યુક્રેનિયન સૈનિકે યુદ્ધના મેદાનમાંથી તેની પુત્રીને કવિતા મોકલી, પંક્તિઓ હૃદયને સ્પર્શી જશે

રશિયા સામે યુદ્ધના મેદાનમાં રહેલા એક યુક્રેનના એક સૈનિકે તેની પુત્રીને એક કવિતા મોકલી છે. આ હદયસ્પર્શી કવિતા દ્વારા એક સૈનિકે પોતાની લાગણીઓ લખી છે. યુક્રેનના વિદેશ મંત્રાલય દ્વારા આ ટ્વીટ કરવામાં આવ્યું છે. 

પોતાની પુત્રીને મોકલેલી હૃદયસ્પર્શી કવિતામાં યુક્રેનિયન સૈનિક લખે છે, "મને આ યુદ્ધ વિશે પૂછશો નહીં. જો તારે પૂછવું જ હોય ​​તો તેના વિશે વાત કર કે મારી નજીક એક બગીચો છે અને જેમાના કેટલાક પ્રાણીઓના અવાજો મને સંભળાય છે. શાંતિ છે." તે આગળ લખે છે કે, "મને આ યુદ્ધ વિશે ન પૂછો, જો તમારે પૂછવું જ હોય, તો તેના વિશે વાત કરો કે અમારું જીવન ફરી એકવાર પુનઃસ્થાપિત થશે. અમે ફરીથી મળી શકીશું." એક સૈનિકના હદયની આ વેદના યુદ્ધની એકલતા અને મજબૂરી બંન્ને દર્શાવે છે. 

ઉલ્લેખનીય છે કે, 24 ફેબ્રુઆરીએ રશિયાએ યુક્રેનની ધરતી પર હુમલો કર્યો હતો. સૈન્ય કાર્યવાહીનું નામ આપીને રશિયાએ અત્યાર સુધીમાં યુક્રેનના ઘણા શહેરોને સ્મશાનગૃહમાં ફેરવી દીધા છે. લાખો યુક્રેનિયનો દેશ છોડીને ભાગી ગયા છે અને ઘણા લોકો આ યુદ્ધમાં મૃત્યુ પામ્યા છે.

રશિયા અને યુક્રેન વચ્ચે યુદ્ધ શરૂ થયાને ત્રણ મહિનાથી વધુ સમય થઈ ગયો છે અને આ ખતરાક યુદ્ધના અંતની સંભાવના ઓછી છે. આ યુદ્ધમાં એક તરફ રશિયાએ પોતાના સૈનિકો અને શસ્ત્રોનું બલિદાન આપવું પડ્યું છે તો બીજી તરફ યુક્રેનની સુંદર ભૂમિ બોમ્બના વિસ્ફોટોથી સળગી રહી છે. આ દરમિયાન યુક્રેનના વિદેશ મંત્રાલયે સોશિયલ મીડિયા પર એક સૈનિક દ્વારા લખેલી કવિતા શેર કરી છે. મંત્રાલયનો દાવો છે કે સૈનિકે યુદ્ધના મેદાનમાંથી તેની પુત્રીના પત્રોના જવાબમાં આ કવિતા મોકલી હતી. સાથે જ આ કવિતાનો અંગ્રેજી અનુવાદ મંત્રાલયે તેના ટ્વિટર હેન્ડલ પર શેર કર્યો છે.