યુરોપના સૌથી મોટા ન્યૂક્લિયર પાવર પ્લાન્ટ પર રશિયન સૈનિકોએ કર્યો હુમલો

રશિયા અને યુક્રેન વચ્ચે યુદ્ધને આજે નવમો દિવસ છે. ત્યારે હવે રશિયન સૈનિકો દ્વારા ન્યૂક્લિયર પાવર પ્લાન્ટ પર હુમલો કરવામાં આવ્યો છે, જે યુક્રેન માટે જ નહીં પરંતુ સમગ્ર વિશ્વ માટે ચિંતાનો વિષય છે. દુનિયાના દેશો યુક્રેનની મદદે આવવાથી રશિયાએ ન્યૂક્લિયર વોરની ધમકી આપી દીધી છે. અને તે ન ભૂલવું જોઇએ કે, રશિયન રાષ્ટ્રપતિ પુતિન જ્યારે પણ કઇ બોલે છે તે કરીને બતાવે છે. ત્યારે હવે આ હુમલો થતા યુક્રેન સહિત દુનિયાભરના શ્વાસ થંભી ગયા છે. આ દરમિયાન યુક્રેનના વિદેશ મંત્રીએ કહ્યું છે કે, રશિયન સેના ઝેપોરઝિયા ન્યૂક્લિયર પાવર પ્લાન્ટ પર ચારે બાજુથી હુમલો કરી રહી છે, જે યુરોપનો સૌથી મોટો પરમાણુ પ્લાન્ટ છે. હુમલા બાદ પ્લાન્ટમાંથી ધુમાડો નીકળી રહ્યો છે. વિદેશ મંત્રીએ કહ્યું કે, રશિયાએ તુરંત જ આ બંધ કરવું જોઈએ, ફાયર ફાઇટર્સને જવા દેવા જોઈએ, સલામત ઝોન બનાવવું જોઈએ.