનો અવાજ સંભળાયો હતો.

ધ ડેઈલી મિલાપના એડિટર ઋષિ સૂરીએ એક ટ્વીટમાં કહ્યું કે, ઉત્તર પાકિસ્તાનમાં સિયાલકોટ મિલિટરી બેઝ પર અનેક વિસ્ફોટ થયા છે. પ્રારંભિક સંકેતો છે કે તે દારૂગોળાનો સંગ્રહ વિસ્તાર છે. વિસ્ફોટ બાદ એક વિશાળ આગ સળગતી જોવા મળી રહી છે. બ્લાસ્ટ પાછળનું સાચું કારણ હજુ સુધી જાણી શકાયું નથી. મીડિયા રિપોર્ટ્સ અનુસાર, પાકિસ્તાન સેનાએ આ ઘટનાક્રમ પર સત્તાવાર નિવેદન જાહેર કર્યું છે. કહેવામાં આવ્યું છે કે, સેના દ્વારા હવાથી હવામાં પ્રહાર કરતી મિસાઈલ PL-15નું પરીક્ષણ કરવામાં આવી રહ્યું હતું, જે સંપૂર્ણ રીતે નિષ્ફળ સાબિત થયું હતું. J10-C ફાઈટર જેટમાંથી છોડાયા બાદ આ મિસાઈલ બેકાબૂ બનીને સિયાલકોટમાં પડી હતી. તેનો એક વિડીયો સોશિયલ મીડિયા પર વાયરલ થયો છે. સ્થાનિક લોકોના જણાવ્યા અનુસાર, આ ઘટનામાં હજુ સુધી કોઈનું મોત થયું નથી.