અંબાણી પરિવાર દ્વારા ભાવિ પુત્રવધૂ માટે આરેંગેત્રમનું આયોજન

રાધિકા મર્ચન્ટના આરંગેત્રમ સમારોહના ઘણા વીડિયો અને ફોટા સોશિયલ મીડિયા પ્લેટફોર્મ પર ધૂમ મચાવી રહ્યા છે. તે સુંદર શૈલીમાં ક્લાસિકલ ડાન્સ કરતી જોવા મળે છે. ભારતના સૌથી પ્રભાવશાળી અને સમૃદ્ધ ઉદ્યોગપતિઓમાંના એક, મુકેશ અંબાણીનો બોલિવૂડ સાથે ઉંડો ઘરોબો ધરાવે છે. જ્યારે પણ તેમના ઘરે પાર્ટી હોય છે ત્યારે બોલિવૂડ ઈન્ડસ્ટ્રીના ઘણા સ્ટાર્સ ત્યાં પહોંચી જાય છે અને પાર્ટીની શાનમાં વધારો કરે છે. આ વખતે પણ કંઈક આવું જ જોવા મળ્યું, ગઈકાલે એટલે કે 5 જૂનનો દિવસે અંબાણી પરિવાર માટે ખૂબ જ ખાસ હતો. કારણકે ગઈકાલે મુકેશ અંબાણી અને નીતા અંબાણીએ તેમની ભાવિ પૂત્રવધુ રાધિકા મર્ચન્ટ માટે ખાસ આરંગેત્રમ્ સેરેમનીનું આયોજન કર્યું હતું. મુંબઈના Jio વર્લ્ડ સેન્ટરમાં આયોજિત આ ઈવેન્ટમાં બોલિવૂડના ઘણા સ્ટાર્સ પણ જોવાં મળ્યાં હતાં. 

મુંબઈના Jio વર્લ્ડ સેન્ટરમાં આયોજિત આ કાર્યક્રમમાં અંબાણી પરિવારની સાથે ફિલ્મ જગતની જાણાતી હસ્તીઓ પણ રાધિકા મર્ચન્ટનો ડાન્સ જોવા માટે પહોંચી હતી. આ કાર્યક્રમમાં રાજકુમાર હિરાણી, સલમાન ખાન, મીઝાન જાફરી, સાગરિકા ઘાટગે, ઝહીર ખાન, સલમાન ખાન, આમિર ખાન અને રણવીર સિંહે હાજરી આપી હતી. જ્યારે રણવીર સિંહ ઈવેન્ટમાં કુર્તા પાયજામા પહેરીને જોવા મળ્યો હતો, ત્યારે સલમાન અને આમિર ખાન તેમની સ્ટેટમેન્ટ સ્ટાઈલમાં ત્યાં પહોંચ્યો હતો.

રાધિકા મર્ચન્ટ અંબાણી પરિવારની નાની વહુ છે. મુકેશ અંબાણી અને નીતા અંબાણીના નાના દીકરા અનંત અંબાણી રાધિકા સાથે લગ્ન કરવા જઈ રહ્યા છે. રાધિકા આ ​​પહેલા પણ ઘણી વખત અંબાણી પરિવાર સાથે જોવા મળી છે. ગઇ કાલે રાધિકા મર્ચન્ટનું  ક્લાસિકલ ડાન્સનું આરંગયેત્રમ યોજાયું હતું

અંબાણી પરિવારની નાની વહુ રાધિકા મર્ચન્ટ ક્લાસિકલ ડાન્સર છે. અરંગેત્રમ સમારોહ વિશે વાત કરીએ તો, તે એક નૃત્યાંગના દ્વારા શાસ્ત્રીય નૃત્યની ઔપચારિક તાલીમ પૂર્ણ કર્યા પછી પ્રથમવાર તેનું સ્ટેજ પર પદાર્પણ કર્યા પછી તેની શિક્ષા પૂરી ગણાય છે. રાધિકા મર્ચન્ટ શ્રી નિભા આર્ટ્સના ગુરુ ભાવના ઠક્કરની શિષ્યા છે.

રાધિકા મર્ચન્ટનું આ ક્લાસિકલ કલાકાર તરીકેનું આ પ્રથમ સ્ટેજ પર પરફોર્મ કર્યું હતું. રાધિકાના આ ખાસ દિવસને વધુ ખાસ બનાવવા માટે મુકેશ અંબાણીએ આ ભવ્ય આરંગેત્રમ સમારોહનું આયોજન કર્યું હતું, જેમાં રાધિકા ખૂબ જ સુંદર લાગી રહી છે. તેના પરફોર્મન્સના ફોટો અને વીડિયો સોશિયલ મીડિયા પર ધૂમ મચાવી રહ્યા છે, જેમાં તેનો દમદાર ડાન્સ અને સ્પેશિયલ એક્સપ્રેશન જોવા મળી રહ્યા છે. સ્ટેજ પર રાધિકાનો ક્લાસિકલ લૂક ખૂબ જ સુંદર લાગી રહ્યો છે.