પ્લાસ્ટિકની બોટલમાં પાણી પીવાની આદત છે જોખમી, થઇ શકે છે આ ગંભીર બીમારીઓ

આજે પ્લાસ્ટિકે આપણા જીવનને એટલી અસર કરી છે કે પ્લાસ્ટિક વિના આજની દુનિયાની કલ્પના પણ કરી શકાતી નથી. માણસ પ્લાસ્ટિક પર એવી રીતે નિર્ભર છે કે તે પીવાના પાણીની બોટલથી લઈને લંચ બોક્સ અને તેની જરૂરિયાતની તમામ વસ્તુઓમાં પ્લાસ્ટિકનો ઉપયોગ કરી રહ્યો છે. કેટલાક લોકો તેની આડઅસરથી પરિચિત છે પરંતુ ઘણા લોકો એવા છે જેઓ તેની આડઅસર વિશે કશું જાણતા નથી. તેઓ જાણતા નથી કે પ્લાસ્ટિકનો ઉપયોગ આપણા  શરીર માટે કેટલો હાનિકારક સાબિત થઈ શકે છે. તેમાંથી નીકળતા રસાયણો શરીરને કેટલી હદે નુકસાન પહોંચાડે છે.

પ્લાસ્ટીકના ઉપયોગને કારણે તેની અંદર રહેલા રસાયણો સાથે શરીરનો સીધો સંપર્ક થાય છે. જેના કારણે શરીર અનેક રોગોથી ઘેરાયેલું રહે છે. પ્લાસ્ટીકમાં મળતા રસાયણો જેમ કે સીસું, કેડમિયમ અને પારો શરીરમાં કેન્સર, વિકલાંગતા, રોગપ્રતિકારક શક્તિમાં ખલેલ જેવી ગંભીર બીમારીઓનું કારણ બને છે અને તેની અસર બાળકોના વિકાસ પર પણ પડે છે.

પ્લાસ્ટિક BPA એટલે કે Bisphenol A થાઈરોઈડ હોર્મોન રીસેપ્ટરની માત્રા ઘટાડે છે. જેના કારણે હાઈપોથાઈરોડિઝમ જેવી ગંભીર બીમારી થઈ શકે છે. પ્લાસ્ટિક આપણા શરીરને અન્ય રીતે પણ નુકસાન પહોંચાડી શકે છે. એક રિસર્ચ અનુસાર, EDC જેવું ખૂબ જ ખતરનાક અને હાનિકારક કેમિકલ એટલે કે એન્ડોક્રાઈન ડિસેન્સિટાઇઝિંગ કેમિકલ પ્લાસ્ટિકની બોટલોમાં જોવા મળે છે. જે ધીમે ધીમે  માનવ હોર્મોનલ સિસ્ટમને નુકસાન પહોંચાડે છે.

પ્લાસ્ટિકમાં રહેલા રસાયણોને કારણે સ્ત્રીઓમાં અંડાશય સંબંધિત રોગો, સ્તન કેન્સર, કોલોન કેન્સર, પ્રોસ્ટેટ કેન્સર જેવી સમસ્યાઓ પણ ઉભી થાય છે.

આ  ઉપરાંત  જ્યારે પ્લાસ્ટિકને ગરમ કરવામાં આવે છે ત્યારે તેમાંથી 50 થી 60 વિવિધ પ્રકારના રસાયણો નીકળે છે અને તે શરીર માટે અત્યંત ઘાતક સાબિત થાય છે. અસ્થમા, પલ્મોનરી કેન્સર, ફેફસાંનું કેન્સર, તેમજ મસ્તિષ્કને નુકસાન થવા જેવી સમસ્યાઓ ઉભી થાય છે.