વડાપ્રધાન નરેન્દ્ર મોદીએ દેશવાસીઓને હોળીની પાઠવી શુભેચ્છા

આજે સમગ્ર દેશમાં હોળીની ઉજવણી કરવામાં આવી રહી છે. દેશભરમાં લોકો આ રંગોના તહેવારને ધામધૂમથી મનાવી રહ્યા છે. આ અવસર પર PM નરેન્દ્ર મોદીએ પણ તમામ દેશવાસીઓને હોળીની શુભકામનાઓ પાઠવી છે. 

ટ્વીટ કરીને આ તહેવારનું સ્વાગત કરતા PM મોદીએ કહ્યું, "આપ સૌને હોળીની ખૂબ ખૂબ શુભેચ્છાઓ. પરસ્પર પ્રેમ, સ્નેહ અને ભાઈચારાનું પ્રતીક, રંગોનો આ તહેવાર તમારા જીવનમાં ખુશીના દરેક રંગ લઈને આવે." 

આજે દેશના ખૂણેખૂણેથી હોળીની ઉજવણીની તસવીરો સામે આવી રહી છે. અમિત શાહ, રાજનાથ સિંહ અને મુખ્તાર અબ્બાસ નકવી સહિત અન્ય ઘણા કેન્દ્રીય મંત્રીઓએ પણ લોકોને હોળીની શુભકામનાઓ પાઠવી હતી. વડાપ્રધાન નરેન્દ્ર મોદી ઉપરાંત દેશના રાષ્ટ્રપતિ રામનાથ કોવિંદે પણ દેશવાસીઓને હોળીની શુભેચ્છા પાઠવી છે. તેમણે કહ્યું છે કે, 'હોળીના પાવન અવસર પર તમામ દેશવાસીઓને હાર્દિક અભિનંદન અને શુભકામનાઓ. હોળી, રંગોનો તહેવાર, સામુદાયિક સંવાદિતા અને સમાધાનનું જીવંત ઉદાહરણ છે. તે વસંતના આગમનના સારા સમાચાર લાવે છે. હું ઈચ્છું છું કે, આ તહેવાર તમામ દેશવાસીઓના જીવનમાં આનંદ, ઉત્સાહ અને નવી ઉર્જાનો સંચાર કરે.

ધન માટે ગુલાબી રંગથી હોળી રમો. સ્વાસ્થ્ય માટે લાલ રંગથી હોળી રમો. શિક્ષણ માટે પીળા રંગ અથવા ચંદનથી હોળી રમો. વહેલા લગ્ન કે વૈવાહિક અવરોધો માટે ગુલાબી અને લીલા રંગો સાથે હોળી રમો. કરિયર માટે આછા વાદળી રંગથી હોળી રમવી જોઈએ.